يعني ابيع العربية ؟ ولا ارمي الجنوط ؟ اتوبيس جابلي الجمب التاني

السلام عليكم ورحمة الله وبركاته

والله يا جماعة انا مش عارف اقول ايه ومش عارف ولا قادر استوعب اللى بيحصل

من يومين وانا واقف على الدايري ترلا جبلي الجمب الشمال (الباب بالرفرف والاكصدام)

قلت الحمد لله انها جت على قد كدة وعين صابت العربية وربنا سترها

وديتها تتصلح وبقالها يومين عند السمكري ورشيت الباب والرفرف

ولسه مستلمها النهارده

الحمد لله الراجل رجعها زي ماكانت ويكاد يكون مافيش فرق وشغل نظيف ولمعت العربية وكلو تمام

وانا مروح بيها طالع من شارع جانبي يقوم اتوبيس رحلات يجبلي الجمب التاني وبرضوا وانا واقف او ماشي على سرعة 5 كم

اعمل ايه طيب دلوقتي ؟ كل ده عشان ركبت في العربية جنوط وحطيت عليها شوية استيكرز ؟

ارمي الجنوط واقطع الاستيكرز عشان العين تبعد عن العربية ولا ايه ؟

مش عارف والله اللى بيحصل ده من ايه وليه

ده الواحد وهو لسه بيتعلم السواقة جديد ماكنش بيحصل معاه الكلام ده

يا اما انا نسيت السواقة ياما في حاجة غلط

مش عارف ايه تاني ممكن يحصل والعين هتفضل ورايا لحد امتى

كان المفروض اني نازل رايح مشوار ركنت العربية وقلت والله ماهنزل بيها ومش هصحلها وهسبها كدة

حد يقولي ده من ايه وليه واعمل ايه عشان خلاص هيحصلي حاجة ومش قادر لا افكر واستوعب اللى بيحصل خبطتين في يومين مش ممكن يعني والله

لكن في الاخر برضوا الحمد لله على كل شئ

احسن حاجة فعلا انك تقول الحمد لله علي كل شئ
و حاول تدبح حاجة للعربيه و تطلعها كلها لله
وسيب الخبطة كده شوية ماتصلحهاش علي طول امشي بيها كده شوية وشغل قرآن كتير في العربية و اتعود اول ماتركب عربيتك تقرا قل اعوذ برب الفلق و ربنا يبعد عنك العين ان شاء الله.
و قدر الله ما شاء فعل

فيداك والله هى بتيقا فتره كده بيكون فيها الخبطاط كتير
و اكيد جى فديتك بحاجه كبيره
صلحها و استمتع بعربيتك و خليها على ربنا دى كلها اختبارات هون على نفسك كده و عيد سعيد عليك يا كبير و كل سنه و نتا طيب
و لا تبعها و لا ترمى الجنوط و لا تشيل الاستيكرات استمتع بعربيتك بالعند فى العين

قدرالله وماشاء فعل عايز اقلك اني خبطت العربية من قدام وغيرت الصدر وشبكة ولحمت اكصدام وغيرت فانوسين وبعد شهر او اقل حصل نفس الحادثة والصدر خرب وااكصدام اتكسر واكبوت اتنقر نقرة خفيفة مش عارف يمكن ده ه علاقة بكلام الواحد عن اصلاحاته فالعربية والناس مبتسميش الله وتقدم المشيئة وهو كده كده قدر الحمدلله ونبص لمصايب غيرنا واللي اقل مننا اكيد ده هيريحنا شويه كل عام وانت بخير وكل نايل موتورززززززززززز )

