الموضوع: تجربتي مع غسل الفلاشه في الغساله

السلام عليكم
كنت نسيت يو اس بي فلاش ميموري كينج ستون في جيب القميص
واتغسلت في الغساله واتنشرت في الشمس ونشفت وبعدين اكتشفتها جوه القميص

طبعا انا فضلت راميها على جنب وخايف اجربها لحسن اول لما احطها في الكمبيوتر يطلعلي الحاج كينج ستون الكبير بنفسه ويقولي اني اغرق اغرق تحت الماء

بس اللي حصل انها اشتغلت عادي جدا وكل الملفات اللي عليها سليمه انا مبقتش مصدق نفسي

ومش عارف ايه السبب
1- هل الفلاشه ده ضد المياه ولا ايه
2- هل الغساله بتاعتنا بتضحك عالينا وبتلف منظر كده وخلاص

وكل غسله وانتم طيبين