‫ط§ط¹ظ„ط§ظ† ظپظٹظ„ظ… ظƒظپ ط§ظ„ظ‚ظ…ط±‬‎ - YouTube
الفيلم كويس ووجبه دراما دسمه
لو روحت الفيلم ممكن تشوفه بمنظور تانى خالص غير الكلام اللى جاى
واللى ناوى يشوف الفيلم فى السينما كفايه عليه كده ويتكل على الله ويطلع من الموضوع علشان ميتحرقلوش بعض الاحداث
هكتب الموضوع على هيئه نقاط او افكار:
الممثلين
-اداء محترم من كل الممثلين وكلهم كانوا فايقين فى الفيلم
-دور العمر لوفاء عامر اجادت فيه رغم ان الماكياج كان عايز سنه تظبيط لما كبرت
-اداء ممتع من خالد صالح وبالنسبه لهيثم زكى كان بيمثل بجد غض النظر عن الفيلمين اللى فاتوا له رغم انى حسيت انى بشوف احمد زكى خصوصا لما كان بيرقص ويغنى مع حوريه فرغلى (البيه البواب)
-صبرى فواز هو توفيق الدقن القادم :ma:
عن الفيلم
-مفيهوش مناظر المره دى كاغلب افلام خالد يوسف الا منظر او 2 لو اعتبرناهم مناظر اصلا
-القصه هى احسن حاجه فيه وتحتمل كذا تاويل كنا عن نفسي احترت فى قمر(وفاء عامر) بالذات هل هى بهيه الغلبانه؟ او سينا اللى احتلت ورجعت فى فتره من فترات الفيلم؟ ام فلسطين المجروحه او الوطن العربى اللى اتشتت واتفرق
بالنسبه للبيت اللى فى الجبل بالقبب اللى فيه هو المسجد الاقصى اللى عمال يتسرق ويتهد وطبعا ذكرى (خالد صالح) هو الاخ الكبير مصر او السادات وبانت قوى لما قال لاخواته انا رحتلهم وكلمتهم ورجعت امكم عايزين تحاربوا روحوا حاربوا ومحدش رد من اخواته العرب ساعتها وقاطعوه واحد ورا التانى
فيه واحد تانى فى الاستراحه قاللى قمر هى مصر وولادها هم ابناء مصر اللى نسيوا الاخلاق والقيم
من الاخر كنا 6 منعرفش بعض فى السينما وكل واحد طلع بنتيجه غير التانى
السينما كانت فاضييييييييييييييييييه
-بالنسبه لهيثم زكى (الاخ الاصغر) اللى صارح الكبير بكل عيوبه فى اخر الفيلم ومرضيش يرجع معاه
تشوف فيه موقف قطر من مصر ممكن اكون غلط طبعا
-عجبنى جدا الظهور الخاص لايمن وسمر اللى كانوا فى حين ميسره فى الفيلم ده والتطور اللى حصل فى حياتهم من سيء لاسوء
-جومانا مراد سياسه اسرائيل
الاخراج
كعاده خالد يوسف دايما اخطاء اخراجيه ملهاش اى 30 لازمه فى الفيلم من تضارب الفتره الزمنيه اللى دار الفيلم فيها -الستينات للتسعينات- وبعض المشاهد زى القطر الجديد والعربيات الجديده !!!
التصوير
اماكن جميله فى الجبل والنيل والفيلم ياخدك ويجيبك فى عده محافظات
على فكره كانت ال 504 اسد طول الفيلم
السيناريو
الفيلم تاليف ناصر عبد الرحمن ومفيش خلاف على جوده اللى بيقدمه الراجل ده
بس اوقات قليله كنت تحس بالملل وفيه احداث اتلخصت جدا منعا للتطويل والملل وده اللى عجبنى جدا بصراحه
نهايه الفيلم
ليه دايما خالد يوسف مصمم يكدر الناس اللى طالعه من السينما مش فاهم
مخرج كئيب
وسلام ياخواننا