احبائي اعضاء المنتدى الكرام كل عام وحضراتكم بخير اشتريت ياريس 2007 كاملة اتوماتيك اعلى فئة رشه بره وعاملة 70 الف ك ب 70 الف وصحابى بيقولوا كتير وانى لو استنيت بعد العيد كان ممكن السعر يتظبط عن كده يا ترى انا اتخميت والا كده كويس
عرض للطباعة
احبائي اعضاء المنتدى الكرام كل عام وحضراتكم بخير اشتريت ياريس 2007 كاملة اتوماتيك اعلى فئة رشه بره وعاملة 70 الف ك ب 70 الف وصحابى بيقولوا كتير وانى لو استنيت بعد العيد كان ممكن السعر يتظبط عن كده يا ترى انا اتخميت والا كده كويس
انا شايف السعر حلو اوي ....
مبروك عليك العربية ربنا يديك خيرها و يكفيك شرها
سعرها معقول ربنا يباركلك فيها وتتبسط منها
وبعدين انت اشتريت خلاص انسى بقى الفلوس واستمتع بعربيتك
شكرا للردود طمنتوا قلبى وكل سنة وانتو طيبين
سعر مظبوط جدا ومعقول جدا
الحمد لله وانا فعلا اداء العربية عاجبنى جدا وان شاء الله مش ناوى ابيع قبل زمن
ربنا يبارك لك فيها.
يعنى الكيلو ب ألف جنية تقريبا :-)
غالية على فكرة بس مش للدرجة اللى تزعلك ... قدر الله وماشاء فعل .. مبروك عليك وحاول تحافظ عليها
يعنى المفروض تبقى بكام
يا باشا ألف مبروك والله جميلة و سعرها حلو ماشاء الله استمتع بيها و متفكرش في السعر لانك حتسمع كلام كتير خصوصا في المستعمل أنا كان في واحد صاحبي ببيع العربية بتاعته قلت لناس إيه رايكم قالولي دي غالية و الكلام ده باعها بنفس التمن اللي قال عليه :ma: وكانت حلوة فعلا
شكرا يا استاذ ماجد وربنا يباركلنا ويباركلك
انا داخل اقولك مبروك ومتفكرش في السعر خصوصا انك اشتريت خلاص وياريت تقولنا انبطعاك مع اليارس عامل ازاي وبجد الف الف الف مبروك وعقبال الهامر ان شاء الله :)
خليها 70 الف مبروك :d
ألف شكر يا باشا:satelite:
هامر مرة واحدة .. ربنا يخليك ويكفينا شر الطريق .. الانطباع الاول عن السيارة ناعمة جدا باور ممتاز ثبات معقول المقاعد عالية شوية وعايزة تعود فرامل الabs ممتازة بس عايزة تعامل برفق ابعاد السيارة عايزة تعود عشان صعب تشوف المقدمة الصالون رحب جدا من الداخل العدادات فى الوسط ما حسيتش انها مضايقانى خالص اضواء التابلوه مريحة جدا وان لم تكن بابهارات السيارات الجديدة والكاسيت بدون سى دى او يو اس بى برضه بيدى فرصة للى راكب جنبك يقولك ايه ده هو مفيش سى دى ال يعنى !! التسارع جيد جدا انما ليس باحساس ال 1600 .. ارتفاع السيارة مريح دماغك من مطبات الثورة الجبلية .. استهلاك البنزين حوالى 230 ك فى الصفيحة جوة البلد وده بالنسبالى اكتر من رائع فى سيارة اتوماتيك .. باختصار انا مبسوط منها جدا كسيارة عائلية .
