عرض للطباعة
Dennis Ritchie
Dennis Ritchie - Wikipedia, the free encyclopedia
الشخص اللي اخترع ال C Programing language اللي من غيره مكنش هيبقي فيه ويندوز ولا لينكس ولا ماك ولا اي حاجه
من غير ستيف جوبز مكنش هيبقي فيه اي فون ولا لابتوبات غاليه وشوية تكنولوجيا حلوه لكن من غير Dennis Ritchie مكنش حتي هيبقي فيه ستيف جوبز
الراجل ده مات في نفس الشهر اللي مات فيه ستيف جوبز وقلة قليله عرفت بموته مع انه اهم بكتييييييييييير من جوبز واللي عمله
بس نقول ايه بقي - دنيا بتاعة ايفون صحيح
شكرا يا باشا علي الموضوع
بس هي السي كانت تطوير للكوبول و لغات تانيه قديمه
احتمال اكون ناسي بس محدث يقدر ينكرc procedure lang. و تاثيرها علي كل التطبيقات اللي بنستعملها دلوقتي
ال c هي ام الللغات والجافا والسي شارب ماهو الا تطوير ليها ومن غيرها بصراحه الدنيا كانت هتبقي متغيره تماما من كمبوتر لموبايلات لنت لكل حاجه في حياتنا دلوقتي
ستيف جوبز صاحب قصه كفاح ونضال طويلة ... شاب بلا اهل وبلا تعليم ... فهو مثال للشباب فى الكفاح وتحقيق الاحلام مع صعوبه الدنيا وعلى فكرة هو عمل حاجات كتير مش موضوع حاجات غاليه وخلاص
دة غير ان ال c هي تطوير للغات برمجة قديمة . يعني البرمجة كانت موجودة قبلها
زي باسكال مثلا والكوبل والبيزك وحاجات تانية .
متفق معاك في كل حاجة قلتها.اقتباس:
المشاركة الأصلية كتبت بواسطة shaddadfalcon1
الراجل ده Dennis Ritchie أهم وأعظم من ستيف جوبز. عالم بمعنى الكلمة مش مجرد رجل أعمال بعقلية تسويقية بتخاطب المنظرة اللي عند الناس.
سر نجاح آبل وستيف جوبز هو استهداف شريحة معينة من السوق.
أجهزة شكلها حلو وغالية وتحب تشتريها لأنها موضة وشيك.
المهم ... ستيف جوبز كان شخصية فيها سلبيات كتير ورغم ذلك بقى عند ناس كتير اسطورة.
1) الراجل ده ملياردير ورغم ذلك وقف كل الأعمال الخيرية لشركة آبل سنة 97. ومعروف عنه انه مش رجل خير ... بعكس بيل جاتس اللي بيصرف مليارات على مشاريع خيرية.
2) عنده بنت (خارج اطار الزواج) مرداش يعترف بيها.
3) حلف انه هيحارب لآخر نفس فيه ولآخر قرش من فلوس آبل عشان يدمر نظام آندريود من جوجل. بحجة ان نظام آندريود سرق الأفكار من نظام أيفون. المفارقة ان شركة آبل سرقة أفكار كتير من شركات تانية ومنها فكرة واجهة المستخدم الرسومية GUI ... سرقها من شركة زيروكس (شركة ماكينات التصوير المشهورة).
4) شركة آبل ليها ممارسات تحكمية (بتتحكم في حرية المستخدم في استخدام منتجاتها).
يعني راجل في جدل حولين ممارساته الأخلاقية. ومع ذلك فهو اسطورة عالم التكنولوجيا عند معظم الناس ... كل ده عشان شركته بتنتج لعب حلوة :)
ايه ده؟ هو كلامي قلب شتيمة في ستيف جوبز بدل ما يكون مدح في دينس ريتشي كده ليه؟
عموما ... دينس ريتشي يستحق التقدير.
رايك يحترم جدا بالرغم من اني مش بحب اجيب في مساويء حد وخصوصا لما يكون ميت بس انا كل اللي نفسي فيه ان الناس تنزل العلماء منازلهماقتباس:
المشاركة الأصلية كتبت بواسطة itsonlyme