نييييههههههه
في دي معاك حق
عرض للطباعة
زعل ايه يا اخي
الحمد لله مش انا اللي عقلي يبقى صغير لكده
ولكن هناك حقائق
وللأسف انت اللي متزعلشي من كلامي
ولكن وجهة نظر حضرتك
ضيقه شويه فلو العربيه تقاس السعر والسي سي
كنت رحت اشتريت عربيه 2000 سي سي بسعر اقل مستعمله زي المرسيدس 200 كده مثلا
ولكن فرق العشرين الف اللي حضرتك قستهم بــ 200 سي سي
ياريتهم فرق في السي سي بس
ولكن العربيه فيها حاجات كتير مش شرط اي واحد او اي مشتري انه يكون على درايه كامله بها
يعني مثلا هل تصميم العفشة بتاعت الاتوس عند حضرتك زي السيريون
هل الكراسي الداخيه تصميمها مريح بنفس درجة السيريون
هل الحجم الداخلي نفس الحجم للسيريون
هلى الخامات نفس الخامات
هلى نوع الكاوتش وعمره نفس النوع والعمر
هل نوعية الدهان نفس النوعيه
هل العزل بتاع السيارة نفس العزل بتاع التانيه
على العزل اللي تحت الدهان نفس العزل بتاع الدهان
هل الشكل نفس الشكل
هل الوزن نفس الوزن لو حسبنا كمية الحديد في العربيتين
هل العمر الأفتاضي لنفس قطع الغيار واحده
هل اعتبرت ان دي فئة ودي فئة تانيه اصلا
للأسف وهة نظر ضيقة شويتين ان اقارن العربيتين دلو ببعض
وشكرا
انا مش زعلان من وجهة نظرك بس زعلان من اسلوبك شويه ووصف وجهة نظري بالضيقة وعلي كل حال فتشكر ياسيدي ولكن احب اسألك عن طريقة تحققك من ان السريون في كل النقاط الي قلتها دي تتفوق (جاوب لو سمحت)
ثانياً مش معني ان وكيل دايهتسو نزل العربيه بالسعر ده يبقي بالضروره انها تكون افض في الحاجات الي انت اشرت ليها ولكن كل ما في الموضوع ان فيه ناس بتشتري و تدفع الي هو بيقول عليه فليه مينزلهاش بالسعر ده
وعلي كلاً وعلي الرغم من ردك ولكن ححاول اناقش معاك النقط الي انت قلتها :
هل الكراسي الداخيه تصميمها مريح بنفس درجة السيريون
ايوه انا شايف ان نفس الكراسي و علي فكره انا رحت ركبت السريون عشان اعرف علي ايه السعر ده كله ولقيت ان مفيش فرق
هل الحجم الداخلي نفس الحجم للسيريون
ممكن تكون السريون متفوقه في النقطه دي بس بعدة سنتيميترات مش كتير يعني مش الفرق الي يدهشك بل ان الأتوس بتتفوق في بعض النقاط و راجع الرابط ده
http://www.nilemotors.net/Nile/showthread.php?t=22085
هلى الخامات نفس الخامات
بتكلم عن خامات ايه بالتحديد ؟؟ البلاستيك مثلاً ؟؟ هو هو مش فيه فرق ولكن الشكل هو الي فارق وعلي فكره انا شايف ان تابلوه السريون مش حلو و مش منسق
هلى نوع الكاوتش وعمره نفس النوع والعمر
كاوتش العربيه نفسه ؟ طب انت عارف كاوتش الأتوس نوعه ايه ؟؟ يبقي حكمت إزاي ؟؟
هل نوعية الدهان نفس النوعيه
انا مش شايف ان فيه فرق في نوعية الدهان ولو انت اعلم مني بالموضوع ده ياريت حضرتك تقلي علي مصادر تفيد تفوق دهان السريون علي دهان الأتوس
هل العزل بتاع السيارة نفس العزل بتاع التانيه
نفس إجابة النقطه السابقه
على العزل اللي تحت الدهان نفس العزل بتاع الدهان
شرحه
هل الشكل نفس الشكل
لأ الصراحه السريون شكلها احسن ولو اني مقتنع بشكل الأتوس و دي اذواق بقي ملهاش دعوي بسعر العربيه
هل الوزن نفس الوزن لو حسبنا كمية الحديد في العربيتين
اهي دي بقي اطرف نقطه قلتها ..انت شايف ان ده نقطه في صالح العربيه ولا ضدها ؟؟
