تجربتى مع الجنوط ال16 على الجوليت بتاعتى
بسم الله الرحمن الرحيم .. من فتره واحد صاحبى كان بيبيع الجنوط بتاعت عربيته بالكاوتش
بجد الجنوط كانت تحفه اوى مقاس 16 كاوتش 205/45 صناعه اندونيسى . جنوط نيكل كروم
المهم اشتريت منه الجنوط والكاوتش ومن هنا بدأت المشكله كل الناس تقولى الجنوط كبيره وكده
ومش عارف اركبها ولا ابيعها قولت القرار الاخير هاخده من العفشجى والميكانيكى وبتاع الكاوتش الى انا
بتعامل معاهم وبثق فيهم اول حاجه بتاع العفشه قالى مش تقلق من اى حاجه الجنط ده هيدى ثبات ومش هيأثر فى حاجه بس تجنب تاكل مطبات بسرعه وكده .. بتاع الكاوتش قالى الطوره بتاعت الكوتش حلوه اوى
الميكانيكى سألته ممكن يكون حمل على الموتور او اى حاجه قالى عادى جدا .. من هنا توكلت على الله
وركبت الجنط .. الى حصل كالأتى ... ثبات بسم الله ماشاء الله على السكه ماشى 160 والحمد لله مش حاسس انى ماشى الجنط كان بيحك لو حد راكب ورا وانا فى منزل كوبرى جامد او على سرعه بس العفشجى الحمد لله قدر انى يظبطلى الحكايه دى .. الطاره تقلت سنه لا تذكر بس مقابل ثبات اكتر والشكل روعه جدا .. وانشاء الله هرفع صور العربيه والجنط فى اقرب فرصه
