اعتقد ان لو الناس اتجنبت كل عربية يطلع فيها واحدة معيوبة ( او نسبة صغيرة ) ، يبقى الناس مش هتشتري عربيات خالص
عرض للطباعة
هو ده اكيد اللى حصل فعلا او كما قال احد الاخوة معنا فى المنتدى انها عربية يوم الجمعة اللى هى بتكون اخر يوم فى الاسبوع قبل اغلاق المصنع فبتكون مش مضبوطة
العربية طبعا مش هى المشكلة المشكلة بيكون التوكيل بقي
يعني لازم لا نمد و نطول فى المدة اخى احمد اعمل معروف روح على حماية المستهلك و خلص على طول تغير العربية بالعافية ولة تفضل تضيع وقتك معهم كده طالما في مماطلة منهم واضحة معك و بعيدن يقولوا انك ماشي بيها مدة و يستهبلوا
عليك لازم تقطع عرق و تسيح دمه
و ربنامعاك يا رب و يصلح لك الحال باذن الله
اكيد يا استاذ امين انا مبهزرش واللى حصل مع احمد صيام ممكن يحصل فى اى ماركه تانيه وهو نفسه قال ان فى ناس شاريه معاه العربيه وماشيه معاهم زى الفل يعنى ديه تعتبر حاله شاذة
أهم حاجه فى الموضوع ده اننا لازم نعرف التوكيل هيعمل ايه. يعنى لو التوكيل غير العربيه فى الاخر بيتهيألى انه مش هيكون فى مشكلة.
Ahmed Abd EL-Rahman
يا شباب مش عشان عربيه طلعت وحشه وله عربيتين يبقى النوع دا زباله لا معتقدش كدا كل العربيات اللى بتنزل مصر مش هقول توكيل واحد لا هقول توكيلات كتيير المانى و يابانى و كورى و صينى يعنى مثلا عربيه اسبرانزا وهى واقفه فى المعرض بابها باظ من كتر الفتح و القفل ووقع و اتفك نهائى من العربيه دا وهى واقفه فى المعرض وطبعا موضوع الاستاذ احمد صيام دا حاله شاذه بس يا رب تتم على خير و يغيرولو العربيه وانا عن نفسى مستنى اللى هيحصل مع استاذ احمد و هكرر اجيب العربيه دى وله لا
انا كنت هجيب الماتيريا بس من كلام استاذ توت عن الجين 2 بصراحه اتوهمت بيها فا يا رب يبدلوها لاستاذ احمد عشان على اساسها هكرر و اجيب العربيه و ادعولى و ادعو لاستاذ احمد موضوعو يخلص
الموضوع اتحل يا شباب امس و هابلغكم بتفاصيله فى موضوع منفصل ان شاء الله
يا استاذ عبد الرحمن كلامك سليم وما فيش اتنين يختلفوا عليه ومع احترامى الكامل لرايك ورآى الاخوه فانا مقتنع تماما ان ما فيش حاجه كامله والكمال لله طبعا ولكن يا عزيزى اشترى عربيه زيرو بتسعين الف الاقى فيها مشكله فى التكييف ... ماشى ... مروحه مبتفصلش ... ماشى ... دهان بيقشر .... شغال ... اهى غلطه ... انما كل ده فى عربيه واحده ... يا راجل ... دا انا اثناء قرايت المشاكل كنت حاسس انى بتفرج على فيلم رعب وكان عزائى الوحيد ان الموضوع فى النهايه فلوس ... على آى حال واضح ان التوكيل حل الموضوع والحمد لله وانا اللى ما ليش اى علاقه بالموضوع تنفست الصعداء لحل الموضوع فربنا يعين الاستاذ صيام وما يعديش فى حاجه تبوظ الاعصاب بالمنظر ده تانى وعشان حد يفهم الموقف حط نفسك مكانه .... انت راجل عملت بحثك واستشرت الناس ووصلت للاعتقاد ان دى اللى انتى عايزها ... الف وستميت سى سى تكييف باور تقفيل ماليزى مش المصرى <المضروب> ورحت بتسعين الف واهم من كده بكل حسن نيه تتعامل مع توكيل محترم ونضيف ... وايه النتيجه ... لا والمصيبه انه جم يصلحوها باظت ... هوه ده ورشه فى الحرفيين ... ازاى التابلوه مكانو يتغير ... مش مهم شكل التابلوه ولا الانوار اللى طالعه من حتت غريبه المهم لايرباج وهل تثق انها حتفتح لو لا قدر الله حصل حاجه ... والاهم من ده كله العميل مالو ... زنبو ايه .... معلش انا يمكن انزعجت اوفر لانى قريت الوضوع متآخر وخدته جرعه واحده فكان تآثيره مركز شويه بس انا حقيقى سعيد ان التوكيل عمل اللى كان المفروض يعمله وحقيقى سعيد ان فيه منتدى زى ده ممكن الواحد يلاقى فيه ناس يدولو نصيحه وقت ما يحتاجها ... تحياتى للجميع والف مبروك للاستاذ صيام.