انا اسف انا مش هرد علي مشاركات في مواضيع من ديه تاني

مش عارف احنا مش بنحب النظام و لا مش عايزينه ولا بنكسل
بصراحة الواحد دمه محروق اننا عايزيين القسم يمشي بنظام و مفيش فايدة
لسة كاتبين الموضوع امبارح و النهارده ولاكأننا بنهاتي


الي كل الاعضاء الاحباء المحترمين ارجوا قراءة الموضوع الآتي بعناية عشان كلنا نستفيد و الا بصراحة انا غير مضطر اني ارد علي مواضيع غير منظمة بالقسم مع خالص شكري



http://www.nilemotors.net/Nile/254890-a.html

+111111111111111111111111111111111111111111
فعلا يا شباب ..... علشان محدش يحس بالملل من كتر تكرار المشكلة بالرغم من حلها قبل كده ومواضيع كتيييييير مكررة
والفهرس والمواضيع المثبته فيها كمية معلومات لا تعد ولا تحصي
رجاءا مراجعه وقراءة الموضوع بعناية و اي موضوع لا يتوافق مع خريطة المنتدي لا يؤخذ بيه و سيتم ارسال تقرير مشاركة للادارة بحذف الموضوع للتكرار .
اتمني انكم تساعدونا علشان نستفيد علي قد ما نقدر من المكان اللي مش هانلاقي مكان زيه لا خدميا ولا اجتماعيا.
تقبلوا مروري
تحياتي
sonasteel
مساعد منسق منتدي نيسان

هو فعلا النظام حلو و بيسهل الدنيا بس ارجوكم تعذروا الناس لان احيانا بيكون عندهم حاجه ضروريه او مفيش عندهم وقت كبير علشان يحطوا كل البيانات كل مره و بالمناسبة دى أنا كان عندى اقتراح و هى ان القسم يكون مقسم لأقسام فرعيه يعنى مثلا إحنا قسمنا نيسان يبقى فيه اقسام فرعيه او صفحات ؛ قسم فرعى للصنى و اخر للتيدا و اخر للقشقاى و قسم اخرى مثلا للموديلات الغير منتشره اوى و اعتقد ان ده هيسهل الدنيا كتير علشان كل احد هيدخل على قسمه الفرعى مباشره و كمان هيخلى البحث اسرع لان فى الوضع الحالى البحث صعب جداً كما ان الواحد فى الغالب بيبقى مهتم بموديل عربيته و مشاكلها اكثر من الموديلات الاخرى و كمان يسهل اداره المنتدى و كمان لما نعمل الأقسام الفرعيه ممكن نطلب من الاعضاء يملوا template زى بتاعه استماره البيع و الشراء يحط فيها البيانات المطلوبه و بكده نسهل على الدنيا على الجميع و بالنسبه للمشاركات القديمه ممكن بالتدريج نبقى نوزعها على الأقسام الفرعيه الخاصه بها على مراحل مثلا

لا حياة لمن تنادى :allo:
فعلا حاجة تضايق وتنرفز جداااااااا
بس الله اعلم يمكن اللى بيعمل كده ماعندوش ملكة او موهبة اختيار عناوين المواضيع او طريقة العرض ومش عيب يستعين بأى عضو تانى عشان يساعده
انا كمان معاك يا بيشوى فى عدم المشاركة فى مواضيع غير هادفة او غير مكتملة او غير مفيدة للكل لأنى ساعات باحس ان فيه مشاركات ومواضيع بتكون بهدف زيادة عداد مشاركات العضو والحصول على مرتبة اعلى من عضو جديد الى فعال الى برونزى وهكذا:duh:

اقتباس:

---

المشاركة الأصلية كتبت بواسطة wshawky

هو فعلا النظام حلو و بيسهل الدنيا بس ارجوكم تعذروا الناس لان احيانا بيكون عندهم حاجه ضروريه او مفيش عندهم وقت كبير علشان يحطوا كل البيانات كل مره و بالمناسبة دى أنا كان عندى اقتراح و هى ان القسم يكون مقسم لأقسام فرعيه يعنى مثلا إحنا قسمنا نيسان يبقى فيه اقسام فرعيه او صفحات ؛ قسم فرعى للصنى و اخر للتيدا و اخر للقشقاى و قسم اخرى مثلا للموديلات الغير منتشره اوى و اعتقد ان ده هيسهل الدنيا كتير علشان كل احد هيدخل على قسمه الفرعى مباشره و كمان هيخلى البحث اسرع لان فى الوضع الحالى البحث صعب جداً كما ان الواحد فى الغالب بيبقى مهتم بموديل عربيته و مشاكلها اكثر من الموديلات الاخرى و كمان يسهل اداره المنتدى و كمان لما نعمل الأقسام الفرعيه ممكن نطلب من الاعضاء يملوا template زى بتاعه استماره البيع و الشراء يحط فيها البيانات المطلوبه و بكده نسهل على الدنيا على الجميع و بالنسبه للمشاركات القديمه ممكن بالتدريج نبقى نوزعها على الأقسام الفرعيه الخاصه بها على مراحل مثلا

---

بص يا باشا حتة الاعذار ديه خلاص المفروض ان القسم بقالنا سنتين و اكتر بنهاتي علي النظام لغاية ما بقي اصبح متكامل و في ناس تعبت كتير عشان النظام ده يتعمل و يساعدنا كلنا عشان القسم يبقي قوي..


