هوه في حاجه اسمها اثبت الفاميه ع الرخصه ؟

دلوقتي انا كنت مفيم تقريبا من بعد الثوره وكنت مفيم درجه خفيفه ( مش عارف اسمها ايه ) بس هيه اقل من الدارك و بتبقي مبينه اللي جوه
بس شكلها وهم
وكمان في الصيف بتحمي من الشمس و بتظبط مع التكييف

المهم

دلوقتي اللجان رجعت تشد تاني والمرور رجع يرخم اكتر من الاول
ودخلت مره ع اللجنه وانا منزل الازاز فالظابط قالي ارفع الازاز فقلتله فاميه :ma: فخد الرخص وقالي يا تشيله يا اخد الرخص واعملك مخالفه فشيلته وخدت الرخص ومشيت
وقبل ما امشي سالته هيه ملهاش حل قالي اثبته ع الرخصه زي ما الناس بتعمل
وبعديها بشويه لقيت كمين كمان فنزلت سالت الظابط قولتله هوه لو انا عاوز افيم وميبقاش فيها مشكله ازاي ؟ قالي برضه شوفلك حد يثبتهولك ع الرخصه

وبرضه

في ناس كتير قالولي الناس كلها بتثبته ع الرخصه عادي ... وفي ناس اكتر قالولي ده كلام ومفيش حاجه اسمها العربيه نازله من غير فاميه ويتثبت ع الرخصه

فانا كنت عاوز اسال في بجد حاجه اسمها اني اثبت الفاميه ع الرخصه ؟ وازاي ؟
وعربيات مصر دلوقتي معظمهم مفيمين وسوبر دارك كمان ازاي ؟ وبيعملوا ايه في اللجان ؟
في حد فيكوا انتم مفيم ؟ وبيعمل ايه في اللجنه ( وبصراحه ) ؟
وحد مشي في طريق اثبات الفاميه ع الرخصه ده ولا لاه ؟

معلش لو صدعتكوا بس الموضوع ده مهم جدااااااااااا جدااااااااااااااابالنسبال ي

بيتثبت علي الرخصة
بس عاااايز وااسطة في المرووووور
وانا مفيم وماشي بية وانا ونصيبي

واحد فى المرور كان قالى لو ستاير اثبتهالك على الرخصه وكان هياخد 300 جنيه لاكن فاميه مش نفع باين عايز حد تقيل وانا مفيم قدام ومركب ستاير ورا وادخل الكمين وانا منزل الزجاج عادى ومش حصل حاجه لحد دلوقتى الحمد لله

بسم الله الرحمن الرحيم
بيتثبت
و بيتكتب فى الراخصة (( زجاج ملون )) بس بتكون بخط اليد مش كمبيوتر

هي المشكلة في انا سمعت دى

انا برضه سمعت من واحد سمع ان الفاميه بقي بيتثبت علي الرخصه دلوقتي عادي ...
هل ده حقيقي للعربيات الي مفيهاش زجاج ملون

لازم يكون العربيه زجاج ملون فابريقه او واسطه كبيره.

انا عندي في التيريوس مكتوب زجاج خلفي ملون و مكتوبه باليد.

متابع متحمس :satelite:

صعب جدا الفامية يتثبت الا لو كان فابريكة او انت ظابط
والظابط كمان مابيثبتهاش دي بتكون مجاملات يعني هيسحب رخصة ظابط والصراحة
مشفتش حد مركب فاميه وثابته نهائي بينما الستائر عادي وانا ثابتها على الرخصة

قريبي كان ثابت في الرخصة ستائر خلفية . كانت ب 500 جنية
بخصوص الفامية انا بشوف ناس بتعرض عربيتها للبيع وبيكون الفامية مثبت علي الرخصة فعلا وهي عربيات مفيهاش فامية اساسا .

انا كنت بشتري بي ام من اسبوع كدة وصاحبها ظاابط
وقالي لو عايزني اثبتهوولك مافيش مشكلة

اقتباس:

---

المشاركة الأصلية كتبت بواسطة magyver

بيتثبت علي الرخصة
بس عاااايز وااسطة في المرووووور
وانا مفيم وماشي بية وانا ونصيبي

---

وحضرتك تعرف حد ثبته ع الرخصه ؟ ولا برضه بتسمع زيي

اقتباس:

---

المشاركة الأصلية كتبت بواسطة eldell

واحد فى المرور كان قالى لو ستاير اثبتهالك على الرخصه وكان هياخد 300 جنيه لاكن فاميه مش نفع باين عايز حد تقيل وانا مفيم قدام ومركب ستاير ورا وادخل الكمين وانا منزل الزجاج عادى ومش حصل حاجه لحد دلوقتى الحمد لله

