محتار بين التويوتا و المتسوبيشي

السلام عليكم

اخواني بأمر الله تعالى هغير عربيتي
انا معايا 55000 ونفسي اركب عربية ياباني اوتوماتيك وتكون انجكشن علشان اريح دماغي من الكربراتير اللي كرهني في العربيات

وعلشان كده بفكر في الكورولا العيون مو 99 اوتوماتيك 1600 سي سي او 1300 سي سي
وبقارنها بالانسر الكرستالة مو 99 اوتوماتيك 1600 سي سي او 1300 سي سي

ياريت حد يقولي الافضل ايه وبالنسبة لي الافضل يكون بالترتيب التالي

الـ سي سي الاعلى لاني ساكن في المقطم وطبعا كل يوم طالع نازل بيها
الانتشار وتوافر قطع الغيار الاصلية وسعرها
الانجكشن لاني فعلا كرهت العربيات بسبب الكربراتير (عايز عربية انجكشن)
سعر اعادة البيع
الصالون الاوسع

وهل انا فعلا محتاج السي سي الاعلى ولا كفاية 1300 وهل الـ 1300 هيكون في منها انجكشن

شكرا وفي اتظار ردودكم

على فكرة العربيتن كربراتير وأنصحك بال-toyota حمالة بتستحمل أكتر وموتورها أقوى من الانسر

طيب ممكن تقولي اجيب ايه ياباني اوتوماتيك وانجكشن ولا التوليفة دي مش موجودة ؟

الاثنين كويسين, الفيصل هو حاله العربية المستعمله
بس ميتسوبيشى قبل 2003 كله كاربراتير, مش عارف تويوتا ايه النظام

نيساتن صنى موديل 2001 2002

انا عربيتى ميتسوبيشى ميراج 1500 انجيكشن واوتوماتيك 132 حصان هى موديل 1998 وفيه منها 1999
لو تلاقى منها عندك تبقى كسبتها بصراحة خصوصا ان عزمها قوى جدا

العربيتين لا غبار عليهم
بس ليه متكونش عربيه كورى ؟
هيكون قدامك اختيارات كويسه وهتبقى موديل اعلى