عرض للطباعة
طبعا عربيتى الحمد لله تعتبر لسه زيرو وهاى لاين بس خالى عاوز يبيع عربيته الباسات 2007 وعامله 90000 كم وبصراحه محافظ عليها جدا جدا بس لازم يغيرها عشان الشركه عنده يتشترط ان العربيه معديش عليها 5 سنين
المهم أيه رأيكو يا شباب ؟؟ عربيتى الشارك ذهبى هاى لاين 2008 وشاريها فى 6 عام 2009
طبعا فابريكه وخليجى ولسه فى الضمان مع الرواس وماشيه 18 ألف كم فقط (نظرا لظروف عملى)
أيه رأيكو ؟؟!!!:question2:
حرام تفرط فى عربيتك وهية بالحالة دى
لو عايز تبيعها لازم تجيب حالة زيها
و90000 كم دول مش قليلين
وصدقنى اى عربية فى الدنيا لازم تفتح معاك مصاريف بعد ال100000
حتى لو بتشيلها على ايدك
حضرتك عاوز كام فى الشارك
الباسات عربيه محترمه جدا ومش من النوع الي بيبان عليه عدد الكيلومترات. وطالما خال حضرتك محافظ عليها جدا وأكيد مش بيهين العربيه يبقى توكل على الله.
الباسات برستيج والشارك شبابي. شوف ايه يناسب حضرتك اكتر
عربية حضرتك حالتها و موديلها افضل
بس برضه الباسات فئة اعلى من الشارك يعنى الشارك فئة الجيتا
فلو حضرتك ضامن العربية الثانية اوى و الامور المادية مش هتبقى مرهقة عليك هتبقى نقلة و هتحس بفرق ..و بالتوفيق ان شاء الله
+1اقتباس:
المشاركة الأصلية كتبت بواسطة omar-saad
وبعدين انا افتكرت الموضوع اشتغاله وقلت هدخل الاقيك بتهزر ... عموما هي طبعا نقلة افضل
بس معلش الحالة تفرق بجد وياريت تحدد هو الموضوع بالنسبالك مجرد فرصه ولا انت عايز الباسات
عشان لو عايزها يبقي هات نفس حالة عربيتك علي الاقل
انما دي عامله زي حسبة (اركب فيرنا زيرو ولا اركب لانسر شقيانة وهلكانة) والاتنين فنفس السعر
الباسات عربية تحفة بس لفئة عمرية معينة للناس (فوق ال 40 سنه) وبذات لو انت بتاع شد وسحب, هيجيلك احباط مع الباسات عشان عربية ثقيلة, بس لو انت من عشاق الثبات بالباسات مشاء الله عربية تحسسك فعلا بالامان
يا باشا انت تبيع الشارك ليه هى لسه ما مشيتش وعربيتك موديلها احدث انا عارف انها باسات الشارك متتقارنش بيها وبعدين الباسات عامله 90 الف ودول كتير انا حاسس ان عربيتك حالتها كويسه والله انت حر فى اختيارك ده رايىاقتباس:
المشاركة الأصلية كتبت بواسطة m_marwan
كلام منطقى الصراحه بس الناس بتقولى ان 90 ألف فى الألمانى مش حاجه كبيره !!!اقتباس:
المشاركة الأصلية كتبت بواسطة omar-saad
معرفش والله تجيب كام لو نويت حبلغ حضرتكاقتباس:
المشاركة الأصلية كتبت بواسطة samoreception
أنا كده فاهمنى أنا كل الحكايه صعبان عليا الباسات عشان هيا على طول أدام عينى وصيانتها الدوريه على طول فى التوكيلاقتباس:
المشاركة الأصلية كتبت بواسطة rs12
هيا الفكره ان الناس بتقولى 90 ألف فى الألمانى مش كتيراقتباس:
المشاركة الأصلية كتبت بواسطة Haitham10
عندك حق أنا لسه 30 سنه وبحس الشارك الهاى لاين مناسبه ليا أكتراقتباس:
المشاركة الأصلية كتبت بواسطة IronHead
شكرا على النصيحه :satelite:اقتباس:
المشاركة الأصلية كتبت بواسطة bebo_mody_244
بص هو بصراحه الألمانى عموما حاجة تانية .. بس للى غاوى يركب .. يعنى اللى بيحس بالعربية اللى راكبها .. مش مجرد انه عاوز حاجه تقضى المصلحه.