هو حضرتك جايبها بالكيلو ؟؟
هل العمر الأفتاضي لنفس قطع الغيار واحده
إديني دليل علي تحيزك للسريون في النقطه دي ..خلينا نقارن بين الهيونداي اكسل و السوزوكي سويفت لأن ده المثال الي انا جربته ...صدقني مفيش فرق في العمر الإفتراضي مادام الي راكب بيعاملهم بحترام
هل اعتبرت ان دي فئة ودي فئة تانيه اصلا
الفئه حضرتك بتحددها إزاي ؟؟ لو علي سعة الماتور ماشي و لكن الأتنين في النهاية ميني كار و اعتقد في ظروف البنزين السائده الـ 1100 سي سي افضل من 1300 سي سي
وف النهايه انا ملاحظ انك مدي للسريون اهمية زياده عن اللزوم كما ان اسلوب لا يخلو من التهكم الي لما الناس بتستعمله معاك بتزعل (راجع مناقشاتك السابقه مع الأعضاء و بالأخص مالكي هيونداي) ولو انت حاسس انك دفعت ثمن كتير فيها فده مش مشكلتنا
نسيت اقلك ان نظام التعليق واحد في الإثنين وهو :
Front Suspension macpherson struts, coil springs
Rear Suspension semi independent torsion axle, coil springs
انا هبتدي من اخر ما قلته حضرتك
أولا انا اعطي اهتمامي لكل ما هو جميل وجيد ويستحق الأهتمام به وليس العكس
وهذه انا ارى انك تقولها كأنها سبه وللأسف انا لا اراها كذلك
ثانيا انا لم احسن اني دفعت فلوس كتير ولا حاجه لأني لم اشتكي من ذلك من قبل ولا من قريب ولا بعيد وهعتبر حضرتك بتتخيل ذلك ولكن ده لا يلزمني بشئ
وأقرب الناس لي يعرفوا كيف اشتريت هذه السيارة وانا كان الكل بيشجعني اني اشتري اللانسر على سبيل المثال
وقرار شرائي جاء بعد ما قتل الموضوع بحثا وانت لا تعرف شخصي فيما افعله علشان حاجه زي كده
وانا بقول لحضرتك اهه ان انا اشتريت العربيه وانا عارف كل حاجه عنها وعن العربيات الاخرى المنافسه لها في نفس السعر
ولكن ان شاء الله نتعرف ببعض
حضرتك انت لم تقرأ الماتريكس بكام في قطر وهنا بكام علشان تعرفاقتباس:
ثانياً مش معني ان وكيل دايهتسو نزل العربيه بالسعر ده يبقي بالضروره انها تكون افض في الحاجات الي انت اشرت ليها ولكن كل ما في الموضوع ان فيه ناس بتشتري و تدفع الي هو بيقول عليه فليه مينزلهاش بالسعر ده
وحضرتك شوفت الاكسنت بكا وهنا بكام علشان تقدر تقولي مين اللي سعره زائد
والدليل ان الناس بدأت تشتري العربيه بكثرة عن الاول وهذا دليل على عدم صحة كلام حضرتك
فمتهيألي غالب مالكي او مشتري هذه السيارة ليسوا ممن يملكون السيارات الفارهة والفلوس مش فرقه معاهم علشان يدفعوها لله كده
هو حضرتك الموضوع بيتكشف بعد زمن وليس اني اقعد على الكرسي مره وخلاص ولكن اركب العربيه لفترات طويله وانت تعرفاقتباس:
هل الكراسي الداخيه تصميمها مريح بنفس درجة السيريون
ايوه انا شايف ان نفس الكراسي و علي فكره انا رحت ركبت السريون عشان اعرف علي ايه السعر ده كله ولقيت ان مفيش فرق
انا كان معايا نوبيرا وكنت بقول ان كرسيها كويس ولكن بعد فتره تعبت فيها جامد وبعدين لما جربت بتاع السيرين اكتشفت ان الحاجه اللي بيدفع فيها فلوس بتبقى لها مقاييس وهذا ما اقصده
حضرتك اي عربيه فرقها بينها وبين التانيه في الحجم بيبقى سنتيمترات وعلى فركه عرض السيريون من الداخل يفرق عن الكورولا بــ 7 سنتيمتر فقطاقتباس:
هل الحجم الداخلي نفس الحجم للسيريون
