خبطه اثرت على العفشه

**ahmedman** · 07-11-2011 05:50 PM

السلام عليكم ورحمة الله

اولا : كل عام واعضاء هذا المنتدى بكل خير وصحه وعافيه من الله

ثانيا : الحمد لله على كل حال

ثالثا: شرح المشكله

ببساطه كنت راجع يوم الخميس اللي قبل العيد
وعند مفترق طرق بين الطريق العام وطريق الحدمات حبيت اني ادخل طريق الخدمات فجه واحد الله يسامحه زنقني من اليمين فملحتقتش الم نفسي ،

وبالتالي العجله الاماميه الشمال طلعت الرصيف الفاصل بين الطريق العام وطريق الخدمات ثم توقفت السياره تمام عن الحركه ، بس الماتور كان شغال

حاولت احركها مفيش فايده ، مع فحصها السريع لقيت ان العليه اللي بتربط الكوبلن مع الماتور مكسوره ونازل منها زيت بس بقية الماتور مفيش فيه حاجه
طبعا العجله الشمال الاماميه بايظه ، ولم اعرف مزيدا عن الخسائر

العربيه نيسان صني 2010 عامله حوالي 20000 كيلو

السؤال دلوقتي

مع الشرح البسيط دا ممكن حد يساعدني اني اعرف ايه الخسائر ايضا اللي ممكن تكون من حادثه زي دي

طيب لو هاصلح في مكان غير التوكيل يكون موثوق فيه وينفذ التصليحات بشكل مناسب
واخير ممكن تكلف في حدود كام حاجه زي دي

انا عارف ان الشرح ضعيف بس فعلا احب اعرف العربيه هتكلف في حدود كام عشان اعمل حسابي سواء في التوكيل او في مركز صيانه محترم

طبعا العربيه روحت البيت محموله على ونش ، وربنا يسهل واصلحها لان اجازة العيد معطله كل حاجه

سؤال اخير حد يعرف التوكيل بتاع السبع اجازه لامتى

وشكرا جزيلا

**WalidAdel** · 07-11-2011 07:49 PM

المشاركة الأصلية كتبت بواسطة ahmedman

وبالتالي العجله الاماميه الشمال طلعت الرصيف الفاصل بين الطريق العام وطريق الخدمات ثم توقفت السياره تمام عن الحركه ، بس الماتور كان شغال

حاولت احركها مفيش فايده ، مع فحصها السريع لقيت ان العليه اللي بتربط الكوبلن مع الماتور مكسوره ونازل منها زيت بس بقية الماتور مفيش فيه حاجه
طبعا العجله الشمال الاماميه بايظه ، ولم اعرف مزيدا عن الخسائر

بالحته دي اللي حضرتك قايلها و علي الوصف الضعيف ده يؤسفني اقولك ان العلبه اللي بين الموتور و الكوبلن و فيها زيت يبقي مافيش غير الفتيس للاسف ممكن تكون الفارغه بتاعة الفتيس مثلا الخلفيه اللي اتشرخت و الله اعلم
لو تعرف حضرتك ترفع العربيه علي كوريك و تفك الفرده الشمال و تصورلنا الموضوع ده صور واضحه و ترفعها يكون افضل

**elpasha1** · 07-11-2011 10:27 PM

كبلن - بارة- مقص (لو كانت الخبطة شديدة)

**Youssef.Awad** · 08-11-2011 12:43 AM

باذن الله تكون حاجة بسيطة ويارب يكون الكوبلن سليم
والسبع اجازة ليوم الخميس والسبت 12-11 اول يوم شغل بعد العيد

**FBIAhmed** · 08-11-2011 11:49 PM

بص حضرتك معلش اولا قدر الله ما شاء فعل و على حد ما اعتقد بدأ بالحتمال الاقوى فالاقل بس حضرتك مذكرتش مانيوال و لا اوتو العربيه

اولا العلبه الي ماسكه الكوبلن في الموتور المدوره دي اسمها كوبلن داخلي و الي جواها دي صليبة و هي عبار عن رمان بلي ثلاثي بتتغير لانها اكيد فرطت عشان كده العربيه متحركتش

ثانيا الزيت ده زيت فتيس ماشي حوالين الكوبلن الداخلي من جوا الفتيس من عند حته اسمها جوان كوبن داخلي و بيبان لما ينزل زبت ما بين الفتيس و الكوبلن الداخلي

ثالثا اتأكد ان الكوبلن الداخلي مكسرش شفة الفتيس من عند الجوان لان دا احتمال كبير عشان نزلت زيت و بيبان بالنظر للجزء الي بينزل منه زيت و مقارنته بالناحيه اليمين

رابعا اتأكد ان اكس الكوبلن و هي الماسوره الحديد ما بين الكوبلن و العجله متعوجش بس ده احتمال بعيد عشان ده الاكس القصير و ده بتحس برعشه جامده و انت ماشي لو فيه حاجه لا قدر الله

النقط التاليه محتاجه حد بتاع زوايا كويس يقيسها على الجهاز

خامسا اتاكد من سلامة بارات و بيض و كفائة علبة الدريكسيون المرتبطه بالعجله الشمال

سادسا تاكد من عدم وجود اعوجاج في المقص الشمال و جودة بيضة المقص

سابعا اكشف على المساعد الشمال و قم بقياس كفائته مقارنة باليمين