ياباشا قدر الله وماشاء فعل الحمد لله انها جت على قد كدة يابو حميد

والله انا امبارح كنت راكن فى مصر الجديدة السايس بيرجع عربية راح خابطها فى اكصدام عربيتى جرحة قولت الحمد لله حصل خير , مافيش اليوم التانى مباشراُ راكنها عند الشقة بتاعتى وشاب كدة لسة عندة بتاع 20 سنة سايق 127 لقيتة وهو بيرجع بظهرة رايح مكحتلى الباب الخلفى وقعدت اعمل فيها لحد ماطلعت بالعافية بس بردة اثارها موجودة فقولت عادى والحمد لله ربنا سترها والحمد لله انها جت على قد كدة , وانا راجع لقيت واحد خبط فى عربية ضيعلة الشنطة فقولت فى بالى الحمد لله انها جت على قد كدة اللى يشوف هم غيرة يهون علية همة

لعله خير يا باشا

انا زمان حصل معايا تقريبا نفس اللى بيحصلك دا .. و ورا بعض حوادث غريبه و بردو مش انا اللى كنت السبب .. احسن حاجه تصلى و تشكر ربنا و تقول الحمد لله .. و حاول تقتنع ان ممكن كان فى شر كبير و ربنا خففو فى الحاجات اللى تعتبر هايفه جدا مقارنتا بحياتك و صحتك و نفس الكلام لعيلتك الكريمه .. و كل سنه و انت طيب

الحمد لله انها جت على قد كدة ودة نصيبك ونصيب العربية

انا برضوا العيد اللى فات بعد الصلاة
نزلت بالعربية الاراضى الزراعية
كيف معرفش وازاى ماتسالش

الحمد لله على كل حال ... وربنا يعينك ويكفيك شرها
قل لن يصيبنا إلا ما كتب الله لنا هو مولانا وعلى الله فليتوكل المؤمنون

دى عين ياباشا
او اختبار من ربنا
قول الحمدلله على كل شى
تصدق بس كدا او ادبح حاجه وربنا يسهلها ويكرمك ان شاء الله

اقتباس:

---

المشاركة الأصلية كتبت بواسطة mr_shims_49

احسن حاجة فعلا انك تقول الحمد لله علي كل شئ
و حاول تدبح حاجة للعربيه و تطلعها كلها لله
وسيب الخبطة كده شوية ماتصلحهاش علي طول امشي بيها كده شوية وشغل قرآن كتير في العربية و اتعود اول ماتركب عربيتك تقرا قل اعوذ برب الفلق و ربنا يبعد عنك العين ان شاء الله.
و قدر الله ما شاء فعل

---

الحمد لله على كل شئ وهي الخبطة دي تعتبر بسيطة بالنسبة لخبطة الترلا

عشان كدة هسبها تاخد العين وربنا يسترها

اقتباس:

---

المشاركة الأصلية كتبت بواسطة minicooper20

فيداك والله هى بتيقا فتره كده بيكون فيها الخبطاط كتير
و اكيد جى فديتك بحاجه كبيره
صلحها و استمتع بعربيتك و خليها على ربنا دى كلها اختبارات هون على نفسك كده و عيد سعيد عليك يا كبير و كل سنه و نتا طيب
و لا تبعها و لا ترمى الجنوط و لا تشيل الاستيكرات استمتع بعربيتك بالعند فى العين

---

ربنا يخليك بس الواحد كل اللى مضايقه انك تبقى لسه راجع من العربية بتلمع ومصلحها تقوم مخبوط تاني بجد حاجة تقهر

اقتباس:

---

المشاركة الأصلية كتبت بواسطة windsofchange

قدرالله وماشاء فعل عايز اقلك اني خبطت العربية من قدام وغيرت الصدر وشبكة ولحمت اكصدام وغيرت فانوسين وبعد شهر او اقل حصل نفس الحادثة والصدر خرب وااكصدام اتكسر واكبوت اتنقر نقرة خفيفة مش عارف يمكن ده ه علاقة بكلام الواحد عن اصلاحاته فالعربية والناس مبتسميش الله وتقدم المشيئة وهو كده كده قدر الحمدلله ونبص لمصايب غيرنا واللي اقل مننا اكيد ده هيريحنا شويه كل عام وانت بخير وكل نايل موتورززززززززززز )