ممكن تكون السريون متفوقه في النقطه دي بس بعدة سنتيميترات مش كتير يعني مش الفرق الي يدهشك
ولكن مش هتلاقي فرق نص متر يعني
فالفروقات اكيد هتبقى بالسنتيمتر وليس بالمتر
البلاستيك وخامات العربيه ككلاقتباس:
هلى الخامات نفس الخامات
بتكلم عن خامات ايه بالتحديد ؟؟ البلاستيك مثلاً ؟؟ هو هو مش فيه فرق ولكن الشكل هو الي فارق وعلي فكره انا شايف ان تابلوه السريون مش حلو و مش منسق
الشكل بيدفع عليه فلوس يا اخي
ولو كله حاجه مش فارقه يبقى مفيش حاجه هتبقى سعرها اعلى من التانيه
حضرتك شايف فده رؤيتك
وانا لم اقابل احد شاف العربيه الا لما شكر جامد في تصميم التابلوه وشكله
فدي ازواق
والله انا مش عارف حضرتك محييز كده ليهاقتباس:
هلى نوع الكاوتش وعمره نفس النوع والعمر
كاوتش العربيه نفسه ؟ طب انت عارف كاوتش الأتوس نوعه ايه ؟؟ يبقي حكمت إزاي ؟؟
يا اخي انا الكاوتش اللي عندي دانلوب ياباني
واكيد اللي عندك هانكوك كوري او اي حاجه كوري تانيه على الأكثر
واكيد حضرتك لو نزلت سألت على سعر الدانلوب الياباني عمرك ما هتلاقيه بسعر الكوري
ودي مش مشكلة الوكيل بتاع دايهاتسو ولكن مشكلة العالم أنه بيفرق بين الصناعتين
والناس اللي بتشتري بالفارق ده
اكيد مش بيفهموا
حضرتك ردي على الكلام دهاقتباس:
هل نوعية الدهان نفس النوعيه
انا مش شايف ان فيه فرق في نوعية الدهان ولو انت اعلم مني بالموضوع ده ياريت حضرتك تقلي علي مصادر تفيد تفوق دهان السريون علي دهان الأتوس
هل العزل بتاع السيارة نفس العزل بتاع التانيه
نفس إجابة النقطه السابقه
على العزل اللي تحت الدهان نفس العزل بتاع الدهان
شرحه
انك تشرفنا في مقابلة من المقابلات وانا اوضح لحضرتك عمليا الفروقات دي في الواقع وليس كلام
لأني مش معقوله هاقعد اصور الفروقات دي واكتب عنها مخصوص
ولكن ان حبيت فممكن ولكن مش معايا اتوس علشان اصور الفرق ده بالظبط
طيب كويس والله ان شكلها حلو يعني اهه حاجه بفلوسهااقتباس:
هل الشكل نفس الشكل
لأ الصراحه السريون شكلها احسن ولو اني مقتنع بشكل الأتوس و دي اذواق بقي ملهاش دعوي بسعر العربيه
متهيأبي حضرتك بتتبع اسلوب التهكم ايضااقتباس:
هل الوزن نفس الوزن لو حسبنا كمية الحديد في العربيتين
اهي دي بقي اطرف نقطه قلتها ..انت شايف ان ده نقطه في صالح العربيه ولا ضدها ؟؟
هو حضرتك جايبها بالكيلو ؟؟
ولكن في الغلط
هو حضرتك تمن العربيه ده مش بيبقى داخل فيه كمية المواد الخام المستخدمه فيها ككل
يعني مش معقول ان العربيه يكون ككل اكبر حجدما ووزنا ولو طبقنا ان في كل حاجه تانيه متساويه فعلى الاقل في فرق فلوس في كمية الخامات المستخدمه فيها كحجم
هو مش حضرتك قولت ان فرق 20 الف جنيه في 200 سي سي فقط مش مستاهلين
مع ان لو حضرتك بصيت ان السيريون 1300 سي سي فرقها عن السيريون 1500 سي سي حوالي 3.5 الف جنيه فقط لا غير
يعني فرق 200 سي سي اللي حضرتك قولت عليهم دول مش 20 الف ابدا
هقول حضرتك على حاجه واحدهاقتباس:
هل العمر الأفتاضي لنفس قطع الغيار واحده
إديني دليل علي تحيزك للسريون في النقطه دي ..خلينا نقارن بين الهيونداي اكسل و السوزوكي سويفت لأن ده المثال الي انا جربته ...صدقني مفيش فرق في العمر الإفتراضي مادام الي راكب بيعاملهم بحترام
وابقى اسأل وقولي
