الموضوع: عيد من غير شاشة و لاب توب و كانز و سرقة من أدام القسم حاجة بجد تفرح

ربنا يعوض عليكى طبعا لكن انا عايز اسئل سؤال هو كسر زجاج الجانبين ليه هو مش جنب واحد كفاية دا حتى عشان ميلفتش النظر بجد حاجة غريبة جدا

مش هعرف أرد على كل الناس بس أنا متابعة الردود رد رد والله

المشاركة الأصلية كتبت بواسطة misoalex

اه فعلا الحته دى ساكته تقريبا

ربنا يعوض عليكى بأحسن منهم وبأزازه بيبسى 2 لتر بدل الكانز :)

والله الواحد بقى يسيب العربيه ويرجع وهو متوقع انه ميلقيهاش او يلاقى فيها مصيبه لسه الاسبوع اللى فات رجعت لقيتها متكلبشه مع ان ادامها ووراها اكتر من 20 عربيه وكان فيه سايس فى المكان وانا بركن
ولما رجعت ولقيتها متكلبشه طبعا السايس فص ملح وداب ودفعت الغرامه زى الباشا

دا أنا أتعقدت والله من الشاشات و اللاب توب و مقفولة من ناحيتهم كدة مش عايزة تانى كفاية إلى فى البيت مش شرط بره البيت
بس لو بيبسى تانى ماشى موافقة
و عايزة أقولك على حاجة تقهر أكتر و أنا ماشية حاسة أننا نفسى أتخنق أصلا مرة واحدة فكرت فى البيبسى روحت واقفة و كنت عايزة أجيب واحدة قولت لحسن أرجع ملاقيش العربيه كلها تبقى كارثة

المشاركة الأصلية كتبت بواسطة eng f3lix

ربنا يعوض عليكي وكان لازم تعملي محضر باللي حصل ده ان مكانش الحرامي ده تبع ظابط ولا امين زفت من القسم

بس انا استوقفتني الكلمة اللي مكبرها دي .. هو فعلا قال الكلمة دي ؟؟ ولو كان قالها ليه مقلعتيش اللي في رجلك وضربتي اهله بيها؟؟ او على الاقل تدخلي تتكلمي مع مأمور القسم

هوا أنا كنت شاكه أن حد تبعهم بالمنظر دة أصل مش معقول دا الفرق مابينها و مابين باب القسم يا دوب شارع فاضى ساكت خالص يعنى لو حد مشى أنت غصب عنك لازم تبصله لأن الدنيا فاضية و كمان أكيد فيه صوت لما الأزاز أتكسر يعنى حتى كمان مبصش أزاى فأنا أصلا مش عايزة أعمل محضر و الكلام دة لأن هيا هيا الحاله و مش هيجيلى حاجة أصلا فى الأخر و الموضوع عندنا فى البيت هيكبر زيادة عن اللزوم
و كلمة أمامير دى قالها بس أنا معرفتش أعمل أية أصلا لانى لو هزقته و حصلت مشكله هتبقى كبيرة جدا جدا جدا و هتطور لحاجات أنا مش عارفة بعد كدة هتوصل لأيه

المشاركة الأصلية كتبت بواسطة Donzi

اولا اول ما تركبي العربية و تتحركي تقفلي سنتر العربية
ثانيا الازاز مايتفتحش على الاخر و لا حتى للنص يدووووب فتحة تهوية صغيرة ماتدخلش دراع بني ادم لان ممكن اي حاجة تتشد من على التابلوة او من الكرسي اللي جنبك او من ايدك حتى زي الموبيل
ثالثا لما تنزلي ماتسيبيش اي حاجة في صالون العربية نهائي حتى لو كيس بلاستك لان الحرامي ميعرفش الكيس فيه ايه و مش فارق معاه انه يكسرلك الازاز و يطلع الكيس فاضي فامتتطمعيش الحرامي في اي حاجة حتى لو هبلة و تلبسي انتي تمن الازاز
رابعا اي حاجة معاكي تتحط في شنظة العربية و في ايامنا دي يفضل برضو ماتسيبيش حاجة خالص في العربية لان ممكن حد يشوفك و انتي بتحطيها و يقطرك لحد ما تركني و يقوم بالواجب و حصلت مع صاحب اخويا و اتسرق منه بتاع 120 الف حاطهم في شنطة العربية لما خرج من البنك و الحرامية مشيوا وراه لحد ما ركن و فتحو الشنطة معرفش ازاي و سرقوه
خامسا حتى لو العربية فيها انذار يفضل تعملي لوك الدريكسيون اللي زي العضاية دا عشان تصعبي الموضوع عالجرامي لو فكر ياخد العربية كلها لانهم بقو يعرفو يبطلو الانذار في ثواني دلوقتي و ممكن كمان تعملي الانذار ال 2 way اللي يرن معاكي لو حد فتح العربية او كسرها

و اخيرا توكلي عالله و ربنا يعوض عليكي في اللي راح منك و فداكي و اهم حاجة انك بخيييييييييير

و أنا إلى فاكره أننا بس إلى نحس دا الردود كلها الناس مسروقة فى الأيام إلى فاتت دى
و موضوع الأزاز دة على فكرة سمعتها كتير أن واحد يكون بيكلم الى سايق من ناحيه و واحد تانى يسرق من الناحيه التانيه زى الأفلام كدة والله و مش هتيجى فى دماغ حد حتى لو متفرج على مليون فيلم عربى قبل كدة