على فكره السعر ده هايل ومستحيل تلاقى حاجه عامله 70 الف بالسعر ده والكامله ولا حتى لو استنيت للعيد اللى بعد الجاى ولو حد بيقولك غير كده خلي يجيبلك واحده
فعلا يا استاذ احمد انا واحد صاحبى معروضة عليه بنفس المواصفات بس 2008 ب 77 الف وهو بيسالنى انت جبتها بالسعر ده ازاى .. الحمد لله وربنا يحفظنا ويحفظك من شر الطريق
الف مبروك على العربية الجديدة بس عندى سؤال انا كنت عايز اشترى يارس او الانترا موديل 2007 اتوماتيك طبعا التويوتا تكسب بس معظم الناس قالولى ان سحب اليارس فى الاتوماتيك مش حلو علشان هيا 1300cc بس عشان كده بفكر فى الانترا فاممكن تقولى اى اخبار سحب العربية معاك و بالذات لو مشغل التكييف
للاسف اغلب الناس بتتكلم بالفهلوة ومجرد انها عربية 1300 واتوماتيك يبقى بطة بلدي
انا متاكد ان كل اللى قالو لحضرتك كدة عمرهم ماساقو العربية ولا حتى ركبوها
القاعدة اللى حضرتك لازم تعرفها ان عربية زي الياريس وزن خفيف (الياريس وزنها يدوب طن و 70 كيلو تقريبا) مع ماتور 1300
يكاد يعادل في التسارع اي عربية 1600 لانك لو لاحظت هتلاقي اغلب العربيات ال 1600 وزنها طن و 200 كيلو فما فوق
فالفكرة كلها وزن خفيف مع ماتور 1300 يعادل وزن اتقل مع ماتور 1600
فرق ال 150 كيلو او ال 200 كيلو في الوزن حاجة تفرق في كتير في التسارع (تخيل حضرتك معاك 200 كيلو زيادة في العربية هتبقى العربية عاملة ازاي ؟)
وبرضوا عايز اقول لحضرتك مافيش عربية 1600 تهين الياريس في التسارع ممكن عربيات تطلع منك ماشي بس هيبقى الفرق قليل
لكن ان عربية تعلم عليك دي حاجة مافتكرش انها تحصل
مبروك عليك السعر كويس جدا ما تفكرش في كلام أي حد.
بارك الله فيكم على فكرة موضوع التسارع ده ممكن يكون فى السرعات قبل 60 وان كان برضه جيدجدا بعد كده التسارع بيبقى ممتاز ويمكن اشد من ال1600 الكورى وعلى فكرة الالنترا عربية محترمة جدا ولو قدامك حاجة كويسة مش حتندم بس اعمل حسابك ان استهلاك البنزين اعلى والعربية اوطى والصيانة فى غبور عليها كلام كتير وربنا يوفقك ويكفينا شر الطريق وشكرا لاهتمامكم وافادتكم
على فكرة التكييف ما بيفرق خالص لا فى السحب ولا فى البنزين ودى ميزة كبيرة جدا فى اليابانى مش موجودة حتى فى الاوكتافيا حسب ما سمعت وليس عن تجربة لانى لسة ماركبتش المانى .
الف مبروك و السعر كويس اهم حاجة حالة العربية
الله ينور على المعلومات الجميلة يعنى اعتقد اليارس ممكن كدة تكون احسن من الالنترا بس عموما المهم انى الاقى عربية حالتها كويس و الف مبروك مرة تانية على العربية ربنا يكفيك شرها
الياريس سحبها قوى جدا وتقريباً افضل من الايلانترا وعربيه يابانى محترمه جداً حجم مناسب لمصر استهلال للبنزين ممتاز علبة دركسيمن كهربا ناعم زى الميه والدنيا تبقى فى الصيف درجة الحراره 60 وانت جوه سقعان فى الزحمه ومتورك بارد والناس بره بتوع ال1600 وغيرو بيكفرو حافظ عليها انا طول عمرى راكب المانى ولما جبت الياريس عمرى ما افتح كبوت وممكن انسى احط بنزين ده حتى سير الكتينه حديد يعنى منتهى الامان
الله يطمنك يا استاذ احمد ويحفظ بلدنا وشبابنا ويامنا فى اوطاننا وعلى اولادنا و ممتلكاتنا امين يا رب