اغلب قطع غيار دايهاتسو ماركة دينسو الياباني DENSO
ومش هتكلم عليها عالميا ولكن اسأل اي واحد بحياديه تامه بيفهم في قطع الغيار او عنده معلومات عن الماركات بتاعت الشركات دي واساله دينسو دي تتساوى بأيه
وهل هيا من اوائل الشركات عالميا ولا لأ
هيا المشكلة ان الواحد يتكلم بدون علم باقل الأشياء وزعلان كماناقتباس:
هل اعتبرت ان دي فئة ودي فئة تانيه اصلا
الفئه حضرتك بتحددها إزاي ؟؟ لو علي سعة الماتور ماشي و لكن الأتنين في النهاية ميني كار و اعتقد في ظروف البنزين السائده الـ 1100 سي سي افضل من 1300 سي سي
يا اخي هيا علشان بقت هاتشباك ودي هاتشباك يبقى الاتنين واحد ونفس الفئة
يعني اقدر من كده اقول انهم نفس فئة الجولف والاوبل استرا الجديده
يا اخي السيريون فئة السيارات السوبر ميني
قارن الأتوس بالبرودا كيليسا
وارخص منها واداء اعلى منها وعمر افتراضي اعلى كمان
وانا اتحداك في ذلك
وشوف بقه تبقى عربيتك غاليه وانت زعلان كمان انك اتدبست فيها
واضح انك بتحب الجدل و الحاجات دي ولكن انا مبحبش ده والدليل انك بتنتقي حاجات و ترد عليها وحولت الكلام لأن السريون عربيه حلوه مش وحشه وده مكنش تعليقي وكل ما في الأمر ان انا قلت ان الأتوس بتديني تقريباً كل حاجه السريون بتديهالك مع فرق السعر الرهيب .علي كل حال انت حر و لو عايزني اقلك ان السريون احسن عربيه في الكون مفيش مشكله المهم تبقي سعيد
الي بقي تخلي بالك منه في الكىم مع الناس اسلوبك الي لازم يترد عليه لولا ان احني في منتدي محترم
مين الي قالك ان انا زعلان ثم ليه الغلط في الناس كده مع انك متعرفنيش ؟؟ ..مين انت عشان تحكم علي الناس انها تعرف او متعرفش ..يا اخي حتي من باب التواضع ادعي انك لا تعلم !!!اقتباس:
هيا المشكلة ان الواحد يتكلم بدون علم باقل الأشياء وزعلان كمان
علي كل حال ناس كتير نبهوني من الدخول معك في نقاشات بسبب اسلوبك ده وها انا اجرب بنفسي ..بس علي كل حال الواحد مبيتعلمش ببلاش
يا جماعة هدو اعصابكم شوية عشان ما نتحولش عن الموضوع اللي فاتحة استاذ اسلام
ولو عايزين تكملو مناقشة ممكن تفتحوا موضوع في قسم المقارنات بين العربيتين اللي بتتكلموا فيهم
لكن هنا اسمحولي ده موضوع استاذ اسلام بيسال فيه عن الجمارك
انت سيبت الكلام دلوقتي على العربيتين وبقه الكلام على شخصي
عالعموم متشكرين
وروح قول للي بيقولوك متدخولشي معايا في حوارات ان الأتوس بتعطي نفس اللي بتعطيه السيريون ولكن مع مكسب 20 الف جنيه والله يا بلاش
للأسف ان الواحد يتكلم في معلومات عن عربيات ولما الواحد ميعرفش يرد
يحول الكلام الي شخصنه ويبقى الطرف التاني هو اللي مش عارف ايه
يا اخي انت اللي دخلت في الحوار
وعلقت على كلامي ولا انت نسيت
ويعني ولا انا جيت جمبك ولا غاوي اتجادل مع احد
بس يبقى بالعقل
طيب ما انا قولت لحضرتك ان البرودا كيليسا افضل من عربيتك ومع فرق فلوس مردتش ليه
ولا هو الكلام اللي هتلاقي رد ترد عليه وبقيت الكلام يبقى الحوار معايا مينفعشي
واكيد احنا في منتدى محترم
وان كنت بتعترف بكده فأكيد اني لم اخطأ في حق احد من قبل بدليل اني موجود فيه لحد الأن والا لكنت اطردت من زمان لو ان كلامك فيه ذره من الصحه
وشكرا لك
واسف لأخي اسلام على هذا