الموضوع: حادث لجين 2 وحادث لكروز .... وتساؤلات ؟؟!!

الحادث الأول :
كروز دخلت جامد بوشها فى رفرف أمامى لعربيه 128 العربيه الـ 128 أتدمرت والكروز الخبطه خلت الأيرباجات تفتح والحزامين يتشدم بالرغم من أن السواق كان لوحده ومفيش حاجه حصلت للرادياتير أو سربنتينه التكييف

الحادث الثانى :
جين 2 طلعت على جزيره عاليه -- نور الأيرباج نور فى التابلوه بدون ما ينفجروا--والحزامين أتشدم بالرغم من أن السواق كان لوحده

الحادث الثالث:
جين 2 خبطت بوشها أوبل فيكترا 2009 على سرعه 40 كم/س تقريبا -- الفيكترا تتبهدل شويه من ورا وتحتاج تغيير لشاسيه الأكصدام الخلفى -- الجين 2 تتبهدل من قدام والخبطه توصل للرادياتير والسربنتينه بدون فتح الأيرباج أو شد الأحزمه

التساؤلات :
1- أزاى مفجر الأيرباج يحتاج يتغير والأحزمه تتشد والأيرباج متفتحش (الحادثه التانيه) غرييييبه؟
2-فى الحادث الأول والثالث هل ده يثبت أمان الكروز أكثر من أمان الجين 2 ؟
3- فى الحادث الأول و الثالث أيهم الأفضل تفتح الأيرباج بالرغم من أن الصدمه ماكانتش جامده ولا متفتحش بالرغم من أن الخبطه كانت متوسطه ( الحادثه التالته أنا كنت سايق وفعلا ماكانتش محتاجه تفتح الأيرباج بس أستغربت من أنها وصلت للرادياتر والسربنتينه ؟
4- سؤال أخر أزاى الحزام يتشد بالرغم من أنه غير مستخدم ؟؟

أرجو الأفاده بعد أذنكم

المشاركة الأصلية كتبت بواسطة eng f3lix

حمد الله على سلامتك يا باشا
ومتابع معاك لاني مستغرب زيي زيك

hلله يسلم حضرتك .. الحوادث دى والحمد لله من مده بس موضوع مفجر الأيرباج ده هو اللى مجننى من ساعتها مش عارف أفسره

المشاركة الأصلية كتبت بواسطة elmkaneeki

حمد الله عالسلامة ....كنترول السخنة بيسلم عليك :]

الله يسلمك ياباشا .. وكنترول السخنه فيه ناس متتنسيش بصراحه وبالتوفيق ليك ولكل الزملا الجداد فى السخنه بأذن الله .. سلامى للجميع

المشاركة الأصلية كتبت بواسطة tutankhamoun

الموضوع كله بكل بساطة حسب الحساسات اللي أستشعرت الحادث أو الصدمة.

الحادثة رقم 2 هي اللي مُثيرة للتسأؤلات .

فعلا ده اللى خلانى أعمل الموضوع ده .... بالذات الحادثه التانيه

المشاركة الأصلية كتبت بواسطة eng f3lix

بالنسبة للحادثة رقم 2 دي لو اللمبة هتنور فعلا في حالة ان الايرباج طلعت بس في مشكلة منعتها من كدة ...

هما فى الحادثه دى غيروا المفجر وعملوا ريسيت للكمبيوتر تقريبا

المشاركة الأصلية كتبت بواسطة mhmdalsaadany

الكروز واخده اعلى تقيم من حيث الامان وواخده اعلى درجات في تقيم الخمس نجوم تقريبا 16 من 16 في التصادم الامامي

ربنا يباركلك فى الكروز ... أنا بحبها جدا وبحترمها .. بس اللى مبحبوش فيها أنها واطيه جدا عن تجربه ومقارنه عادله وسحبها معقول مش رياضى يعنى بس غير كده هى تحفه .... بس ربنا يقويها دلوقتى قدام الألنترا الجديده

المشاركة الأصلية كتبت بواسطة das1328

أغلبية حوادث الجن2 مشفتش فيها إير باج بيتفتح وعربيات تانية كتير زي مثلا الانسر واحد صاحبي لبس في عربية واقفة على سرعة 110 و الإير باج مفتحش والإلنترا كذالك

لأ أنا شوفت فى التوكيل كتيير فاتحين الأيرباج وكان فيه واحده غريبه جدا كانت الكساحه الأماميه بس هى اللى مكسوره بس كانت فاتحه الأيرباجات شكلها خبطت فى جزيره خبطه محترمه واللى قطع قلبى فى العربيه دى أن كان جواها كرتونه فيها لعب أطفال من اللى بيتعمل بيها ملبس سبوع المواليد .. ومن ساعتها قبل ماأخلف أبنى بقيت واخد بالى من أى رصيف وأنا سايق لحد ما عدى سبوع الولد وبعدها رجعت للمعامله الغير أدميه اللى بعامله للعربيه :)

المشاركة الأصلية كتبت بواسطة Boory

كل ده بسبب عدم قراءة الكتالوج
عشان الحادثة 2 منطقية جدا والكلام ده موجود في الكتالوج
بسبب وجود السنسر في اسفل الاكصدام

قريت الكاتالوج مرتين ومكنش فيه حاجه تقول أن كنترول الأيرباج ينور والأحزمه تتشد بدون ماتفتح الأيرباج ... ياريت لو تقدر تفيدنا تقولنا فين المعلومه دى