عاوز ميكانيكى يكون شاطر و بيفهم كويس فى الدايو غير عبده و هاشم و حسن الكبير
عرض للطباعة
عاوز ميكانيكى يكون شاطر و بيفهم كويس فى الدايو غير عبده و هاشم و حسن الكبير
نسيت اقول فى نطاق الجيزة
تقدر تيجي الوراق
صعب ناحية الوراق و شكرا يا باشا
هو ايه مشاكل محمد عبده ومحمد هاشم يا باشا ؟ انا جربت محمد هاشم مرة واحدة بس فى صيانة عادية وما كانش فيه مشاكل معاه .......فيا ريت تقولى لو فى مشاكل معاهم لانى عندى مشكلة النهارده العربية بتنتش جامد ومش عارف امشى بيها خالص وكنت ناوى اروح لحد فيهم ولو عرفت حد شغال الاسبوع ده ياريت تقولى
الناس دى اساتذة بس الكمال لله وحده
محمد عبده ورشته بعيدة عنى
محمد هاشم انا بصلح عنده و على علاقة طيبة بيه و لسه عنده قبل العيد لكن زحمة و ممكن اقعد بالساعات مستنى علشان يكشف او يصلح فى العربية و ممكن الشغل كله ميتعملش مرة واحدة هو كويس و ربنا يبارك له لكن الوقت اللى بيضيع عنده على حساب راحتى خصوصا ان مسئوليتى زادت فى الفترة الاخيرة
حسن اتعملت معه مرة واحدة لكن عدم شكر الناس فيه مقلقنى
اللى خلانى اروح لهاشم ان الميكانيكى القديم كسول رغم انه شاطر نظام كل حاجة عاوز اجيله بالنهار
و لله الحمد على كل شىء
مفيش جديد
ورشة الاسطى احمد و ورشتة فى ش التحرير الدقي وهو شغال اصلا في توكيل لانوس ورقمه 0124668589
شكرا لحضرتك استاذ محمود , بس ياريت شوية معلومات
ورشته فين بالظبط فى شارع التحرير ؟؟؟
اخبار الشغل عنده ايه زحمة و لا فاضى و لا متوسط ؟؟؟
اخبار المصنعيات ايه بما يرضى الله و لا عالى ؟؟؟
تقيل فى الشغل و لا لو الدنيا زحمة بيكروت ؟؟؟
و اخيرا شغال فى انى توكيل ابو الفتوح و لا منصور ؟؟؟
شكرا لك و جزاك الله كل خير
بص يا هندسة ... هو فيه واحد حبيبنا هنا فالمنتدي هو اللى دلنى عليه لكن انا مجربتوش لحد دلوقتى عشان انا لسه معزلتش ..... انا حاليا فشبرا وبتعامل مع واحد كويس جدا ..... لكن اما انقل واروح شقتى الجديدة هتعامل مع الراجل ان شاء الله ..... لكن انا معنديش معلومات عنه ..... لكن لو عاوز معلومات اكتر ممكن الصديق اللى دلنى عليه هو اللى يفيذك .... ودا الملف الشخصي بتاعه نايل موتورز - NileMotors.net
شكرا يا باشا
يا مسهل نوصل لحد مريح ماديا و مصنعيا
فيه واحد فى شارع العشرين مياكنيكى وجمبه كهربائى الاتنين اخوات
تخصص كوريى ويابانى " الدايو عندهم كتيييييير بيشتغلوا فيه
مصنعيتهم معقوله وشغلهم نضيف "فصال خفيف وهيبقى زى الفل "
الكهربائى " احمد السمان
الميكانيكى " على السمان
ادخل فى شارع العشرين متفرع من فيصل لحد ما تلاقى عصير رسلان على شمالك تروح داخل الشارع وتمشى 500 متر وتسال هناك
الناس كلها عارفينه وورشته قدامها باركينج بيصلح العربيات فيه
شكرا استاذ blazer لكن العشرينى بعيد عنى و اطمع ان حد يفيدنى بورشة اقرب
و لعل و عسى على السمان ينفع الاخرين