كل سنه وأنتم طيبين ,,, يا بني أدميين ...
كل سنه و جميع البايكرز أعضاء النايل موتورز بألف صحه وسلامه ...
يعود عليكم الأيام بكل خير إن شاء الله .
و السنه اللي جايه يكون كل واحد مننا راكب بيك أعلي من اللي معاه , يعني اللي معاه 250 سي سي يركب 400 سي سي , واللي معاه 400 يركب 600 , واللي معاه 600 يركب الـ 900 وهكذا .
وربنا يكفينا شر طريقنا و يكفينا شر أي ظابط أو أمين شرطه ممكن يسحب رخصنا .
ويكفينا شر كل نقره و مطب و تكسير في الأسفلت .
ويكفينا شر كل نقطة زيت و بركة ميه سواء كنا شيفنها أو مش شيفنها .
ويكفينا شر كل سواق ميكروباص حمار , أو سواق تنايه متخلف أو سواق تريلا مبرشم أو سواق توكتوك محشش
ويكفينا شر العين وخصوصاً لما بنكونوا متجمعين في أعداد كبيره .
ويكفينا شر الميكانيكيه و قلة ضميرهم .
وكل عام وأنتم بخير بقي , وأسيبكم مع طبق الفته و اللحمه الهبر .... ونصيحه محدش يركب بايك وهو واكل فته علشان العلم أثبت إن ليها تأثير ضار أثناء السواقه .