الألمانى عربيات مكتمة أوى ..ثُابتة جدا .. مصنوعة بكواليتى ممتازة و صاج تقيل .. و كل حاجة متقفله كويس جدا .. مش مجرد حاجه تمشى و السلام.
فلو حضرتك من النوع ده .. توكل على الله .. و متنساش صلاة الاستخارة.
الباسات طبعا ...بس اتأكد الاول ان الفتيس من النوع القديم مش dsg
لو حضرتك نويت تبيع الشارك ,ممكن تقولي علي السعر لاني بدور علي نفس الحالة
انا عن نفسي مش مقتنع بالالماني الجديد لانو حساس زيادة عن الازم وقطع غيارو مولعه نار وبعدين الانسر عملية اكتر وقطع غيار ارخص ومنتشرة اكتر واسهل في البيع والشراء
هى فعلا موديل 2007اقتباس:
المشاركة الأصلية كتبت بواسطة yaseenmohamed
أن شاء الله حبلغ حضرتكاقتباس:
المشاركة الأصلية كتبت بواسطة shisho117
أنا ايلى خلانى أفكر فى الألمانى ان قطع غيار الشارك قريبه أوى من الألمانى بس للأسف سعر البيع بتاع الشارك والله حاجه تحزن :angry06:اقتباس:
المشاركة الأصلية كتبت بواسطة nice_bird
العربيه زى الفل وركوبه عاليه جدا بس الناس ايلى بتبيعها بتوقع سعرها جامد جدا
يعني الالماني الي بيمسك سعر في البلد دى !! .. حرام علي حالة عربيتك دة انت ركبت زيرو دى لوحدها ليها تمنها انك اول رجل
انا اقولك احسن من كل دة
اسـتخـير ربنــا و الطريق الي ترتاحله امشي فيه :)
بص 90000 الف بالنسبة للالماني ومع الصيانه واستعمال راقي زي ما حضرتك بتقول فالعربية تعتبر زيرووو
وحضرتك لما تنوي تبيع يا ريت تقولي وما تنساش صلاة الاستخارة وربنا يوفقك لما فيه الخير
شكرا يا شباب على أهتمامكوا بالموضوع وطبعا بعد الأحداث ايلى بتمر بيها البلد قررت انى مغيرش العربيه وأشيل الفلوس أحسن محدش عارف ايه ايلى حيحصل فى البلد
ربنا يعدى الايام دى على خير, الواحد مش عارف ايه المخرج من المطبات دى
طب الباسات مطلوب فيها كام و هي أنهي فئه .
نصيحة واحدة بس لو حضرتك شايف إنها مش اكتر من انها فرصة فلا تكبد نفسك بمصاريف انت ممكن تكون مش قدها ... مصاريف بنزين عالية جدااااااااااااا بزات لو بتستخدم العربية في مشواير بعيده و كمان صيانة غالية جدا ... اصل انا قبل الكارنز كنت هجيب نفس الموديل مستعمل برده و كمان كانت عاملة 92000 كم برده فنفس الموقف و كانت حالتها 100 100 المهم الراجل صاحبها كان قايلي عامل صيانة 60000كم ب 7800 جنيه و الصيانة التانية الثقيلة في 100000 كم تخيل لو 60 عاملة كده يبقى ال 100000 كم بكام ... بصراحة لو متيسر و الحالة 100 100 جبها و حتحس بفرق .
لكن لو من الاشخاص الطبيعين من الطبقة المتوسطة او أعلى شوية فلا تكبد نفسك بما لا تستطيع ... علشان فقط هيا فرصة .
خليك راضي بما قسمه الله لك و العربية اللي معاك برده عربية شديدة و حلوة شيك و منظر برده و موديل عالي و صيانتها معقولة .
و الأمر يرجعلك في الاخر . بس فكر كويس و خلي بالك انه ممكن ربنا يرزقك بفرصة أحسن و انت في حالة أحسن من كده و تقدر عليها زيرو كمان .
اتفق تماما مع الاخ kareemz الباسات من العربيات الالمانى عاليه الجوده ؟ -بس يعنى ايه مكتمه؟!
