تيدا 2007 خليجي سمعت صوت زنة فى الموتور

يا شباب محتاج مساعدتكم انا عندى تيدا 2007 خليجي سمعت صوت زنة فى الموتور طلع ان العيب فى جزء اسمه كحكة الشكمان وهى عبارة عن جوان حديد بيوصل بين زور الموتور وماسورة الشكمان رحت مودرن موتورز والسبع معندهومش منها نزلت سألت فى الحرفيين طلع ان المقاسات الموجودة اصغر من الخليجى لان اللي عندي مقاسها الداخلى 70 مللى واللي موجودة حوالى 50 مللى بس . دورت فى الماركات التانية لقيت اكبر حاجة البيجو 505 الاخلى بتاعها 65 مللى ومانفعتش . الميكانيكى جاب الجزء القديم ولف عليه خيط حرارى (امينت) والعربية مشيت لكن الاول كانت احسن0 ارجو المساعدة من اصحاب الخبرة فى حل المشكلة دي وكل سنة والجميع بأحسن صحة وحال