محتار في شراء كراسي جديدة لعربيتي اللادا
السلام عليكم ورحمة الله وبركاته
أنا زهقت من الكراسي بتاعة العربية وكنت عاوز اغير شوية فيها .
انا قولت الأصح اني أشتري كراسي ماركة نظيفة بس مش عارف الأسعار ايه نظامها
أنا مش عاوز حاجة سبورت بطريقة أوفر قوي ... ولا عاوز حاجة كلاسيك عالآخر
و عاوز افهم حاجة .. هوه الكراسي الي هأجيبها هأحتاج افك المزلاجات بتاعة الكراسي العادية بتاعتي و ألحم المزلاجات بتاعة الكرسي الجديد ولا في أساسا مكان Standard في كل العربيات لتركيب الكراسي أيا كان نوع المزلاجات ولا الموضوع ده مش ثابت ...
و عاوز اعرف المفروض اعمل حسابي في ميزانية قد ايه بشكل تقريبي كده ... وعاوز أعرف نصائحكم عموما فالموضوع ده
وكل سنة وحضراتكم جميعا بألف خير
واعذروني على الإطالة