مكتمة ده مصطلح يتحس ما يتقالش :-) يعنى ماسكه نفسها.اقتباس:
المشاركة الأصلية كتبت بواسطة silverlite
عكس مشخلله :-)
الله ينور عليك متشكر جدا على النصيحه ورأيك أقتنعت بيه تمامااقتباس:
المشاركة الأصلية كتبت بواسطة romioramy
يا جماعة الفرق مش كبير قووى كده ما بين قطع غيار الانسر شارك والباسات
اصلا قطع غيار الانسر شارك غالية جدااا جدااا مش زى ما الناس فاكره انا كنت هجبها وفى الاخر غيرت رائى وجبت اوكتافيا ايه 5 والله الاوكتافيا فى حاجات فى قطع غيارها ارخص من الشارك بكتير
انا لو مكانك طبعاااااااااااااا مكنتش فوت فرصة الباسات ديه وخصوصا انها من حد معرفة (بجد ركوبة تانية خااالص )
استخير ربنا وشوف هتوصل لفين
الباسات موديل 2007 وماشيه 90 الف وكل صيانتها فى التوكيل وممكن تخلص ب 130 الفاقتباس:
المشاركة الأصلية كتبت بواسطة szaalouk
والله الموضوع رجع يلعب فى دماغى تانى أبويا عاوز يغير عربيته النوبيرا موديل 2000 وقالى انا ممكن اشترى عربيتك وانت اشترى الباسات بتاعت خالك عشان مش حقدر على صيانتها وبنزينهااقتباس:
المشاركة الأصلية كتبت بواسطة samoreception
وكل ما اشوف الباسات بنبهر الصراحه وكده كده انا بستخدم بنزين 95 فى الشارك مش فارق معايا الموضوع ده
طب انت شايف ان الباسات لو ماشيه 90 الف فى 5 سنين ده كويس ؟؟
وهل حصرف عليها كتير فى الصيانات الدوريه ؟
معلش نسيت أقول ان الباسات base line
بالنسبالى انا اركب حاجة هاى لاين محترمة احسن من حاجه احسن بيزلاين
خصوصا انى بحب فتحت السقف والجنوط السبور
ده غير ان كماليات الشارك الهاى لاين اكتر من الباسات 2007 بيزلاين
السلام عليكم و رحمة الله
استاذي الفاضل واضح من المشاركات المحترمة ان اغلبيتها بيساوي بين العربيتين و بالتالي بيرشحلك الاقل كيلو متر و كذلك انها هاي لاين ميعرفوش ان Base line في الباسات قد تتفوق في الامكانيا ت عن الشارك
انا حقول لحضرتك تجربة شخصية
والدي عنده اوبل فيكترا 2000 وكنت شاريهالو من واحد زميلي و كانت ماشيةحوالي 90000 كم في سنة 2007 و العربية دي علي الرغم من انها قديمة نسبيا و كامة واحده و 85 حصان لكن مش عايز اقول لحضرتك علي ثباتها و قوة موتورها
انا اشتريت عربية اوبترا 2010 زيرو اقسملك بالله ان الفيكترا تتفوق عليها بمراحل في القوة و التحمل و الاداء
استاذي الفاضل الالمان عبقريين في صناعة السيارات و انا بكلمك عن الفيكترا فما بالك بالباسات
طبعا و مو 2007 ده حاجة تانية خالص في التكنولوجيا
ثبات قوة اداء تحمل اقصي درجات التشغيل الأمان و المتانه
و بعدين 90000 ك في الالماني يبقي العربية لسة بتلين لأن مواتير الالماني بتعمل 500000 مستريح بص علي المرسيدس مو 78 لسة ماشية و ماسكة نفسها في الشارع
فنصيحة لوجه الله طالما العربية عارفها كويس توكل علي الله فيها و مش حتندم ابدا
ولو مش ناوي انا ممكن اشتريها من خالك
وعليك بالاستخارة اولا و اخرا
انا معاك طبعا ان الباسات لو حالتها كويسه فهتبقى احسن من الانسر كتير لانها ببساطة وبغض النظر عن انها المانى فئة اعلى من الانسراقتباس:
المشاركة الأصلية كتبت بواسطة arakysolom
بس لو جينا للكماليات فبعض النظر عن الكماليات العاديه الباسات 2007 فيها مثبت سرعة ودركسيون مالتيفنكشن
الانسر الهاى لاين فتحه سقف, جنوط سبور, حساسات مطر وضوء, تكييف اوتوماتيك, سمارت كى, cd changer 6 cds, لو جليجى تزيد كمان سبووفر وزينون بعدسات متحركة