يا جماعة جاوبوني من فضلكم

**inspiron** · 06-11-2011 12:51 AM

يا جماعة أنا عملت موضوع سابق عن واحد صاحبي معاه e39 ظهر فيها صوت طقطقة وهو ماشي سواء بسرعة أو بالراحة.والصوت بيروح ويجي..وبعدين الصوت راح لوحده ومشي بالعربية حوالي أسبوع وحاليا هو في شغل في أسيوط وهو ماشي النهاردة بيها عادي ظهر الصوت مرة تانية.فلو سمحتم ممكن تعرفوني ده إيه عشان أبلغه لأنه ميعرفش حد يكشف عليها عنده في أسيوط وخايف يرجع بيها كده

هو وصفلي الصوت مع بداية الحركة وخصوصا أول ما الغيار التاني يجي بتعمل تك تك تك تك في الناحية الشمال ورا..والموضوع ده مش بيظهر في المارشيدير بيظهر في السير أمامي فقط وبيروح ويجي..أرجو الإفادة في أسرع وقت تقولولي إيه هي الإحتمالات الواردة.وشكرا جزيلا

**tony** · 19-12-2011 02:09 PM

انزل بيها على مركز الصيانة وريح دماغك

**boozoo2010** · 19-12-2011 03:16 PM

احتمال يكون كوبلن خلفى بس مش متاكد دة استنتاج مش اكثر

**maskeen** · 19-12-2011 11:46 PM

مش عايز اقول حاجه تبدو واضحه او غبيه..بس هى اكيد حاجه فى العفشه (بليه او شداد او مقص)..حاجه من اللى مرتبطه بالعجل يعنى.....انا عندى صوت زى ده على خفيف قوى قوى بدا من حوالى شهر ونص وبيعلى ببط قوى..ولا تلحظه الا لو الطريق هادى وودنك مع العجل قوى....انا منتظر بأذن الله لما يبقى واضح ومميز وبعدين اروح للشيخ طارق عشان التشخيص يبقى سهل وصح بأذن الله

**waleed_sat** · 20-12-2011 01:00 AM

الإحتمالين الأقرب

صلايب الكردان - أو الكورونا

خليه يرفع العربية من الخلف من أحد الجانبين

والميكانيكى يكشف عليها وهى دايرة وفى وضع الغيار على الثانى