تجربتى مع الجنوط ال16 على الجوليت بتاعتى

**Moe86** · 10-11-2011 05:03 AM

المقاس اللى إنت مركبه حاليا 205/45 مخلى قطر العجلة الإجمالى أكبر بنسبة 2.7 % عن الأصلى و بالتالى قراية عداد السرعة و الكيلومتر مش هتبقى مظبوطة قوى
و لكن دى نسبة فى حدود المعقول

لو هتركب 195/50 القطر هيزيد بنسبة 4.5 % و دة هيبقى فرق كبير, غير قراية العدادت اللى هتبقى غلط, ممكن يعملك مشاكل فى العفشة و هيرفع العربية عن الأرض

**Ahmod** · 10-11-2011 12:11 PM

المشاركة الأصلية كتبت بواسطة Moe86

المقاس اللى إنت مركبه حاليا 205/45 مخلى قطر العجلة الإجمالى أكبر بنسبة 2.7 % عن الأصلى و بالتالى قراية عداد السرعة و الكيلومتر مش هتبقى مظبوطة قوى
و لكن دى نسبة فى حدود المعقول

لو هتركب 195/50 القطر هيزيد بنسبة 4.5 % و دة هيبقى فرق كبير, غير قراية العدادت اللى هتبقى غلط, ممكن يعملك مشاكل فى العفشة و هيرفع العربية عن الأرض

مانا لسه كنت داخل اكتبله نفس الكلام بعد ماعرفت المقاس الاصلي بتاع الكاوتش عنده

المشكلة انه بعد كتير عن الجنط الاستوك بتاع العربية 13 ركب 16 فده يعتبر كتير

عموما احسن حل انه يخليه على نفس مقاس الكاوتش طالما مريحه وبالنسبة للارتفاع لو العربية استعمال شخصي ومش بتحمل اوزان فيها يعني مش عربية العيلة

هبط العربية وممكن تركب مصفحات على الكارتيرات لو خايف عليها من الحمولة اعرف واحد مركب جنط 17 على اوبل فيكترا ومهبطها بسوست ومساعدين اسبور ومركب المصفحات اللى بقولك عليها عشان يحمي الكارتيرا

وسعتها هتلاقي ثبات تاني خالص

الى غير شكل العربية هيبقى رياضي اكتر واحلى

**FunnyMickey** · 10-11-2011 01:23 PM

هوا ده الحل الصح لو عاوز يحافظ علي شكل العربيه
لازم سوست ومساعدين سبورت عشان العربيه تستحمل
والا اعتقد ان العفشه في خلال 6 شهور لو في شوارعنا دي حيغيرها

انا عندي نفس المشكله ونفسي اركب جنط كبير
وللاسف كل ما اجي اخد الخطوه اتراجع بسبب الشوارع والحفر والمطبات الغير عاديه

**Ahmod** · 10-11-2011 06:42 PM

المشاركة الأصلية كتبت بواسطة moe86

معلش مش فاهم, يعنى هو مركب حاجة صفيح على الكارتيرة البلاستيك و لا إية؟

عارف حضرتك العربية العالية زي البي ام والمرسيدس بيبقى الشاسيه بتاع العربية من تحت متصفح

يعني اي مطب او اي حاجة تلبسها في بطن العربية من تحت بتيجي في الصفيحة اللى بتحمي جسم العربية من تحت

اهو عمل حاجة زي كدة على الكارتيرات انا مافهمتش منه بالظبط هو عمل ايه بس حاجة زي كدة

لو حضرتك مهتم بالموضوع ممكن اساله واعرف منه التفاصيل بالظبط وعملها فين وكلفت كام وكدة

لان فعلا عربيته ماينفعش معاها الا كدة العجل يكاد يكون لازق في الكارتيرات علطول كدة مافيش ولا سنتي واحد حتى فرق