الموضوع: المفاتيح ياعصام........

السلام عليكم ورحمه الله وبركاته

اولا كل سنه وانتم بخير بمناسبه عيد الاضحى المبارك

الموضوع حصل قدام صديق لى فقولت احكيه هنا علشان ناخد بالنا من اللى حصل .

فى مكان لركن السيارات فى ميدان باب الشعريه عند العماره العاليه اللى فى الميدان تركن ب 5 جنيه
وفى كذا واحد شغالين هناك والكبير بتاعهم ((عصام)) .
جاء يوم الجمعه 21 -11 الصبح راجل وزوجته ركن عربيه ماتريكس واللى يركن يترك المفتاح ، انا ركنت عنده قبل كده كذا مره وسيبت المفتاح وعادى، المهم صاحب الماتريكس قضى مشواره ورجع ياخد العربيه كانت المفاجأه .....................
العربيه مش موجوده ، فين العربيه ياريس قالوا صاحبها خدها ... صاحبها مين انا صاحبها!!!!!!!!!
اتارى عصام جاله واحد فى الزحمه ووقف جنب الماتريكس وشاورله وقاله

((المفاتيح ياعصام)) وطلع 10 جنيه اداهم لعصام وعصام اداله المفاتيح على اساس انه صاحب العربيه ، هو عصام هيفتكر مين ولا مين.

هااااااااااااا هتركنوا وتسيبوا المفتاح بعد كده ولا ايه؟؟؟؟؟

المشاركة الأصلية كتبت بواسطة a333

وصاحب العربية عمل اية

الراجل رجع هو وزوجته ولما حصل اللى حصل كان شارى شويه حاجات معاه اكياس راح راميها وطلع على قسم الشرطه يعمل محضر,
بس اللى يضايق ويجنن ان عصام افندى بيقول للراجل لما بيسأله ازاى تديله المفتاح بكل برود .. وانا اعملك ايه هو انا هحفظ شكل كل واحد.......

بصراحه ربنا يكون فى عون صاحب العربيه