الحمد لله استلمت اللوجان 2012 بلاك لاين 30102011
طبعا بفضل الله اولا ثم بفضل اعضاء المنتدى الكرام الذين لم يبخلوا بالنصيحة وايضا كل واحد قابله حاجة او معلومة او مشكلة فى عربيته لم يتوان فى نصح باقى اعضاء المنتدى جزاكم الله كل خير واخص بالذكر الاستاذ مصطفى سعد والاستاذ عبد الحى abdm
طبعا لازم احكى لكم طبعا باختصار عشان ما اوجعش دماغكم
اولا انا اشتريت بنظام التقسيط المرابحة الاسلامية من البنك الاهلى فرع المعاملات الاسلامية فرع التحرير بالدقى
ثانيا بعد استعلام البنك واحضار عرض سعر مبدئى للبنك انتظرت حتى يتم تحويل المرتب (شرط البنك) حتى تتم عملية الرابحة وبالطبع كان لازم احدث عرض الشراء للرينو هاف اوبشن كل المشاوير دى عشان عربية اسمها جاك a138 صينى ولكن عشان ربنا اراد لى الخير طبعا انتوا اتلخبطوا انت هتشترى صينى ولوجان ولا ايه بالظبط طبعا فى الاول انا رحت وعرض اواوتوماك وعجبتنى الجاك الصينى وخدت عرض سعر واثناء بحثى عن سعرها فى السوق الحقيقى ربنا وصلنى لرقم مسئول مبيعات فى معرض محمد زكى اسمه هانى قال لى حد يشترى عربية صينى نصيحة ليك ما تشتريش اى عربية صينى لو ببلاش اشترى عربية لوجان نفس السعر ولها اسم وتوكيل محترم وقطع غيار معروفة انا عندى واحدة فى المعرض متباعه تعال وشوفها ومش هاتخسر حاجة .
طبعا بعد الشغل مباشرة رحت وشفتها تحفة حاجة تانية خالص لا تقولى جاك ولا فيرنا و لا لانوس اخدت القرار قررت اشترى هاف اوبشن وبعد نصائح من رواد المنتدى كما ذكرت انفا اشتريت البلاك لاين رائعة تحفة على فكرة انا كان معايا فيرنا فول اوبشن 2009( ركبتها لمدة شهر) وقبلها كان معايا لانوس 2009 (ركبتها حوالى اسبوع )
وهاعمل مقارنة بين الفيرنا والوجان سريعة وبسيطة وطبعا مش نهائية لان اللوجان عملت 300 كم بس والفيرنا عملت بيها 1100 كم وهى اصلا عاملة 13000
