عيد من غير شاشة و لاب توب و كانز و سرقة من أدام القسم حاجة بجد تفرح

**MaNoLa** · 07-11-2011 09:21 AM

حصلى موقف زباااااله و من يومها و أنا مأنتخه و حاسه أننا شبه السحابه
كنت عند واحدة صاحبتى و ركنت أدام قسم شرطة بالظبط و نزلت معاها لحد ماطلعنا قعدنا حوالى ساعة يعنى مطولناش و نزلت أنا و هيا و كانت الصدمه إلى خلتنى أقف أدام العربيه أبتسم حوالى ساعة زيها أن الأزاز من الجمبين مكسور المهم أنا متكلمتش نص كلمة ولا زعلت ولا أى حاجة لأنى كنت حاسة أننا متنحه و فتحت الباب و ببص على الكرسى لقيت اللاب توب و لسه يا ربى محطيتش عليه غير برامج حتى متسطبتش بـــح و الشاشة برضه بـــــــــــح لدرجة أن الحاجة الساقعة كمان بــــــــــــح المهم صاحبتى قالتلى تعالى ندخل القسم نعمل محضر بالى حصل و مسكتنى و وقفت عند الباب لقينا واحد مبتسم كدة و ظريف و وشه يقطع الخميره من أجدع بيت بيقولنا داخلين فين و ليه ؟ قالتلة يعنى انت مش شايفنا كل دة و العربيه متدغدغه و أزاى مشوفتش إلى سرق و كل دة و أنا واقفه لسه متنحه قالها أنا مكنتش هنا طيب أسئلى دة و جه واحد تانى لذيذ أكتر و بيقولنا أية يا أمامير عايزين أية ؟ روحت شاده صاحبتى و قولتها يلا عشان مغلطش فيهم و دى كانت أول كلمة أقولها بعد اليوم الجميل و اللذيذ دة و روحت داخله و ركبت و صاحبتى بتقولى أستنى يا بنتى قولتلها والله أنا ماشاغلة دماغى بحاجة سلام و مشيت
بس الفكرة بقى الأجمل أن المفروض لو رايحه لحد أركن فين طيب عندنا فيه جراج و بركن فيه لو رايحه أنا لحد أعمل أية أركن جوة القسم مثلا ؟

**tutankhamoun** · 07-11-2011 09:29 AM

ربنا يعوض عليكي اللي أتسرق
بس بصراحة حضرتك غلطانة ...... المفروض ما تسيبش حاجة في العربية في مرآى لولاد ........... الحرامية (آسف على اللفظ)
أنا أي حاجة بسيبها في شنطة العربية و غالبا بحاول ما أحطش حاجة في العربية و لما بأروح مشوار و اركن بأضطر أخد حاجتى معايا لو خايف عليها قوي مع أني ببقى خايف على العربية نفسها أحسن أرجع ملقهاش !

الأحسن و الأفضل
لو تركتي شئ في السيارة - اتركيه في شنطة العربية و خلي الكابينة فاضية
و لو معاكي حاجة قيمة قوي زي الفلوس .... خلي معاكي شنطة ظهر صغيرة و حطي فيها فلوسك و خديها معاكي
و لو ركنتي أركني في جراج أمان على قد ما تقدري و حاولي تبعدي عن الشارع على اد ما تقدري

و طبعا الشرطة خلاص ....... في البلالة و .................. اللي بتسرق بقى معندهاش خوف لدرجة أنهم يسرقوا من ادام القسم نفسه
علشان بتوع حقوق الانسان - لأن دول مش بني آدمين دول .................... و المفروض يتم تطبيق حُكم المفسدين في الأرض عليهم و يتم قتلهم بدون سجن علشان الامان يرجع تاني للبلد
و الشرطة تشتغل بضمير بقى و تحترم اهل البلد المحترمين و بأيد من حديد على الكلاب حرامية السيارات و حرامية ما بداخل السيارات
الواحد بقى بيخاف يخرج بالعربية و الله

