-
العربية عطلت مني فاجئة !
سلام عليكم
كنت ماشي عادي جدا ع المحور بعربيتي نوبيرا 2
وفاجئه بعد ما خلصت المحور العربية بطلت جيت ادور مش راضية تدور وبسمع صوت تنفيس وسكه
فتحت الكونتاكت عشان المراوح تشتغل وبفتح الكبوت العربية مش سخنه خالص من قدام بس مفيش ولا نقطه مايه ف القربة .. وبصيت ع الزيت لقيته تمام
وفى دخنه بيضاء رهيبة من ورا ف الشكمان
استنيت شوية وبعد كدا قرصت عليها ف الدوارة دارت بس صوتها عالي اوي صوت سكسكه وتكتكه من الموتور والدخنه البيضاء مستمرة .. زودت مياه ف القربة وهي دايرة وبعد كدا قفلت القربة والعربية واستنيت ساعه ودورت لقيت نفس الصوت
قومت متصل بونش جيه ووصلت بيها البيت وركنتها تمام
تفتكروا الى حصل ده تلف جوان وش سلندر بس ولا صبابات كمان عشان الصوت ده ولا ايه ؟؟؟
-
اعتقد كدا الماتور قفش
هتبان الاضرار اما تفك الماتور
ورينا يعينك
-
أقل تقدير جوان
ممكن توصل لأن الوش نفسه قفع
والسبب انك دورتها مافيهاش مية وهي سخنة جدا
وكمان حطيت مية
-
غالبا هتقشط الوش
وابقى اعمل رودية بالمرة
-
اكيد هايبقى الوش
بس الدخنه دى سببها كاوتش الصباب
-
بص على الزيت... لو محروق و مفيهوش لزوجة يبقى المكنة الله يرحمها
لو كويس يبقى المشكلة جوان الوش و احتمال يكون الوش قفع
MMamdouh
-
العربية بتتعبني جدا على ما تدور
وبتعمل صوت زي صوت فرقعه بعد ما تدور وبتبطل علاطول
والصوت بتاع الموتور عالي جدا .. ده مش صوت جوان ابدا .. الصوت عالي اوي وفى صوت حاجه زي ما بتكون بتتكسر جوا صوت تخبيط متستحملوش
الزيت لزوجته تمام ومش ناقص
والمايه بتختفي علاطول مع التدوير والعربية تدور كام ثانية وتفصل المايه بتتشفط مش عارف بتروح فين ؟؟
-
ماتحاولش بقي تدور العربية وتمشي بيها ..... خلى الميكانيكي بتاعك يشوفها عشان الموضوع ميكبرش
-
غالباً جوان وش سلندر
واحتمال ضعيف الكاتينة هربت سنة وخلفت تقسيمة وعملت المشاكل دي كلها بس نقص المياه في الحالة دي يبقي عيب تاني
Content Relevant URLs by
vBSEO 3.6.0 PL2