تأخير دائم في الدوارة ! - للخبراء و المجربين بس :)
سلامو عليكم يا رجالة نايل موتورز
انا معايا لانوس 2 عاملة 30 ألف كيلو الموتور زي الفل مش مخنوقة و السحب زي الفل
لاحظت من حوالي شهر انها بتأخر في الدوارة يعني مش من تكة واحدة (هي بس محتاجة أفضل ماسك المفتاح حوالي 3 ثواني كده) كمان ممكن تبقى حلوة مرة ولا مرتين في اليوم و تدور زي الفل من تكة واحدة بس غير كده مش بتدور عللى طول و ده مضايقني بصراحة و محسسني ان عربيتي بقت انتاج السبعينات !
أنا عارف انها رشـــــاشـــات بس السحب عال العال لذلك انا مستبعد البوجيهات
انا عايز أعرف منظف الرشاشات هيفرق معايا ولا لأ و ناس قالولي ان الألتراسونيك و المنظفات دي نصب كام كيلو و بتتعب الرشاشات تاني
أنا عايز أعرف ايه الحل السليم و النهائي عشان أنسى الموضوع ده... خصوصا ان العربية تعتبر جديدة و مستخسر أغير الرشاشات من دلوقتي لأن كده خسارة و كمان ناس كتير في المنتدى جابوا رشاشات من بي إم m40 و فيرنا و أكسنت و بصراحة العربية مش بترجع زي الأول(ده على لسانهم يعني الوضوع بيبقى ليه ذيول)
أنا شرحت الموضوع كامل عشان الصورة تكون واضحة و أتمنى رأي الخبراء و اللي عندهم مشكلتي و حلوها .. و كل سنو و انتم طيبين و شكرا
ملحوظة: أنا بحط بنزين 92 دايما