---

انا بعمل الحركه دي علطول .......... فيقولولي ارفع الازاز

اقتباس:

---

المشاركة الأصلية كتبت بواسطة ahmedzizo131

بسم الله الرحمن الرحيم
بيتثبت
و بيتكتب فى الراخصة (( زجاج ملون )) بس بتكون بخط اليد مش كمبيوتر

---

وحضرتك تعرف حد ثبته ع الرخصه ؟ ولا برضه بتسمع زيي

اقتباس:

---

المشاركة الأصلية كتبت بواسطة haitham10

هي المشكلة في انا سمعت دى

انا برضه سمعت من واحد سمع ان الفاميه بقي بيتثبت علي الرخصه دلوقتي عادي ...
هل ده حقيقي للعربيات الي مفيهاش زجاج ملون

---

علشان كده انا بسال دلوقتي ....

اقتباس:

---

المشاركة الأصلية كتبت بواسطة al_manara

بخصوص الفامية انا بشوف ناس بتعرض عربيتها للبيع وبيكون الفامية مثبت علي الرخصة فعلا وهي عربيات مفيهاش فامية اساسا .

---

مانا نفسي اعرف ازاي بقي ؟

اقتباس:

---

المشاركة الأصلية كتبت بواسطة magyver

انا كنت بشتري بي ام من اسبوع كدة وصاحبها ظاابط
وقالي لو عايزني اثبتهوولك مافيش مشكلة

---

هوه رتبته كبيره ولا لسه ظابط صغير ؟

هى بترجع من مرور لامرور يعنى في مرور ترش فية تعمل الي انت عايزو وفي مرور بيبقي بيرخم ويحطلك العقدة ف المنشار
وانت ونصيبك ولسانك الحلو او وسطة من الاخر

فكرتنى نزلت مصر بعربيتى وكنت مفيم 02 4 ابواب والقزاز اللى ورا واللى قدام 01 وكنت واخد تصريح من مرور الناصريه بكده فى السعوديه طبعا
قابلتنى لجنه وكنا فى شهر 6 قالى انت مفيم قلتله اه قالى رخصك ادتلو رخصة الجمرك ورخصه دوليه لان رخصتى المصريه ضايعه
قالى وكمان رخصه دوليه قلتله اه فيها حاجه راح مدينى الرخص ومشينى مش عارف ليه لحد الوقت

ياريت اى حد سابت الفاميه على الرخصه يصور الرخصه ويورينى مكتوبه ازاى وانا عندى الحل

اقتباس:

---

المشاركة الأصلية كتبت بواسطة amrspeed

ياريت اى حد سابت الفاميه على الرخصه يصور الرخصه ويورينى مكتوبه ازاى وانا عندى الحل

---

ايه هتزورها زي فيلم ابن القنصل ؟

بمنتهى البساطة هي بتتكتب في المرور قبل مرحلة تغليف الرخصة بالبلاستيك
وتتكب بخط اليد عادي في اي مكان في اعلى الرخصة سواء على اليمين او الشمال

على فكرة لو العربية متفيمة يعنى مش ازاز غامق اصلى وعرفت تثبتها فى الرخصة باى طريقة
من حق الظابط سحب الرخص برده لانها مش فابريقة وهنا بقت المشكلة اكبر
وممكن ساعتها يحولك فحص فنى و يعملك قضية فيها
لان الرخص بيتكتب فيها زجاج ملون او فيمية فابريقة

اقتباس:

---

المشاركة الأصلية كتبت بواسطة amrspeed

ياريت اى حد سابت الفاميه على الرخصه يصور الرخصه ويورينى مكتوبه ازاى وانا عندى الحل

---

ايه بقي الحل ؟

اقتباس:

---

المشاركة الأصلية كتبت بواسطة m.elwan

على فكرة لو العربية متفيمة يعنى مش ازاز غامق اصلى وعرفت تثبتها فى الرخصة باى طريقة
من حق الظابط سحب الرخص برده لانها مش فابريقة وهنا بقت المشكلة اكبر
وممكن ساعتها يحولك فحص فنى و يعملك قضية فيها
لان الرخص بيتكتب فيها زجاج ملون او فيمية فابريقة

---

انا سمعت برضه الحوار ده بس مش مهم ... نشوف الاول بينفع يتثبت ولا لاه وبعد كده مفيش مشكله
ودلوقتي لو مثبوت فيها فاميه حتي لو انت ثابته واسطه معتقدش ان الظابط هيعمل فيها ال 7 رجاله .. بتهيالي هيعديك ويشوف غيرك يرخم عليه

انا ف مره اخدت مخالفه سرعه وف نفس الوقت واحد معاه كارينز واقف قبلى سمعت الظابط بيقوله مخالفه سرعه وفاميه قاله لا الفاميه مثبوت قاله خلاص سرعه بس .. اللى لفت نظرى ان صاحب الكارينز واحد عادى والنمر عاديه ومش متعلق عليها اى لوجو

