قاعده موتور واو رينج رشاشات
بقالي كام يوم بسمع صوت تخبيط ورعشه في جسم العربيه رحت ابص علي الشكمان ليكون خابط في العربيه من تحت
لاقيت الشكمان سليم كما صنعته الشركه بس بتاع الشكمان قالي دي قاعده موتور الي بايظه هووووب هوب هوب
رحت لمحمد عبده الورشه لاقيت حسن الصغير الي في الورشه كشف قالي القاعده اليمين هي الي مقطوعه(جنب الكاتينه) هووووووووووووووووووووب
روحت اشتريتها من ابو الحسن كان في نوعين نوع ب45 اللي لو شال الموتور تتقطع
والاصليه ب120 جنيه خدت الاصليه وراجع لعبده الورشه الاقي حسن الصغير يقولي مش هينفع النهارده
ابو محمد عبده اتوفي (ان لله وءانا اليه راجعون) طب ايه الحل
تيجي بعد العيد
قولت لازم نخلص كلمت حسن الكبير فين ورشتك في شارع الثلاثيني وصفهالي
قالي الموتور ده متلت اوبسسسس
لقي البوبينه شغاله بس في رشاش كان بيستعبط فك مسطره الرشاشات بنبص مفيش والا واحد في الاو رينج بتاعته
العربيه بتاكل كاوتشها
بعت اخوه جاب طقم جديد وركبه وظبط البوجيهات العربيه رجعت جديده بتكثف وهاديه في السلانسيه
والموتور مش بيتحرك بس لسه القاعده ما اتغيرتش اخوه قام فاكك القاعده القديمه
وركب الجديده العربيه وقفت في مكانها زي العسكري اللي واقف انتباه
قولت بالمره اربط عفشه وارجلش تيل خلفي
الاسطي حسن قام بالواجب وزياده والصراحه اتكلمت معاه في حبه مواضيع
منها المصنعيه المبالغ فيها قالي انا ظبطت المصنعيات
وقولتله العربيه الي بتبقي جايه فيها مساعد بايظ بتحسسوه انها صندوق زباله
قالي مفيش الكلام ده خلاص وانت هتشوف بنفسك وفعلا السليم قال عليه سليم من غير ما يقول هنغير
حبيت انقل تجربتي في تغير القاعده اليمين عند حسن الكبير