عاوز قطع غيار رخيصة لاوبل استرا 2004 لحسن العربية حاجتها مولعة نار

اسعار اوبل استرا 2004 غالية اوى عاوزيين اراخص الاسعار لو سمحتوا دا الفوانيس االامامية عاملة 1800 كتير اوى اوى اوى وكمان عاوزيين نعرف قطع الغيار استيراد بتتباع فيين عاوزيين الافادة

يعنى ايه رخيصه
صعب تلاقى نضيف رخيص
مستعمل
عندك الحرفيين
و الوكاله
و بتوع الهرم

انت عربيتك برازيلى زى عربيتى .. بدل ما تلف كتير هقول لك على أفضل الأماكن

الجديد: سرور و أميركان ستار (حسن عبد اللطيف) فى شارع شامبليون .. و فى حاجات عند ده أرخص من ده و العكس صحيح .. فاسأل عند الاتنين .. و فى محل فى الحرفيين اسمه الوطنية هو عامة غالى .. لكن فى حاجات معينه أرخص .. بس فاصل معاه كويس.

الاستيراد: عندك فى الحرفيين فى شارع المرسيدس هانى العايدى .. وأنا شخصيا بحب أتعامل معاه عشان محترم كده وودود .. و فى الشاطر فى الحرفيين برضه .. و بيبيع جديد كمان.

لو فى حاجه بدور عليها أصلية و ملقيتهاش عند دول .. بروح عند النجار اللى فى شارع دمشق .. هو غالى جدا .. بس لو مزنوق فى الحاجه.

دول اللى أنا بفض أتعامل معاهم و فى ناس تانيه كتير.

استاذ كريم ممكن اسألك سؤال انت جربت تركب حاجات ليجانزا على عربيتك ونفعت

انا جايب بلية الكاتينة مش اصلى بى 280 جنية فا عاوز اعرف لو فى حاجات فى اليجانزا تركب توفر علينا الكلام دا كلة يعنى الطاسات بتاعة العربية الطقم عامل 400 جنية ومحدش عاوز ينزل فى القطع الغيار جنية واحد

بلية الكاتينة عندى الأصلية ب 175 جنية .. معرفش الأسترا بكام بصراحه.

الطاسات سعرها كده فعلا .. الجديد الواحده ب 150 جنية تقريبا .. ممكن تجيب بأه مش أصلى .. الطقم ب 40 جنية.

بس انت لو مسكت طاسة الأوبل و طاسة الفيرنا مثلا .. هتعرف ليه الطاسة ب 150 جنية :-) .. يعنى أنا مثلا راكب عندى الأصلى من 2004 و الحمد لله لسه زى الفل.

و نصيحة .. هات الحاجه الأصلية و ركبها و انساها .. يعنى اصرف لك 2000 جنية على العربية لو محناجة حاجات كتير و استمتع بيها.

انما ليجانزا فى أوبل .. معرفش بصراحه .. بس عموما مفيش حاجه رخيصه و حاجه غالية و الاتنين بنفس الجودة.

بس هى مشكلة الموديل دة انه برازيلى و القطع اللى بتنزل استيراد قليلة علشان كدة المحلات اللى بيبقى عنده حاجة استيراد بيمسك فيها جامد
وانت بتتعامل مع مين فى الجديد نصيحة ابعد عن الناس اللى فى الحرافين استغلال ما بعده استغلال
فى واحد بس دة اللى انا بتعامل معاه فى الحرافين هو محترم واسعاره كويسة جدا اسمة الدولية قدام محل الوطنية على طول

تمام شكلنا هنجيب كل حاجة من التوكيل عشان نستمتع شكرا للافادة

الانجيكشن بيفرق فى السحب عشان عاوز اعرف بيتنظف ازاى

متجيبش من التوكيل .. جيب من الناس اللى قت لك عليهم .. عندهم قطع الغيار الأصلية و أرخص من التوكيل.
بس أى حاجه تجيبها .. هاتها gm

طبعاً
بيفرق فى السحب
و تنضيفه
يا اما عن طريق الأسبراى
او اضافات البنزين
او الالترا سونيك