الراداتير يا بشمهندس سبعاوي!

يا بشمهندس سبعاوي

أنا معايا فلوريدا - نصر 2004 امبارح الراداتير لقيته بيسرب ميه من تحت العربية والحرارة وصلت للأحمر والعربية طلعت دخان من تحت الكبوت. رحت لواحد بتاع راداتير قالي الراداتير محتاج لحام وتنظيف شامل. خلص وأخد 110 جنيه في التنظيف واللحامات. هل المبلغ ده معقول ولا مبالغ فيه؟ والراداتير الجديد على بعضه بكام؟ وهل ممكن يركب لها راداتير شاهين أو 128 ولا لازم راداتير مخصوص؟

أرجو سرعة الرد يا بشمهندس سبعاوي أصل الموضوع مش ناقص دراما وأنا حاسس أنه اتنصب علي!
مع وافر الاحترام والتقدير لردودك الوافية يا بشمهندس وربنا يخليك ذخرا لهذا المنتدى!

يا بشمهندس ممكن ترد هنا أو في منتدي الفبات! بس يا ريت بسرعة في كل الأحوال ولكم جزيل الشكر مقدما!

أعتقد إن سبعاوى مظهرش النهارده ممكن يكون مشغول ولعل المانع خير إن شاء الله

المهم يا عم باهر إنت دفعت و خلاص مش هايفرق و الراجل عمره ما هايرجعلك نكله

يعنى متحرقش دمك المهم إن الريداتير إتصلح و الموتور مش جراله حاجة

بالنسبة للحام و التنظيف كثير حبه الرقم ده

مش عارف اقولك ايه يا اخ باهر بس انا شايف برضة انك اتنصب عليك والحوار دة ميزيدش عن 50 جنيه يوم ما يضربه الدم ولكن انت دفعت وخلاص وامرك لله, هل انت كنت متأكد من ان المياه جاية من الرادياتير ؟؟؟؟
يعنى ممكن كان يبقى فى خرطوم مفكوك او مقطوع ولا حاجة, دايما حاول تحدد العيب بنفسك الاول وبعد كدة شوف هتروح لمين ودايما اتفق قبل ما تشتغل بالذات لو كانت دى اول مرة تروح للصنايعى دة...
ملحوظة : انا بتكلم عن اسعار المنصورة ومش عارف هل هتختلف الاختلاف الكبير دة فى القاهرة ولا ايه.

يا عم با هر الحمد للة
علي كل حاجة
ومتزعلش ابدا في فلوس انت اضحك عليك فيها
وفول حسبي اللة ونعم الوكيل
وهو اللي قبلها علي نفسة وانت ملكش ذنب

بس ان شاء الله اي حد يفيدك في موضوع تغييرة بواحد تاني


----تم التصحيح----

اقتباس:

---

المشاركة الأصلية كتبت بواسطة mohamed el hussien

يا عم با هر الحمد للة
علي كل حاجة
ومتزعلش ابدا في فلوس انت اضحك عليك فيها
وفول حسبي اللة ونعم الوكيل
وهو اللي قبلها علي نفسة وانت ملكش ذنب

بس ان شاء اللة اي حد يفيدك في موضوع تغييرة بواحد تاني

---

أستاذ محمد , ياريت حضرتك تكتب لفظ الجلالة بشكل سليم ( الله مش اللة ) . و شكراً .

عوضك علي الله .......

12-06-2007

:_Alshmokh08[1]:

:eee:

هو اللحام لوحدة بين خمسة جنية وعشرة جنية وفك الردياتير بردة ما يزيدش عن عشرة جنية وما فيش حاجة اسمها تنظيف

الموضوع قديييييييييييييييييم من 6- 1\2007