---

الحمد لله على كل شئ بس بعد شهر كانت هتبقى اهون على انها تتخبط في نفس اليوم ووانت راجع من عند السمكري يعني ملحقتش تقول الحمد لله انها اتصلحت

اقتباس:

---

المشاركة الأصلية كتبت بواسطة semsem kane

ياباشا قدر الله وماشاء فعل الحمد لله انها جت على قد كدة يابو حميد

والله انا امبارح كنت راكن فى مصر الجديدة السايس بيرجع عربية راح خابطها فى اكصدام عربيتى جرحة قولت الحمد لله حصل خير , مافيش اليوم التانى مباشراُ راكنها عند الشقة بتاعتى وشاب كدة لسة عندة بتاع 20 سنة سايق 127 لقيتة وهو بيرجع بظهرة رايح مكحتلى الباب الخلفى وقعدت اعمل فيها لحد ماطلعت بالعافية بس بردة اثارها موجودة فقولت عادى والحمد لله ربنا سترها والحمد لله انها جت على قد كدة , وانا راجع لقيت واحد خبط فى عربية ضيعلة الشنطة فقولت فى بالى الحمد لله انها جت على قد كدة اللى يشوف هم غيرة يهون علية همة

---

ربنا يخليك يا سامح هو طبعا الحمد لله في الاول وفي الاخر بس الواحد كل اللى مضايقه انها في نفس اليوم غير اني مش فاهم ومش مستوعب خبطتين كدة ورا

مش عارف دي عين ولا ابتلاء ولا انا نسيت السواقة

اقتباس:

---

المشاركة الأصلية كتبت بواسطة ahmed_mido1889

لعله خير يا باشا

---

الحمد لله

اقتباس:

---

المشاركة الأصلية كتبت بواسطة superb

انا زمان حصل معايا تقريبا نفس اللى بيحصلك دا .. و ورا بعض حوادث غريبه و بردو مش انا اللى كنت السبب .. احسن حاجه تصلى و تشكر ربنا و تقول الحمد لله .. و حاول تقتنع ان ممكن كان فى شر كبير و ربنا خففو فى الحاجات اللى تعتبر هايفه جدا مقارنتا بحياتك و صحتك و نفس الكلام لعيلتك الكريمه .. و كل سنه و انت طيب

---

الحمد لله واكيد ربنا مش بيجيب حاجة وشحة

اقتباس:

---

المشاركة الأصلية كتبت بواسطة ahmedbasto

الحمد لله انها جت على قد كدة ودة نصيبك ونصيب العربية

---

الحمد لله

اقتباس:

---

المشاركة الأصلية كتبت بواسطة a333

انا برضوا العيد اللى فات بعد الصلاة
نزلت بالعربية الاراضى الزراعية
كيف معرفش وازاى ماتسالش

---

في حجات كدة بتحصل والواحد مابيبقاش فاهم حصلت ليه لكن بنقول الحمد لله

اقتباس:

---

المشاركة الأصلية كتبت بواسطة khaled_nowaihy

الحمد لله على كل حال ... وربنا يعينك ويكفيك شرها
قل لن يصيبنا إلا ما كتب الله لنا هو مولانا وعلى الله فليتوكل المؤمنون

---

الحمد لله

اقتباس:

---

المشاركة الأصلية كتبت بواسطة mohammedabdallh

دى عين ياباشا
او اختبار من ربنا
قول الحمدلله على كل شى
تصدق بس كدا او ادبح حاجه وربنا يسهلها ويكرمك ان شاء الله

---

ناس كتير قالتلي انها خدت عين وربنا يبعد عننا العيد

نقس الكلام برضه لسه شاري العربيه من شهرين كان فيها شغل سمكره خفيف رحت ظبطها و بعد يومين تروسيكل خبطلي الرفرف اللي ورا

