عرض للطباعة
السلام عليكم
كنت نسيت يو اس بي فلاش ميموري كينج ستون في جيب القميص
واتغسلت في الغساله واتنشرت في الشمس ونشفت وبعدين اكتشفتها جوه القميص
طبعا انا فضلت راميها على جنب وخايف اجربها لحسن اول لما احطها في الكمبيوتر يطلعلي الحاج كينج ستون الكبير بنفسه ويقولي اني اغرق اغرق تحت الماء
بس اللي حصل انها اشتغلت عادي جدا وكل الملفات اللي عليها سليمه انا مبقتش مصدق نفسي
ومش عارف ايه السبب
1- هل الفلاشه ده ضد المياه ولا ايه
2- هل الغساله بتاعتنا بتضحك عالينا وبتلف منظر كده وخلاص
وكل غسله وانتم طيبين
فلوسك حلال
نفس الموضوع حصل مع واحد صاحبي بالظبط من سنتين تقريبا و لسة لحد دلوقتي الفلاشة شغالة =)
تقريبا بيبقى الموضوع انك تسبها لحد اما المايه تنشف كويس منهاو على كلامك انت سبتها مده فنشفت و اشتغلت عادي لكن احنا المشكله اما الحاجة بيجي فيها مايه بنفكها و ننشفها كويس و نقول نجربها عشان تتطمن بس اللي بيحصل انها مش بتكون نشفت 100%
هى غسالتك نوعها أيـــــــــه ...؟ :ma:
هو عموما أى حاجه الكترونية المياه مش هتبوظها طول ما مفيش باور واصل لها .. أول ما الباور بيوصل و الميام موجودة بيحصل short circuit هو ده اللى بيبوظ الجهاز.
فالسبب انها اتنشرت فى الشمس فا نشفت .. و طبعا معروف ان الفلاش ميمورى بتاخد الباور بتاعها من الكمبيوتر .. مافيهاش باور من نفسها.
اكيد بتغسلو بي اريل عشان كده
ايه دا انا اول مرة اعرف المعلومة دي ؟ يعني الموبيل لو جه عليه ميه مثلا اسيبو ينشف ؟؟اقتباس:
المشاركة الأصلية كتبت بواسطة kareemz
دا اي حد موبيلو بيجي عليه ميه يقولوا حطو في الشاحن عشان يسخن و ينشف !!!!
جزاك الله خيرا على المعلومة دي
اقتباس:
المشاركة الأصلية كتبت بواسطة kareemz
الموبايل البور بتاعه في البطاريةاقتباس:
المشاركة الأصلية كتبت بواسطة donzi
اول حاجة تشيلي البطارية ومتفكريش تجربيه الا بعد يومين تلاته عشان تتأكدي انه نشف
لا طبعا غلط جدا. اول ما الموبيل يقع في الميه شيلي البطاريه على طول . انا نزلت بالموبايل البسين و شلت البطاريه على طول و سبته ينشف في البلكونه مش في الشمس عشان سخونيه الشمس هتبوظ الدنيا. بس لو ميه بحر انسي الموبايلاقتباس:
المشاركة الأصلية كتبت بواسطة donzi
حصلت معانا وإبنى نسيها فى جيب البنطلون واتغسلت ونشفت وشغالة زى الفل والملفات ماباظتش عليها ز
ايام شغلى القديم كنا بنفك بورد الشحن وبورد تانيه بتاعت البرنترات ومكن التصوير ونغسله بفرشه واريال ونسيبهم ينشفوا فى الشمس وبنركبها بعد كده عادى
كان معايا فلاشه اتغسلت مره و اشتغلت عادي جدا سنتين و بعدين باظت لوحدها :d
هي عموما الفلاشات طالما نشفت هاتشتغل عادي جدا
شكرا ليكوا بس هي عموما تجربه كويسه
أنا قبل كده غسلت باور سبلي و سبته كام ساعة ينشف وجربته مشتغلش
سبته بعدها يوم ينشف و اشتغل زي الفل أهو داخل في سنتين
فعلا اى حاجه اتغسلت مادام ماتكسرتش تسبها تنشف او تنشفها بمجفف شعر وكله بيشتغل الا لو خد خبطه جامده وحاجه اتكسرت فيه
حصلت معايا وكانت الفلاشة مش بتاعتي
كانت على ترابيزة السفرة
لميت المفرش حطيته في الغسالة من غير ماخد بالي منها
لاقيتها وانا باطلع الغسيل انشره
لطمت ( مع الاعتذار عن الفعلة لأنها حرام )
المشكلة انها مش بتاعتي لو بتاعتي في داهية لكن حاجة الناس لأ
صاحبتها الحمدلله نسيتها معايا بقالها شهور
ركنتها وبعدها بمدة طويلة ييجي شهر كدة قلت اجربها اشتغلت
تنفست الصعدااااااااااااء الحمدلله
طب ما ترجعى الامانة بدل ما هى لازقة فى ايدك كدةاقتباس:
المشاركة الأصلية كتبت بواسطة nonetta
:ma:
نفس الكلام حصل معايا و الفلاشة اتغسلت فى الغسالة جوه جيب القميص
انا قلت عليه العوض و بعدين لقيتها اشتغلت و كانت برضه كنج ستون
رنا يخلى لنا الحاج كنج ستون
لو كنت حطيتها و هي مبلولة في الكمبيوتر كانت اتحرقت
الفكرة انها بتتحرق ازاي لما جوة بيكون فيها جزيئات مية بتلمس البوردة الصغيرة كلها مع بعض فبيحصل انها بتتحرق
عشان كدة الموبايل كتير بيبوظ لما يقع في المية عشان البطارية بتكون جواه
لازم اول حاجة تتعمل اننا نفصل الكهربة
حصلت معايا و سبتها فى الشمس شوية و شغالة زى الفل :)
المنتدى كولو غسل الفلاشه اهى نضافه برضو
طيب انا موبيلى وقع فى الببانيو وهو مليان ميه و مشفتوش غير تانى يوم بس كان فاصل شحن و والله طلعتو و سيبتو على السفره 3 تيام من حزنى عليه بعد كده شحنتو و اشتغل فضلت ابوس فيه و الله
لو وقع في ميه بحر شيل البطاريه واغسله بميه نضيفه انقعه نقعه محترمهاقتباس:
المشاركة الأصلية كتبت بواسطة mohssenrashed
وبعد كده سيبه ينشف
او وديه لحد بتاع صيانه
انما و سيبته وكسلت انسي
مظبوط الكلام علشان الميه المالحه بتاكل البورده النحاساقتباس:
المشاركة الأصلية كتبت بواسطة shnory
اما الميه العاديه شيل البطاريه بس وحطه فى اى مكان فيه هوا مده طويله
فعلا ده اللي حصل موبيل اخويا و قع في البحر و شلت البطاريه بس مشتغلش و اول مره اعرف موضوع اغسله بميه نضيفه ده.:satelite:اقتباس:
المشاركة الأصلية كتبت بواسطة SHNORY