الموضوع: عاوز وصفة سهلة من رجالة المنتدى

اشكر حضرتك جدا بس بالنسبة لحديقة الحيوان : ما الافضل : ادخل يمين بعد المؤسسة واطلع المظلات وهكذا حتى اصل الى حديقة الحيوان ام اطلع الدائرى؟؟ وهل علشان اروح الدائرى لازم من الطريق الزراعى؟

تخريمة جديدة عرفتها من جوجل ايرث وبقيت باروح التحرير بالعربية فى ساعة زمن بدل ماطلع الدائرى والف من شبرا
امسك طريق بلبيس القاهرة الزراعى لغاية ماتجيب اخره عند تقاطع ترعة الاسماعيلية بالنيل
هتلاقى كوبرى قاطع ترعة الاسماعيلية فى اتجاه التحرير اطلعه وخليك فى وشك لفاية ماتوصل كوبرى الجامعة اطلعه هتنزل منه هتلاقى نفسك قصاد حديقة الحيوان
بالبلدى هتمسك ترعة الاسماعيلية لغاية اخرها ولما تخلصها هاتمسك كورنيش النيل لغاية كوبرى الجامعة(تقريبا خامس كوبرى)...وصفة سهلة ولذيذة
هو عموما اول ماتقابل كوبرى قصر النيل وتشوف الاسدين تعدى من تحته هيبقى كوبرى الجامعة هو اللى بعده على طول :)

المشاركة الأصلية كتبت بواسطة car's sniper

تخريمة جديدة عرفتها من جوجل ايرث وبقيت باروح التحرير بالعربية فى ساعة زمن بدل ماطلع الدائرى والف من شبرا
امسك طريق بلبيس القاهرة الزراعى لغاية ماتجيب اخره عند تقاطع ترعة الاسماعيلية بالنيل
هتلاقى كوبرى قاطع ترعة الاسماعيلية فى اتجاه التحرير اطلعه وخليك فى وشك لفاية ماتوصل كوبرى الجامعة اطلعه هتنزل منه هتلاقى نفسك قصاد حديقة الحيوان
بالبلدى هتمسك ترعة الاسماعيلية لغاية اخرها ولما تخلصها هاتمسك كورنيش النيل لغاية كوبرى الجامعة(تقريبا خامس كوبرى)...وصفة سهلة ولذيذة
هو عموما اول ماتقابل كوبرى قصر النيل وتشوف الاسدين تعدى من تحته هيبقى كوبرى الجامعة هو اللى بعده على طول :)

هى وصفة فعلا شكلها سهل واشكر حضرتك عليها بس هو فين طريق بلبيس القاهرة الزراعى . انا اللى اعرفه طريق الزقازيق بلبيس القاهرة الصحراوى وايه اخبار الطريق دا اللى حضرتك وصفته من حيث الامان والمطبات وهو كام كيلو من الزقازيق حتى القاهرة بالطريق دا ؟ربنا يكرمك ارجو شرحه بالتفصيل يعنى لما اطلع من الزقازيق هعدى على مراكز ايه فى طريقى لغاية ما اوصل لايه علشان اعرف انى ماشى صح وجزاك الله خير

المشاركة الأصلية كتبت بواسطة alsharkawy

هى وصفة فعلا شكلها سهل واشكر حضرتك عليها بس هو فين طريق بلبيس القاهرة الزراعى . انا اللى اعرفه طريق الزقازيق بلبيس القاهرة الصحراوى وايه اخبار الطريق دا اللى حضرتك وصفته من حيث الامان والمطبات وهو كام كيلو من الزقازيق حتى القاهرة بالطريق دا ؟ربنا يكرمك ارجو شرحه بالتفصيل يعنى لما اطلع من الزقازيق هعدى على مراكز ايه فى طريقى لغاية ما اوصل لايه علشان اعرف انى ماشى صح وجزاك الله خير

طريق بلبيس القاهرة هو هو طريق الاسماعيلية القاهرة الزراعى اللى على ترعة الاسماعيلية
حضرتك هتطلع من الزقازيق فى اتجاه بلبيس هيقابلك فى الطريق كوبرى بردين اللى فوق المزلقان هتطلعه وهتفضل ماشى على طول لغاية ماتلاقى الحصان اللى على اول بلبيس والطريق عنده هينفصل يمين وشمال حضرتك هتخليك شمال لغاية ماتلاقى الكوبرى العلوى اللى فى اخر بلبيس اللى بيعدى ترعة الاسماعيلية ماتطلعوش وادخل يمين هتلاقى نفسك على ترعة الاسماعيلية هو ده طريق بلبيس القاهرة الزراعى ومنه للقاهرة وهتعدى على مسطرد بعد 50 كيلو تقريبا وحضرتك ممكن تتابع بسؤال اى حد على "مسطرد" اللى هى تعتبر اول القاهرة من ناحيتنا
المطبات زى اى طريق زراعى ...ييجى 10 او 11 مطب
وممكن حضرتك تروح بطريق بلبيس القاهرة الصحراوى بس هيبقى ابعد وارخم
وده بدل ماتعدى من تحت الكوبرى العلوى بتاع بلبيس هتطلعه وتخليك فى وشك لغاية ميدان الطيارة هتدخل الكارتة ومنها عالقاهرة وبعدين طريق صلاح سالم تفضل ماشى فيه كتير لغاية ماتلاقى مطلع كوبرى اكتوبر(العلامات الارشادية بتساعد جامد) ومنه للكورنيش بس هتلاقى الكوبرى فى جزء منه انقسم يمين وشمال حضرتك هتمسك شمال لغاية ماتشوف فندق رمسيس هيلتون واضح انزل نزلته
بس الافضل هو الطريق الزراعى وبالنسبة للامان فبصراحة انا لسة راجع امبارح منه الساعة 1 بالليل بس كنت لوحدى عالطريق :)
انا عارف ان حضرتك هتستصعب الموضوع بس هو اسهل مما تتخيل
اول ماحضرتك توصل بلبيس اسأل على طريق القاهرة"الزراعى" وامسك ترعة الاسماعيلية لغااااااية اخرها هتلاقى اخر الطريق بيعدى من تحت كوبرى ولافف يمين..حضرتك حاول ماتعديش من تحت اخر كوبرى وتدخلّه من على يمينه هتمشى شوية مع نزلته ومن اول يوتيرن فى الطريق ادخله عشان ترجع و تطلع الكوبرى دا وبكدة حضرتك هتكون على كورنيش النيل امسك يمين فى اى تقاطعات لغاية ماتشوف ماسبيرو يبقى كدة حضرتك وصلت وسط البلد كمل طريقك هتعدى من تحت كوبرى اكتوبر وبعدين من نفق تحت كوبرى قصر النيل والمفروض حضرتك تعدى النيل من اول كوبرى ييجى قصاد حضرتك بعد كدة اللى هو كوبرى الجامعة ومنه على حديقة الحيوان
وان شاء الله يكون يوم سعيد علي حضرتك وعلى الاسرة الكريمة

بجد شرح اكتر من ممتاز واشكرك عليه يا استاذ محمود (car's sniper ) ( قناص السيارات) ههههه وان شاء الله بعد ما هجرب الطريق دا هوصفه لناس كتير واعتقد المسافة كده حوالى 90 كيلو لان من الزقازيق الى بلبيس 25 كيلو ومن بلبيس لمسطرد 50 كيلو ومن مسطرد لحديقة الحيوان الله اعلم ممكن 15 كيلو ولو غلط صححلى ومن باب العلم بالشئ هل فى طريق دائرى من عند مسطرد وايه ظروفه ؟