الموضوع: اثنين حينفصلوا او بمعني اوضح حيطلقوا بسبب.......

بالنسبة لنقطة بخيل دة والله كدب اللي ابعد الحدود
لما يجي عليهم نهاية الاسبوع وتكون زهقانة وعايزة تخرج بيخليها هي تحدد اي مكان مفسها تروحة في مصر مهما كان يتعشوا او يتغدوا فية مثلا وبتكون عزومة شيك جدا وعندي امثلة كتير لاماكن لا داعي من ذكرها وبتتكلف حوالي 200 جنية ليهم وبعد كدة يدخلوا سينما في افضل مكان برضو يعني ممكن في يوم دة يصرف 300 جنية عادي جدا بالشكل دة والموضوع دة مش مرة وعدت دة متكرر باستمرار ومفيش مرة واحدة من اول جوازهم حبيت تخرج ورفض بالعكس بيقولها اختاري تحبي تروحي فين وملكيش دعوة بحاجة واحيانا تقولة ان اللي حعزمك يرفض ويقولها لا فلوسك ليكي وشجعها مثلا انها تحوش مرتبها وفتح ليها حساب في البنك , مفيش عندهم مصروف للبيت نهائي بيجيبوا كل اللي نفسهم فية مهما كان وفي اخر الشهر يصرف ذي ما يصرف ,كل يوم بوديها شغلها رغم انة ممكن يوصلها لمحطة مترو لكن بتصعب علية وبيوديها لحد باب الشغل ,الحاجة الوحيدة اللي صممت عليها انها تشيل مصارفها الخاص وهو رفض لكنها اصرت بشدة فسبها ولكن هو معندوش مانع يتكفل بكل مصاريفها الخاصة ,وكمان هيا اصلا مرتبها ما شاء الله حوالي الفين جنية , حتي اهلها قالوا لة خليها تشارك معاك وهو رفض وقال ان مش بحب ابص لفلوس مراتي ودي فلوسها ,قالها اختاري اي مستشفي في مصر تحبي تولدي فيها وهو حيولدها فيها مهما كانت تكلفتها ,يعني عيشين عيشة كويسة جدا جدا جدا بالنسبة انهم لسة شباب في مقتبل العمر وعايشة كدا , يوم عيد ميلادها جبلها موبيل 1500 جنية وهي اللي اختارتة مش هو , كل عيد بيديها 400 جنية عيدية , مش عارفة بقي تفتكري انة بخيل معاها.
بالنسبة لموضوع انة يتكلم معاها برة هو اتكلم معاها في كل شي قبل كدة وهيا رفضت وشرح كل وجهة نظرة .
علشان كدا في ناس شاهدين علي كل دة ومنهم انا قلنا لة انها تكفر بالعشير كما قال رسولنا الحبيب في بعض النساء , وكل الكلام دة قالوا لزوج اختها بالتفصيل وعلا الملاء كدا وهو فهمة كويس وقدرة.

اهلها وهيا كمان مصصمين انه لازم يطلع ويكلموة في تفاصيل المشكلة وهو مضايق جدا من اهلها لانهم بدل ما يقولوا ليها ارجعي بيت زوجك وصفوا الامور بينكوا بيعملوا العكس وبيخلوها متروحش غير لما لازم يطلع لبيت اهلها ويهجموة وهو علشان بيحترم الكبار بيسكت ومش بيقدر يرد عليهم وعلشان كدة هو رافض رفض قاطع انة يتكلم مع اهلها في اي حاجة وقال لمراتة ان علشان بحبهم مش عايز اتكلم معاهم في المشكلة علشان مشلش منهم في نفسي اكتر من كدة ,وهيا برضو,مفيش فايدة , قالها طيب تعالي نروح بيتنا ومنتكلمش في المشكلة دي خالص ولا كانها حصلت وخلاص برضو رفضت , وفي,الاخر اختها قالت لة لو مجتش واتكلمنا معاك حنروح البيت وحناخد هدومها وحتقعد عندنا وحتابع حملها عادي وحتولد عادي , يعني بتهددة فقالها طريقة لوي الدراع دي وحشة وبراحتكوا اعملوا اللي انتوا عيزينوا , المهم ان اساس,المشكلة تافهة جدا والمشكلة انها بتسمع,كلام اهلها في كل حاجة وبالتالي بتتخانق مع جوزها علي هذا الاساس ومهما قالها البيوت ليها حرمة ومتحكيش كل حاجة مفيش فايدة

موقف صعب جدا الصراحه

هو لما اتكلم مع اختها و جوزها مستشفش بيت اهلها موقفه ايه من المشكله دي
في نقطه انا بلاحظها في الحوامل عموما انهم عايزين معامله خاصه لانهم بيبقوا عصبيين جدا
و لو كل راجل وضع نفسه مكان مراته او العكس عمر مهيحصل مشاكل ابدا
انا رايي يصبر عليها و يتكلم مع الاب مباشره و كان في فرصه في العيد انه يزورهم من باب ان احنا في عيد و موده و كده و يحسس الناس انه راجل بيعرف في الاصول و برضه راجل مينفعش ينقاد لاهواآ او نزوات عابره و انه اعقل و اكبر من المشاكل دي بكتير