و بعدين مين قال لك يا باشا ان القسم مش مقسم .. دا القسم فيه احلي تنظيم و بالنسبة لموضوع الفروع ده هيبقي صعب شوية .. ليه بقي .. لأن العربيات مشتركة في حاجات كتير زي مثلا .. الاكسسورارات و زي مثلا لما بيبقي في عروض في التوكيل بيبقي العروض مكتوبة لكل العربيات مرة واحدة .. فمش معقول نعمل مثلا 4 او 5 مواضيع عشان الخصومات

لو انت بقي يا جميل عايز حتة الفروع هتلاقيه في الموضوع ده و هتلاقيه متقسم تقسيمة رائعة و بيتم تحديثه اول بأول و اللينك معاك :

http://www.nilemotors.net/Nile/163656-a.html

اقتباس:

---

المشاركة الأصلية كتبت بواسطة Peaceman

بص يا باشا حتة الاعذار ديه خلاص المفروض ان القسم بقالنا سنتين و اكتر بنهاتي علي النظام لغاية ما بقي اصبح متكامل و في ناس تعبت كتير عشان النظام ده يتعمل و يساعدنا كلنا عشان القسم يبقي قوي..


و بعدين مين قال لك يا باشا ان القسم مش مقسم .. دا القسم فيه احلي تنظيم و بالنسبة لموضوع الفروع ده هيبقي صعب شوية .. ليه بقي .. لأن العربيات مشتركة في حاجات كتير زي مثلا .. الاكسسورارات و زي مثلا لما بيبقي في عروض في التوكيل بيبقي العروض مكتوبة لكل العربيات مرة واحدة .. فمش معقول نعمل مثلا 4 او 5 مواضيع عشان الخصومات

لو انت بقي يا جميل عايز حتة الفروع هتلاقيه في الموضوع ده و هتلاقيه متقسم تقسيمة رائعة و بيتم تحديثه اول بأول و اللينك معاك :

http://www.nilemotors.net/Nile/163656-a.html

و الله أنا حاسس بالمجهود الكبير اللى بتبذلوة علشان تنظموا الدنيا و علشان كده باحاول أساعد باى طريقه و ان فعلا رايت اللينك بتاع الفهرس و هو جميل و مرتب و كل حاجه بس ألحاجه اللى لفتت نظرى ان ده بياخد مجهود علشان حد لازم يقراه من المشرفين و بعد كده يصنفه و كمان أنا كمستخدم عادى حاسس ان البحث فى الفهرس ده عن حاجه معينه عن نوع عربيتى هيكون صعب قوى بينما التصنيف المرئى اسهل بكتير و مش هيحتاج كل المجهود ده و بالنسبه للموضوعات المشتركه بين الموديلات كلها زى العروض او حملات الصيانه ممكن نحطها فى الجزء اللى فوق اللى هو فيه المواضيع ألهامه بالقسم و الصيانات و كده بينما الحاجات التانيه تبقى فى الأقسام الفرعيه و ده حتى هيسهل على الناس انها تدور على مواضيع سابقه مشابهه لنفس الطراز و لا تضطر تعمل مشاركه جديده لموضوع سابق و أخيرا تقبلوا تحياتى و تقديرا الكبير لكم

---

اولا انا كلامى بناء على شغل وتنسيق فى القسم وعلى دراية بالموضوعات اللى فيه وبالاعضاء كمان سواء الجدد او القدامى

موضوع تقسيم القسم .. صعب جدا .. وكان مقسم من فترة كبيرة .. ومنجحش .. وكان بيشتت الاعضاء القدامى الناشطين والقدامى اكتر من الاعضاء الجدد .. اللى بتدخل بتاخد معلومة على الماشى

وكمان تقسيم القسم زى ما وضح بيشوى مينفعش عشان فى معلومات كتيرة داخلة فيها العربيات مع بعضها وعشان العروض .. وعشان الخدمات اللى حتقدم من مراكز الخدمة اللى حتتعاون معانا الفترة القريبة وحتقدملنا عروض خاصة للاعضاء النايل موتورز والقدامى والجدد الناشطين والبارزين .. وكمان خدمات بالاستيكر

فى موضوع مقسم الى فهرس حتى لو موضوعاته اتحطت فى قسم فرعى لوحده مش حتقسم بالطريقة دى

