الموضوع: بالصور شرح ازاي تلمع عربيتك بالبولش وتديها طبقة شمع للحماية

المشاركة الأصلية كتبت بواسطة Axel

الله يكرمك يا باشا ده انا ليا الشرف

بالنسبة الراجل ده في المطرية ناحية العرب ههههه و شوفت بصراحة شغله ما شاء الله بس قولت الــ50 ديه اعمل بيها اكتر من مرة بنفسي و منها اني بحب اعمل كل حاجة بنفسي :)

لو هيعملهالك بالمكنة فيه جهاز كدة بيستخدم بدلا من القطنة وده طبعا بيدي توزيع هايل اوي للبولش والواكس

لو هيعملهالك بيه يبقى مش خسارة ال 50 جنيه

المشاركة الأصلية كتبت بواسطة خالد

تسلم أيدك ياباشا بجد شغل هايل
طيب لو عندى شوية خدوش وعاوز أستخدم الكمباوند ، برضه بيكون بنفس الطريقة ولا بحنية شوية على القطنة ولا الطريقة المثلى بتكون أزاى ؟
مع خالص تحياتى

والله يا باشا شوف ماتتعبش نفسك بالنسبة للخدوش والخرابيش وارضى بالامر الواقع

لاني لفيت ولفيت ولفيت لحد ماتعبت من كتر اللف عشان موضوع الخدوش ده واكتشفت انه مافيش فايدة

الكوموبند والحجات دي كلها كلام فاضي مش بتطلع حاجة

الخدش يا اما ترش يا اما ترمه بقلم دوكو

اللى بيطلع بس لو حكيت في عربية وانت خدت البوية بتاعته

دي بتطلع بالتنر

تجيب قطنة فيها تنر وتعملها هتلاقيها طلعت

غير كدة مافتكرش انه ممكن يطلع حتى لو خدوش سطحية بسيطة

ولو لقيت حاجة بتطلعها ياريت تقولي الا انا دايخ عليها بقالي كتير