اقتباس:

---

المشاركة الأصلية كتبت بواسطة bahy55

انا ف مره اخدت مخالفه سرعه وف نفس الوقت واحد معاه كارينز واقف قبلى سمعت الظابط بيقوله مخالفه سرعه وفاميه قاله لا الفاميه مثبوت قاله خلاص سرعه بس .. اللى لفت نظرى ان صاحب الكارينز واحد عادى والنمر عاديه ومش متعلق عليها اى لوجو

---

الكارينز فى منها بينزل فاميه فبريكه ومعانا هنا شهدى معاه كارينز ومثوت على الرخصه فاميه فبريكه

ربنا يرحمنا برحمته في البلد الجميلة دي...فيها ايه يعني لو يسمحوا باقل درجة فيميه اهي تدي خصوصية شوية وتكسر حدة الشمس في الصيف بدل ما الواحد بيتبهدل كده.....مش الفيميه التقيل المستفز اوي ده مع احترامي للناس كلها يعني.........وانا من كام يوم كنت داخل لجنة لقيت صف طويييييييل عربيات متفيمة واقفة...وشباب كتير واقفين...وفي وسط ده كله عربية متفيمة سوبر دارك معدي زي الباشا .....حسبي الله ونعم الوكيل...يعني نفس الشغل اللي قبل الثورة رجع تاني.....اما عربيتي فانا برده عامل ستاير ورا وفيميه خفيف جدا قدام عشان حدة الشمس بس في الصيف واهو ربنا بيسترها مع انهم بدأو يرخموا عالستاير كمااااااااان اما حكاية اني اثبتها دي ناس قالتلي لو كتبها بخط الايد ممكن الظابط يقطعهالي ......وفي الاخر الحمد لله ان احنا راكبين عربيات احسن من ناس كتير مش معاها...الحمد لله....ةاسف علي الاطالة

اقتباس:

---

المشاركة الأصلية كتبت بواسطة amrspeed

ياريت اى حد سابت الفاميه على الرخصه يصور الرخصه ويورينى مكتوبه ازاى وانا عندى الحل

---

وديه هتعمل فيها ايه؟؟؟

الظابط كان صغير كان نقيب او ملازم بااين حاجة من الاتنين

طب من الاخر يا رجالة مين هيجيبلنا النهية بتاعت الموضوع ده .... ازااااي ؟؟؟
وسؤال كده هل في درجة من الفامية يسمح بيها المرور ٣٠٪ انا سمعت ولا فاكس ؟

اقتباس:

---

المشاركة الأصلية كتبت بواسطة mohssenrashed

لازم يكون العربيه زجاج ملون فابريقه او واسطه كبيره.

انا عندي في التيريوس مكتوب زجاج خلفي ملون و مكتوبه باليد.

---

انا كمان عربيتى تيريوس نازل فيها ومثبوت فى البيانات
بس مكتوب عندى زجاج فاميه فابريقه مطبوعه مش باليد
ممكن تقولى الصيغه اللى عندك ايه بالظبط ؟؟؟

اقتباس:

---

المشاركة الأصلية كتبت بواسطة ramyhekal

انا كمان عربيتى تيريوس نازل فيها ومثبوت فى البيانات
بس مكتوب عندى زجاج فاميه فابريقه مطبوعه مش باليد
ممكن تقولى الصيغه اللى عندك ايه بالظبط ؟؟؟

---

مكتوب باليد زجاج خلفي ملون

ثوانى برفع ظهر الرخصه

___________________ http://im15.gulfup.com/2011-11-12/1321097056741.jpg

اقتباس:

---

المشاركة الأصلية كتبت بواسطة mohssenrashed

مكتوب باليد زجاج خلفي ملون

---

ياريت يا باشا لو ممكن ترفعلنا ظهر الرخصه

اقتباس:

---

المشاركة الأصلية كتبت بواسطة Hikayat

ياريت يا باشا لو ممكن ترفعلنا ظهر الرخصه

---

أتفضل ياباشا

http://www.nileup.com//uploads/image...de88eb9fee.jpg

متابع لو فيه حل سواء اثبت الستاير او الفاميه

اللي سمعته بردو انك ممكن تثبتها بشهادة طبية انك عندك مشكلة من الشمس و بتتعمل من مرور الدراسة بناء على الشهادة دي بس ايه التفاصيل مش عارف

فى حل اغلى شوية انك نجيب زجاج فيمية فابريقة استيراد او من جريش مثلا بس يكون موديل عربيتك متوافر ليه الموضوع ده
يبقى كده الموضوع خلص لانك ممكن ساعتها تعمل طلب فحص وتثبته على الرخصة ولو معملتش كده برده محدش يقدر يديك مخالفة