والله انا اول ماجبت العربيه اول خروجه بيها وفرحان وواخد الاسره عشان اخرجهم خبطنى واحد عربجى من بتوع الربع نقل وجرى قولت قدر الله وماشاء فعل وروحت عمتلها بالليل ورجعت تقريبا زى الاول وتانى خروجه العربيه حكت منى ف عمود والجريده وقعت وف نفس اليوم اتخبطت منى ف عمود تانى وانا راجع ولا كانى بتعلم السواقه وكانى مبسوقش من سنين .. عشان مطولش عليك سيبت الجريده واقعه فتره والحكه سيبتها باينه عشان تاخد العين وعملتها بعدها ب 10 ايام على مالعين تهدى شويه واهم حاجه انى كنت بحسس عليها جدا من ساعتها قولت هسيبها لنصيبها وزى ماتيجى والحمد لله من ساعتها محصلش حاجه ..

اهم حاجه دعاء الركوب عشان ربنا يحفظك انت وهى والقران دايما تشغله ف العربيه .. ومتزعلش على حاجه لعلها تكفير ذنوب

احيانا الواحد هو شخصيا الي بيحسد عربيته
او الصنايعي الي اشتغل فيها او حد حسدها وهي عند السمكري

انا شخصيا كنت بشد العربية عشان الفحص
سمكرت الرفرفين وغيرت شبكة وفوانيس
وانا راجع من عند السمكري مالحقتش حتي اروح للبوهيجي كان ميني باص اخضر معلم عليا وخد الجنب كله والمراية
لفيت ورجعت تاني للسمكري

وكل لما كنت بغسل العربية كان لازم يحصلها حاجة

حمد لله علي سلامتك انت دة المهم
وفداك العربية

وكل سنة وانت طيب

الله المستعان
،
،

يا باشا ساعات بتيجى عكس كده مع نفسها ة تحس ان العربيه لو نزلتها تحت الارض حدور على الخبطه بنفسها و تتخبط متعرفش ازاى انا مرتين الفرامل تزحف العربيه تخلينى اريخ على اللى قدامى و منهم عربيه لادا عوجتله الاكصدام بس مهما كا قضى اخف من قضى و الحمد لله فى السراء و الدراء

لا حول ولا قوة الا بالله
اصبر واحتسب عن ربنا
وشكلها فعلا عين بنت .....
نصيحة شيل صورة العربية من توقيعك

قدر الله وما شاء فعل احمد الله واسترجع وادعوا الله ان يأجرك خيرا ويخلف عليك خيرا منها -انا من جمعنين كنت مواعد واحد عايز بشترى العربيه فى السوق وحاجز عربيه تانبة ومستنى ابيع علشان اكمل واستلم وانا رايح السوق مش عارف ايه اللى حصل لقيت كام عربية لبسوا فى بعض وانا منهم ولقيت الجنب كله (اربع قطع) فى الضياع والمساعد اتعوج والجنط اتكل والعربيه محتاجة ونش بس الحمد لله بالرغم من كل ده والاصابات اللى حصلتلى انا شخصيا اساسيات العربية سليمة وبعيد عن العضم طبعا الحمد لله برده ان ربنا لطيف السمكرى عرف يصلح الصاج كله من غبر تغيير وغيرت مساعدين امامى وخلفى ورشيت جنب كامل ورحمة ربنا انها اتكلفت 2000 جنبه وطبعا مبعتش واتنفخت تاكسيات لمدة اسيوع وبرده الحمد لله -ربنا يسترها علينا جميعا لان السواقة والشوارع فى مصر بتقول عايزه حوادث بعكس امريكا واوروبا مشفتش مشكله واحدة مش حادثه خلال 15 يوم وعمار يا مصر

قول الحمدلله ,,


انا برضوا حصلي 4 خبطات وانا في مكاني ,, وكلهم من نقل ؟؟ تخيل

اول واحدة في الرفرف الامامي يميين انا ماشي براحة اوي علي الشمال في شارعيين بس مفتوحيين اتجاه واحد يعني الشارع واسع اية .. لقيت باص جمعية دخل في الررفرف بيقولي الي جنبة حدف علية

مرة تانية برضوا وقف في حالي عربية نص نقل دخلت في الرفرف الشمال لوحدها وانا واقف ؟

ومرة برضوا ماشي في امان الله علي اليمين باص جمعية برضوا دخل في الرفرف الي ورا جي كابس من ورا وعايز يعدي من اليمين باي طريقة دخل في الرفرف الي ورا ..


