الموضوع: لو عاوز تهرب من انك تروح زيارة عائلية تعمل ايه

دلوقتى انتوا عارفين طبعا العيد كل سنة و انتم طيبين .. و فى زيارات عائلية بيكون المفروض تعملها .. و أحيانا .. أو كتير .. بيكون فى زيارات مش عاوز تروحها.

خصوصا التجمعات العائلية اللى بيكتر فيها الناس .. و كمان فى الظروف اللى البلد فيها دلوقتى هتلاقى الفتي على ودنه .. و كل واحد له وجهة نظر بيحاول يفرضها .. و أنا مش هستحمل بصراحه.

و الموضوع مش هيأثر على صلة الرحم على فكرة.

فأنا عاوز فكرة تخلينى ما رحش بس بشكل شيك .. يعنى دوا مثلا يعمل أعراض كأن الواحد عيان .. أو أى فكرة تانية.

فى أى اقتراحات؟

المشاركة الأصلية كتبت بواسطة khaled ayman

فى واحد صاحبى دايما ينضرب بسكينه فى شارع ضلمه بروح ازوره فى المستشفى

هههههههه .. طيب ما تعرفنى عليه :-)

المشاركة الأصلية كتبت بواسطة elmkaneeki

نفض و كبر والى مش عاجبه الحيطة عنده

للأسف .. الدبلوماسية مطلوبة.

المشاركة الأصلية كتبت بواسطة no comment

يا اخى لحمة السنادى كلها شكلها مضروبة خرفان وبقر وجاموس وجمال ... الواحد ياكلها من هنا ومش عارف بطنه تقلب عليه ليه من هنا .. آآه يا بطنى .
ومتهيألى ان عندك القولون بتاعك تعبان شوية ومبيستحملش ... ده علشان محدش يقول اشمعنى انت اللى تعبت لوحدك من اكل اللحمة .

ده على أساس ان أنا لوحدى اللى أكلت من اللحمه :-)