الحقيقية المفيدة عشان تبقو فاهمين

الفامية تقدر تثبتو علي الرخصة .. لكن الموضوع مش شرعي

لو انتا ليك واسطة (ظابط - نقيب ) .. بياخد منك 500 - 700 جننية لوكيل النيابة وبيكتبلك زجاج ملون بخط الايد جوة الرخصة

لو انتا ليك واسطة (نقيب - رائد ) جوة المرور تبعك .. بياخد منك 1000 - 1500 جنية وبيكتبلك زجاج ملون بالكمبيوتر علي الرخصة

بالنسبة للرخامة : لما تدخل جميل لازم تبقي عارف انك عامل حاجة غلط وتتكلم بأدب واحترام مع الناس لأن ببساطة الظابط الي هيمسك الرخصة هيبقي فاهم الي فيها فا لو انتا عشت في الدور هيقولك

مش متحدد زجاج ملون (خلفي ولا امامي - ولا بالكامل ) + ان زجاج ملون (يعني الازاز الي متلون ) مش فامية ويشيلهولك ويدفعك غرامة او يسحب الرخصة ومش هتقدر تقولو حاجة

يعني احتمال 15 % يبقي في رخامة من الظباط المنفسنين

كلام زى الفل يامعالي الباشا

انا فى عربيه والدى مكتوب فى السيراتو زجاج فاميه فبريكه جانبى وخلفى
بس هى جايه زجاج ملون ومكتوب فى الافراج الجمركى بتاعها كدا وفى شهاده البيانات كمان

اسمعو بقى الفكرة الجاحدة دى
انا بقى مفيم من قبل الثورة ولغاية انهاردة كل ما بعدى على كمين محدش بيكلمنى وحتى لو حد رخم برضو فى الآخر بيعدينى مع العلم انى مفيم سوبر دارك
كل اللى عليك يا معالى الباشا انكك بعد ما تفيم تقطع حوالى 3 الى 5 سنتيمتر من الفامية داير ما يدور .
اولا شكلها اشيك
ثانيا هتوصل لنفس درجة الخصوصية من الفامية يعنى مش هتأثر كتير
ثالثا كل ما حد هيوقفك هتعمل زيى وتقوله بعد اذن حضرتك انا حاططها شماسات مش على انها فامية وابتسامه جميلة وهتعدى :)
وابقو ادعولى

اقتباس:

---

المشاركة الأصلية كتبت بواسطة next_academy

اسمعو بقى الفكرة الجاحدة دى
انا بقى مفيم من قبل الثورة ولغاية انهاردة كل ما بعدى على كمين محدش بيكلمنى وحتى لو حد رخم برضو فى الآخر بيعدينى مع العلم انى مفيم سوبر دارك
كل اللى عليك يا معالى الباشا انكك بعد ما تفيم تقطع حوالى 3 الى 5 سنتيمتر من الفامية داير ما يدور .
اولا شكلها اشيك
ثانيا هتوصل لنفس درجة الخصوصية من الفامية يعنى مش هتأثر كتير
ثالثا كل ما حد هيوقفك هتعمل زيى وتقوله بعد اذن حضرتك انا حاططها شماسات مش على انها فامية وابتسامه جميلة وهتعدى :)
وابقو ادعولى

---

كل اللى عليك يا معالى الباشا انكك بعد ما تفيم تقطع حوالى 3 الى 5 سنتيمتر من الفامية داير ما يدور
معلش يا باشا دة ازاى بالضبط 3 سنتى منين ؟؟

مش فاهم ازاي تقطع 3 او 5 سم

كل الصيغ الشفتها بعيني على رخص البى ام دبليو و مكتوبه كمبيوتر
زجاج جانبي و خلفى غامق
ستائر فبريكة
زجاج ملون
زجاج ملون فابريقه
زجاج فاميه فابريقه

و كل دول على الورا بس ,
انا عربيتى كانت مكتوبه على الرخصه "زجاج فاميه فابريقه" و اتسحبت علشان الازاز القدام عملتو , و قالى مفيش تصالح فورى كان ديسمبر 2009 , الفاميه رخم و بيخلى العين عليك و كل لجنه واقف على جنب و تحت الشبهات ,, موضوع الاثبات , فى ورقة بتجبها قبل ما تروح ترخص الورقه دى بيانات العربيه كلها فى خانه الملاحظات اى واحده من دول مكتوبه هتطبع كمبيوتر " ,, لو حاولت تكتبها انت و لون القلم غير لون قلم الموظف و هما الاتنين ازرق بس فرق خط او درجات يعتبر تزوير