انا قديم وارفض عمل المرءة
عرض للطباعة
لو رفضت عمل المراه يبقى ارفض تعليمها
لو رفض عمل المراه يبقى ارفض لما مراتك او بنتك تتعب لقدر الله انك توديها لدكتور مش دكتوره
وحاجات كتيير لو عاوز تقيسها على المجال ده
ولك عندى اكبر تحيه وتقدير واحترام
وفى الاول والاخر الوضع لكل واحد بيبصله من منظور معين
انا ابيض واسود ..... لاء من ايام السينما الصامته .... وارفض عمل المرأة ... بالنسبة لتعليم المرأة عندي ... الام مدرسة ان اعدتها اعدت شعبا طيب الاعراق :Bravo:............ انما في عصر الالوان الام مدرسة لعب وفن وهندسة :36_7_7[1]::36_1_61[1]::B4_282:
عادى جدا أن الست تشتغل
ويا سلام لو مدرسه مجال مناسب جدا للسيدات
وبعدين الشغل فعلا بيصقل خبرات المرأه بسبب الأحتكاك مع بشر أخرين غير أطار البيت والأقارب
ومش شرط أن يكون الشغل بسبب الأحتياج المادى
لكن طبعا الست فى بيتها أفضل من أى مكان تانى بميت مره
بس بشرط فى حاله العمل أو الجلوس فى المنزل يكون الرأى مشترك مش مفروض عليهاده أو ده
لا.
بالعكس الام موجوده بس للاسف مش عارفه ايه معنى التربيه
وكان فى موضوع انا عمله لسه قريب
كيفية تربيه الاولاد http://www.nilemotors.net/Nile/253436-a.html
صدقنى انا مش رافض دى ومش رافض دى
بمعنى انا رائى لازم للام دور كبير اوى فى البيت بس مفيش مانع لو حبت تنزل الشغل وفى نفس الوقت تقدر تحافظ على نفس النسبة بتاعتها فى البيت
ولو حضرتك تقصد المعاكسات والمضيقات الى بتقابلها فى الشغل
فالمراه المحترمه هى الى تقدر تصد الى قدمها وهى برده الى تقدر تشجع الى قدمها يعكسها ولا لا
اكيد راى وصل لحضرتك
ياجماعه عمل المراءه بجانب قيمته الاقتصاديه المهمه جدا حاليا لاى اسره بسبب متطلبات الحياه الكتير وماعدشى فيه حاجه اسمها كماليات وضروريات
التكييف والعربيه خلاص بقوا من الاساسيات
كان من 30 سنه اللى بيجيب غساله اوتوماتيك الناس تضحك عليه دلوقتى شوفوا الوضع ايه
المدارس الاجنبيه للاولاد ومصاريف التعليم وخلافه
يعنى لو مكانشى الواحد وارث طن فلوس مش حيعرف يعيش كويس
غير كده ان عمل المراءه بيخليها تفقد العديد من عيوبها من ناحية الرغى الكتير واختلاق المشاكل الهايفه ومجايب سيرة فلانه وعلان وخلافه لانها بقى معندهاش وقت
وفى الاخر كل واحد وله ظروفه وكل واحد ادرى بنفسه وبوضعه