هو احنا المفروض نحط شحم علي البلي اثناء التركيب لان بتاع العفشه وهو بيركب قالي ماينفعش نحط شحم ممكن تتغسل بميه بس قلتله ازاي ده بلي ولازم يتشحم قالي لو اتشحم العربيه ماتمسكش فرامل وانا حاسس ان في صوت جاي من البلي اعمل ايه افيدوني افادكم الله
عرض للطباعة
هو احنا المفروض نحط شحم علي البلي اثناء التركيب لان بتاع العفشه وهو بيركب قالي ماينفعش نحط شحم ممكن تتغسل بميه بس قلتله ازاي ده بلي ولازم يتشحم قالي لو اتشحم العربيه ماتمسكش فرامل وانا حاسس ان في صوت جاي من البلي اعمل ايه افيدوني افادكم الله
ححكييلك اللي بيحصل معايا في الصيانه في التوكيل ....كل 5 ألاف صيانه ...بيفكوا العجل الخلفي و بيرجلشوا التيل و بيملوا البلي شحم .....اما ادام ف دة مبيحصلش لان البلي اللي ادام مبيتشحمش ...
مع تحياتي
عمرو ابراهيم
البلى بيتشحم طبعا... اصلا علبة البلى هتلاقى فيها باكو شحم
MMamdouh
كل سنه وانت طيب ممدوح .....انت قصدك البلي الامامي؟.....قصدك بيتشحم عند التركيب؟.....
سؤال تاني : في الصيانات بيشحموا الخلفي فقط في التوكيل ....ايه رأيك؟
تحياتي
عمرو ابراهيم
بالفعل انا قصدي البلي قدام لاني غيرت قدام مرتين في شهر
لا لا انا قصدى الخلفى هو اللى بيتشحم قبل ما يركب
الامامى بيبقى متشحم و مقفول و بيركب زى ما هو بدون اى تشحيم و ملوش اى صيانة بعد كدة
MMamdouh
عدم تشحيم الامامى وتشحيم الخلفى
هل مرتبط بكون الفرامل الاماميه قرص - والخلفيه طبله
ولو صح فهل ده يبقي قاعده تطبق على باقى العربيات زى عربيتى ال لادا
لانى لما عملت صيانه للفرامل - لم يشحم اى بلى لاورا ولا امام
؟
لا اعتقد انة مرتبط بنظام دفع العربية... العجلات اللى ملهاش علاقة بالدفع بتبقى على اكس و فيها طقمين بلى و بيتشحموا (زى العجل الامامى عندك)
اما العجل اللى فية دفع بيبقى فيه بلى محكم الغلق زى العجل الامامى العربيات الجر الامامى و العجل الخلفى فى العربيات الدفع الخلفى مع كبالن
اما العربيات اللى فيها كورونا ثابتة زى عربيتك فا تشحيم البلى بيعتمد على الزيت الموجود اصلا فى الكورونا
MMamdouh
شكرا للمعلومه
وهو امتى نعرف ان البلى الخلفى عايز يتشحم مش يتغير