كل سنه وانتو طيببين وعيد سعيد ان شاء الله
دلوقتي انا اودامي e30 موديل 91 فابريكه جوا وبره العربيه كا انها لسا زيرو والراجل طالب فيها 55 الف
فا انا عايز اعرف سعرها كدا كويس ولا غالي وللاسف معرفش اي معلومات تاني عن العربيه فا ارجو الافاده
عرض للطباعة
كل سنه وانتو طيببين وعيد سعيد ان شاء الله
دلوقتي انا اودامي e30 موديل 91 فابريكه جوا وبره العربيه كا انها لسا زيرو والراجل طالب فيها 55 الف
فا انا عايز اعرف سعرها كدا كويس ولا غالي وللاسف معرفش اي معلومات تاني عن العربيه فا ارجو الافاده
س سؤال انت اول مرة تركب بي ام؟
لية السؤال دة لان ممكن العربية دي تكون نصين لازم 10000000 مرة تكشف عليها كويس اوي كمان انت جايبها منين؟(المنطقة)؟ وكام سي سي؟ رد عليا فى السؤالين دول
بس للامانة اذا كانت زى ما بتقول تبقى لقطة لان العربيات دىأحسن من تمنها
ج جواب اول مرا اركب بي ام :D:D
العربيه ملاكي بورسعيد تقريبا جايه معاقين وهيا 1600cc
هي مانيوال ولا أوتو تكييف فتحة سقف ؟
عاملة كام كيلو؟
بصراحه معرفش اي حاجه عن العربيه علشان الراجل كان ماشي في الشارع وانا الي سئلتو وكان معا مراتو وكان مستعجل معرفتش استفسر كويس هوا اداني رقمو والي بعد العيد ان شاء الله اقابلو واكشف على الي انا عايزو
تنصحني اكشف على ايه ؟؟
اهم حاجة الشاسية و الكارتيرات الاخ loserdaive عارض واحدة برة و جوا بس انا مش عارف اوصلوا!!!!
أولا ال e30 موديل 1991 شاذه الوجود بعض الشىء يعنى أنا منذ ما يقرب من 3 سنوات لم ارى سوى سيارتين فقط موديل 1991 و الثالثه اللى حضرتك بتقول عليها حاليا. و السياره إذا كانت حالتها جميله كما ذكرت دهان شركه بالكامل و لا تحتاج مصروف فمبلغ 55000 جنيه سعر مناسب جدا لأن موديل 1990 بتبدأ من 50000 - 55000 جنيه على حسب حالة السياره و حضرتك تعرف كماليات السياره من مالكها طبعا
أولا طبعا و قبل كل شىء حالة الشاسيه و القوائم و دقق فى منطقة الحوض خلف الكرتيرات فى اللأجناب يمين و شمال, و حول الكرتيرات من فوق حول المسامير المثبته للمساعد, و حالة الشنطه و بعدها حالة المحرك و الفتيس, و إن كان الفتيس اتوماتيك جرب كل الغيارات فى الفتيس و لاحظ هل تعمل بشكل طبيعى بمجرد أن تحدد الغيار سواء كان r او ال d او باقى الغيارات و لا فى تأخير إلى أن تعشق السياره الغيار و هذه هتشعر بها فى السياره, كيك داون على دواسه البنزين بعد عدة مرات من التزويد كل مره بشكل اكبر فى الضغط على الدواسه إلى أن تضغط أخر الدواسه و تسمع تفصيلة المحرك "لو ضغطت على دواسة البنزين إلى النهايه و مؤشر الأر بى إم وصل المنطقه الحمراء و لم تسمع صوت ك ن ن ن ن بشكل متكرر و سريع إذن هناك احدى هذه المشكلات بالمحرك أو بعضا منها أو كلها معا بلوف/كامات/شواكيش" تمام و كله مضبوط تمشى فى شارع يكون مش مضبوط و تسمع صوت العفشه....
ثم....
الزجاج كهرباء و لا مانيوال و إن كان كهرباء هل الزجاج الأمامى فقط ولا ال 4 كهرباء.
التكييف حالته و يعمل سخن و بارد ولا بارد فقط ولا التكييف من الأساس به عطل
فتحة سقف يوجد/لا يوجد و أنت كانت موجود هل كهرباء و لا مانيوال
باور ستيرنج يوجد/لايوجد
المرايات الكهرباء تعمل/ هل يوجد واحده منهم تعمل ببطىء عن الثانيه فى حركتها
مفتاح السياره الأصلى و لا؟ "الأصلى عباره عن علبه سوداء صغيره الحجم و بها زر من الجنب يضغط عليه ليفتح اللوك و يقذف الجزء المعدنى من المفتاح" هل السنتر لوك بالسياره و الموجود مع المفتاح الأصلى يعمل و لا؟
وربنا يوفقك لما فيه الصالح لك :)