عندكم الفهرس فى مشاركة كبيرة مخصوصة للصنى والمشاركة اللى فيه ماليانة موضوعات للصنى مقسمة من التقارير والكماليات والميكانيكا والصيانات

واللى عايز التيدا ينقل على االمشاركة اللى بعدها حيلاقى موضوعات التيدا بتقاريها ومموضوعات الميكانيكا بتعتها

وهكذا مع باقى العربيات .. وكمان فى فى اول الفهرس موضوعات عامة

يعنى زى ما قولت .. لو اتعملت موضوعات فرعية .. مش حيكون فيها الموضوعات مقسمة

الفهرس ده خلاصة القسم كله واخذ منه كل الموضوعات الهامة واللى كان فيها تعب الاعضاء اللى بتفيد غيرهم

موضوع الخريطة اللى بنقول عليه .ز الموضوع ده حيتثبت باذن الله .. وكل الاعضاء المحبين للقسم القدامى والجدد .. حيحطوه فى التوقيع بتعهم .. عشان يكون قدام كل الاعضاء الجدد والقدامى

ولو مشينا على اللى فيه .. حيكون كل مشكلة ليها حل .. بطريقة تنظيم واضحة فى عرض السوال .. وعرض السوال بتنظيم وبيانات العربية حيفيد صاحب العربية فى اخذ الحل بسرعة .. اذا كنا قادرين نساعده

القسم ده بفضل مجهود اعضاء المحبين ليه وبالاخص القدامى .. وبتقاريهم المميزة وبالحب اللى فيه بين اعضائه سواء جوة القسم او خارجه بمقابلاتنا الخاصة او الجماعية كل فترة .. قدرنا نوصل بيه الى مكانه كبيرة

والحمد لله اتعرض عليه انى اروح زيارة الى مصنع نيسان الفترة اللى بعد العيد عشان اوصل انطباعات الاعضاء فى الموضوع اللى كنت طارحه من فترة .. اللى اعتقد محدش قلب وقراه .. اللى كان بيتكلم عن ايه اللى تحبوه يكون موجود فى الصنى .. وكل ده وصلنا ليه بتكاتف الاعضاء وبالحب اللى بينا

فاتمنى ان الكل يعمل على هذه الروح .. لان فعلا فى خير قريبا سوف ياتى الى اعضاء قسم نيسان

وكل ما يكون فى اعضاء مميزين حيكون ليهم مفاجاءات معانا وتواجد معانا فى اى اجتماعات مع مراكز الخدمة او زيارات للمصنع .. مش بقولكم فى خير جى .. بس حيكون للناس المهتمة والمتابعة بحب وبتواجد ومشاركة مش مشاهدة بس

عندكم كل حاجة فى القسم .. ومحدش يقول اصل مش بعرف وافهم فى المكيانيكا .. عندكم موضوعات دردشة .. موضوعات تعارف وانا اللى بفعلها كل فترة .. ليه بعض الاعضاء مش يفعولها .. مش عارف !!

عندكم مقابلات خاصة وعامة .. عندكم كل حاجة وخير فى القسم .. يعنى تقدروا تتواجدوا وتشاركوا بسهولة بدون حجج .. ومحدش يقولى ظروف الواحد

زى ما الواحد بيكون عنده مشكلة وسط ظروفه وبيقعد يكتب ويحكى عنها فى موضوع .. يقدر يشارك بردوا ولا ايه !!

انا بدخل على ملفات كل عضو قديم وجديد .. وعارف مين بيدخل ومين مش بيدخل .. يعنى بشقر عليكم عشان اطمن ان الكل بخير .. فى الاخر بتصدم ان فلان ده بيدخل كل يوم بقاله شهر ومش بيفكر يقول هاى باى

بقاله شهر او شهرين عنده ظروف

زى ما قولتلكم انا مش بدخل ارد او اشارك معاكم وبس .. انا بتابع الاعضاء من دخلوهم القسم .. فعشان كدا الكلام ده مش جى من فراغ
وياريت الاعضاء الجدد .. اللى شايفنهم بيدخلوا يردوا فى موضوعاتهم او الموضوعات اللى على مزاجهم .ز يدخلوا كل الموضوعات وبالاخص النشرات والبيانات للقسم .. عشان يعرفوا المنهج اللى القسم ماشى عليه .. ولا احنا كمان بردوا نختار المواضيع اللى ندخل فيها !!