واخر واحدة دي عجيبة بقي

بمون في البنزينة وواقف يعني العربية متبطلة وكل حاجة والاقي توتوك ماشي جنبي بيحك في العربية ؟؟





قول قبل ما تنزل من البيت او خارج من اي حتة

"بسم الله توكلت على الله ولاحول ولاقوة إلا باالله"

واول ما تركب العربية

ـ" بسم الله ، الحمد لله ، سبحان الذي سخر لنا هذا وماكنا له مقرنين وإنا إلى ربنا لمنقلبون "

وهتشعر بارتياح شديد وطمأنينة ان شاء الله :)

مفيش فايدة
انا كان بيحصلي كدة لدرجة ان العربية اتخبطت 6 مرات في نفس الاسبوع وكلهم بيكون الطريق واقف او بتكون مركونة فرحت سايب الاكصدام والرفرف والفانوس مخبوطين لمدة 6 شهور ومفيش حد فكر يخبطها ولما صلحتهم تاني يوم الصبح اخويا خد العربية خبطها في نفس المكان وربنا يستر

قول الحمد لله انها ماجاتش فى حاجة اكبر من كدة
ويمكن ربنا فداك بدى من حاجة اكبر
انا تقريبا بيحصللى نفس اللى بيحصللك ويمكن اكتر
وهو كدة كل من ذى نعمة محسود

لا حول ولا قوة الا بالله
حاول تشغل قران فى العربية

حلوة شغل قرآن للعربية دي
للأسف إحنا هنا في مصر واخدين الدين متاجرة
القرآن إتعمل عشان نقراه ونتدبر آياته مش عشان يبقى مبيد للحسد

لا حول والا قوة الا بالله العلى العظيم ربنا يعوض عليك واعلم تماما انه قدرك ومكتوب ولا اعتراض على امر الله اكيد فداء لشئ تانى لايعلمه الا الله سبحانه وتعالى يبقى تقول قدر الله وماشاء فعل والحمد لله ربنا يزيدك ان شاء الله.
ثاينا موضوع انك نسيت السواقة لا اعتقد ان ده حصل معاك بس المشكلة ان كل الناس بقت بتسوق دلوقتى انت كل العربيات اللى خبطتك تعتبر نقل ثقيل عايو اقولك على مفاجاة حلوة انى شفت والله طفل بمعنى الكلمة سايق تريلا وسايق عربية نقل ده غير الجرار بتاع الرمل ده واوناش بقت كل الناس فجاة بتسوق وبدون سابق انذار حتى دى كمان بالعافية والقوة وغصب عننا ززى اى شئ فى الحياة بنقبله بمزاجنة او غصب واقتدار.
ثالثا عايز اقولك ان اللى حصل معاك حصل معايا وبقيت هاتجنن والكل عمال يقوللى العين وانا مش عامل العربية فورميلا يعنى برضوا الحاجات العامة جنوط وزينون وكده مش اوفر قوى ولانى مؤمن جدا بالحسد والعين ولكن مش بخللى تفكيرى يروح للموضوع ده على طول علشان متعبش خليك زى ما انت والحمد لله انك انت سليم وفترة وهاتعدى والله الواحد كان بيجيله وقت يخاف يطلع بالعربية وكان معايا كام يوم ورى بعض مفيش هدنة مرة انبوبة وقعت على الباب والقايم اللى ورى ومرات ورى بعض تتخبط وهيا واقفة والمشكلة بتكون راكنة فى حتة واسعة واخر مرة الرفرف الخلفى بقى عامل زى الورقة المكرمشة ولا حول ولا قوة الا بالله اسف للاطالة وتقبل مرورى تحياتى