شكرا على ردك .. بس ليه مينفعش أحط زيت تخليقى بعده على طول؟ .. و تقريبا كمية الزيت اللى بتفضل فى العربيه أد ايه بعد تنزيل الزيت؟
عرض للطباعة
عيوبة تأخير في الدوارة وحمل كبير على الموتور وهو لسه بارد
لما العربيه تسخن ويه وي التخليقي بالظبط
دور العربيه وتسيبها تسخن بجد (مش نص دقيقة) لأ لحد ما توصل لدرجة الحرارة الطبيعيه الي هيا تحت النص (يمكن في عربيتك تختلف)
لما تيجي تنزل الزيت إستخدم فلش محترم (الوحيد الي أعرف ناس جربوه بتاع ليقوي مولي)
بعد ما تحط الفلش وتسيب العربيه دايره ديقتين إطفي ونزل الزيت كله وإصبر عليه لحد ما يتصفى على قد ما تقدر
وحط نتخليقي عادي بس متحطوش تاني عشان لزوجته العاليه بتزود الخلوص بتاعت الموتور وتساعد إنه يخف بسرعة
تمام
للافادة أنا قريت فى الموضوع شوية و لقيت ان الزيت ده فعلا مشكلتة و الموتور بارد .. غير انه بيقلل أداء العربية.
و زى ما الزيت الخفيف له عيوب .. الزيت التقيل برضه له عيوب.
عيوب الزيت الخفيف: الاحتكاك بين الاجزاء المعدنية .. و اللى هيسبب تاكل الاجزاء دى .. غير ان ممكن يحصل منه تسريب بسهوله.
عيوب الزيت التقيل: بيقلل أداء العربية .. و بيسخنها .. و ممكن يعمل مشاكل خصوصا فى درجات الحرارة المنخفضة.
عشان كده العربيات بيتحط فيها زيت متعدد اللزوجة .. عشان يشتغل كويس فى درجات الحرارة القليلة .. و برضه يشتغل كويس عند درجات الحرارة العالية عن طريق تغير لزوجتة حسب تغير درجة الحرارة .. انما لو عندك أى معدة تانية بتشتغل عند درجة حرارة ثابتة .. يبقى مالوش لازمة تجيب زيت متعدد اللزوجة.
عشان كده الزيوت متعددة اللزوجة بتلاقى مكتوب عليها مثلا .. 15W-40 .. الرقم اللى جنب ال W ده بتاع البرودة .. حتى بيقولك افتكرها بكلمة Winter.
ودى مقارنة مبسطة بين الزيت أحادى اللزوجة و الزيت متعدد اللزوجه (هو الكلام ده أنا كنت درستة زمان فى مادة اسمها Fluids بس مش فاكر أى حاجه دلوقتى طبعا)
http://www.smartsynthetics.com/image...-viscosity.jpg
الزيت ده معمول للعربيات القديمة فى الاساس
بس ليه عاوز تستخدمه الف كيلو
معلومات جديده منكم نستفيد
الزيت دة مش كويس و نزلة فى اقرب فرصة
راعى ان 60% من التاكل فى المحرك بيحصل فى اول الدوارة و بما ان الزيت دة تقيل جدا يبقى اول الدوارة عندك هيحصل فية تاكل شديد... خصصا اننا داخلين على شتا و جو بارد و الزيت هيبقى تقيل جدا
دا غير طبعا ان الزيت التقيل مش مناسب للعربيات اللى فيها كستبانات لان فتحات الكستبان صغيرة جدا و محتاجة زيت تكون لزوجتة قليلة عشان تشتغل بكفائة
يعنى من الاخر الزيت دة مش كويس و هو بارد و هو سخن و الاضرار هتحصل فى اول الدوارة و اثناء التشغيل الطبيعى كمان
MMamdouh