ياريت نحافظ على الجهد اللى وصلنا ليه .. لان فى خدمات حتكون موجودة فى القسم اكتر الفترة اللى فاتت كمان

اوى عضو من هنا ورايح باذن الله حيكون ليه مشكلة وعرفنا انها اتحلت من مركز الخدمة سواء فى موضوعه اللى كان طرحه او فى موضوع خدمة العملاء للمركز الفلانى .. حتتحذف فورا .. مع تنبيه ان المشكلة اتحلت

وبرجاء الاهتمام من الاعضاء باخذ المشاكل وحلها ووضعها فى السجل الميكانيكى .. واعضاء تنشيط التقارير المميزة فى القسم من الفهرس

وبرجاء الاهتمام بقراءة البيانات والنشرات للقسم .. وتفعليها كل فترة ايضا لتذكرة الاعضاء الجدد .. لحين صدور بيانات ونشرات جديدة .. اويضا تفعيل موضوع الدردشة وموضوع التعارف لملاك السيارات

وانتظرونا فى مقابلة قريبة باذن الله عشان نقدر نضع التصور السليم للقسم الفترة المقبلة .. واتمنى حضور المقابلة كل الاعضاء القدامى والجدد الناشطين

عشان حنتناقش فيها فى الخدمات الجديدة اللى حتكون فىا لقسم من عروض صيانات واكسسورات من الموقع عندنا او مراكز الخدمة .. وغيره وغيره

تحياتى

ولنا لقاء قريب

كلنا معاك يا استاذ احمد
واعتقد هي دي البداية لمصر جديدة
هنبدأ من هنا من المنتدي
هنظم طلباتنا هنظم رودورنا هنظم شوارعنا هنظم بلدنا
نفسنا نتغير للاحسن
ودة بادينا مش هنجيب حد ينظمنا وكفاية ان احنا عندنا القدوة زي حضرتك
ومعلش لو حد ممشيش علي الطريق الصحيح
احنا ممكن ننبة ونساعدة لانة هيجي يوم هو الي هيعمل كدة مع الي بعدة

كلامك عقلانى وموضوعى جدااااااااااا يا احمد
ومش بس بنطالب بكده عشان الهدايا والمزايا وغيرها من الفوايد المادية ولا حتى المعنوية
النظام والبروتوكول مهمين للمنتدى وحياتنا كلها ده سلوك عام
عن نفسى من طبيعة شغلى ودخولى فترة من حياتى الجيش اتعودت على حاجات معينة فادتنى جداااا فى حياتى
وبعدين ياريت نبطل نفكر فى نفسنا واللى هايعود علينا شوية ونبدأ نفكر فى المصلحة العامة وعمل الخير
ممكن موضوع او رد او مشاركة لواحد فينا تفيد عشرات ومئات غيرنا عالاقل بالنصيحة والمعلومة الغائبة عنهم
فكلامنا ده هدفه الاول والاخير هو اكبر استفادة باقل مجهود واقل وقت

توضيح

الأعضاء الجداد ساعات بيجتاج رد سريع لأن القسم كبير ومواضيعه كتيره

اقتباس:

---

المشاركة الأصلية كتبت بواسطة NABEEH010

توضيح

الأعضاء الجداد ساعات بيجتاج رد سريع لأن القسم كبير ومواضيعه كتيره

---

معلش انا عايز اصحح التوضيح ده :

مفيش حاجه اسمها ان الاعضاء الجدد بيحتاجوا رد سريع في القسم و مواضيعه كتيره ..

احنا القسم خدمي فعلا من الدرجة الاولي لكن عشان القسم يمشي صح يبقي لازم كل الاعضاء كان قدامي او جدد يمشوا علي نظام القسم و قواعده ..

مفيش حاجه اسمها سؤال مستعجل و سؤال علي السريع
لأن القسم مبني علي تكوين اسرة داخله مش اسئلة و ردود و مصالح وخلاص

يعني مثلا لما يحصل مشكلة في العربية اكيد بتتصل الاول بالتوكيل علشان تاخد ميعاد ممكن يكون بعد 3 او 4 ايام عشان تدخل التوكيل و تصلح العربية

كل اللي احنا عايزينه في القسم هو النظام علشان الكل يستفاد مش المصلحة تنقضي و نقفل علي كده

و بعدين مفيش موضوع بيعدي عليه 24 ساعة الا لما بيكون فيه ردود و مشاركات ..

فمش معقول يعني يبقي هو ده رد الجميل و الاحترام للاعضاء اللي دخلوا و ردوا علي الموضوع انهم عايزيين النظام يمشي و في الاخر تكون مصلحة و باي باي

أرجوا تكون وصلت وجهة نظري ..

الخلاصة :

استمرار اي عضو في قسم نيسان كان جدد او قدامي لازم يحترم قواعد القسم و ترتيبه علشان قسم نيسان في منتدي نايل موتورز اصبح قسم محط الانظار لجميع الاعضاء بالمنتدي و ايضا توكيلات نيسان في مصر .. يبقي لازم نلتزم بالقواعد الموضوعة و اللي بتتلخص كلها في الموضوع ده :

http://www.nilemotors.net/Nile/254890-a.html