برجاء مراعاة الاداب العامة وحسن اختيار الالفاظ
تم الاكتفاء بالتنبيه
مشرف الاجتماعي
ب9
3:37pm
8/11/2011

**mastr_n** · 07-11-2011 09:31 AM

بصراحة مش عارف اقولك اية ربنا يعوض عليكى
بس البلد دية رايحة فين مش عارف كل يوم سرقة وحوادث قتل الحاجات دية بقت عادى

هل احنا كنا نستحق الثورة واللة الواحد ابتدى يشك فى الموضوع ويقول ياريت الثورة ماحصلتش

**ahmedsrs** · 07-11-2011 09:48 AM

ربنا يعوض عليكى بس اى شى يتساب فى العربية حتى لوكيس شبس ممكن يتسرق ربنا يخلصنا من الاشكال الضالة الى ملت الشوارع

**i_Am_Legend** · 07-11-2011 10:04 AM

وانا موبايلى اتشد من ايدى إمبارح_واحد بموتوسيكل صينى _وطاار_انا_دخلت القسم_وللأسف مافيش فايدة

**sas5** · 07-11-2011 11:53 AM

سنه 1999 كنت راكن امام مديريه امن الجيزه طبعا على شارع مراد واتكسر زجاج السياره وانسرقت شنطه من السياره والمفروض ان عسكرى الحراسه كان واقف فى برج يعنى يقدر يشوف الحرامى
واحتمال يكون الحرامى من العساكر.

يعنى الوضوع لم يتغير ويصبح اسوا بل هو سى من زمالن

**abogogo** · 07-11-2011 12:13 PM

المشاركة الأصلية كتبت بواسطة sas5

سنه 1999 كنت راكن امام مديريه امن الجيزه طبعا على شارع مراد واتكسر زجاج السياره وانسرقت شنطه من السياره والمفروض ان عسكرى الحراسه كان واقف فى برج يعنى يقدر يشوف الحرامى
واحتمال يكون الحرامى من العساكر.

يعنى الوضوع لم يتغير ويصبح اسوا بل هو سى من زمالن

+1111111111111

**dr.hany** · 07-11-2011 12:39 PM

ربنا يعوض عليكى.محدش بيتعلم ببلاش

**nonetta** · 07-11-2011 12:54 PM

ازاي تسيبي اللاب بتاعك في العربية وتمشي
ولا حتى 5 دقايق
طبعا غلطيعني على اساس انك راكنة ادام القسم
مكانش ينعز .. كان زمان وجبر
البجاحة بقت عيني عينك وربنا يحفظنا
دة انا لو شارية جزمة وهاسيب العربية مش لاب باخبيها ان شالله تحت الكرسي
حرص ولا تخون
كنت مرة في اشارة ولقيت شباب بموتوسيكل جنبي وعينيهم جوا العربية عالكنبة
بابص بيبصوا على ايه
لاقيتني حاطه شنطتي
رقت قافلة السنتر على طول
قدر الله وماشاء فعل
الحمدلله ان العربية موجودة

**Mostafa.Mahran** · 07-11-2011 01:13 PM

معلش و ربنا يعوض عليكى و بنتقم من العالم الى معندهمش ضمير دول خالص

بس هو الواحد فعلا على قد ما يقدر ميسبش اى حاجة فى العربية ولا حتى جنيه معدن

الموضوع: عيد من غير شاشة و لاب توب و كانز و سرقة من أدام القسم حاجة بجد تفرح

LinkBack

أدوات الموضوع

عرض

عيد من غير شاشة و لاب توب و كانز و سرقة من أدام القسم حاجة بجد تفرح - انشر الموضوع فى :

-

-

-

-

-

-

-

-

المواضيع المتشابهه

مطلوب تغيير حاجة بسيطة في القسم

مينا مخترع مصرى صغير مش هاتصدق نفسك حاجة تفرح

بجد حاجة تفرح

توكيل ابو رواش حاجة تفرح

أخيرا حاجة تفرح في مصر

الكلمات الدلالية لهذا الموضوع

المفضلات

المفضلات

ضوابط المشاركة