كل ما أزود زيت الباور بعدها بشوية الدريكسيون يتقل تانى والزيت يفضى من الخزنة واكتشفت ان التسريب من الاسكاترة نفسها يكون الحل تغيير الحشو ولا واحدة استيراد؟؟؟؟ وده بكام وده بكام؟؟؟؟
ولا فى حل تانى؟؟؟؟؟
عرض للطباعة
كل ما أزود زيت الباور بعدها بشوية الدريكسيون يتقل تانى والزيت يفضى من الخزنة واكتشفت ان التسريب من الاسكاترة نفسها يكون الحل تغيير الحشو ولا واحدة استيراد؟؟؟؟ وده بكام وده بكام؟؟؟؟
ولا فى حل تانى؟؟؟؟؟
متقلقش انا كان عندى نفس الموضوع وكانت الويسيل بتاع السكاترا وكانت التكلفة بل تركيب 80جنية
هل الموضوع ده بيأثر على ثبات العربية؟؟؟؟ لأن العربية بتحدف يمين...هل بعد موضوع الأولسيل ده
يحل مشكلة تقل الدريكسيون والحدفه؟؟؟؟
متابع
سكاتره الفيكترا ايه ليها طقم اصلاح (حشوه) انما سكاتره الفيكترا بي مالهاش اصلاح ,سعرها استعمال الخارج حوالي 850ج الي 1000ج
هى الاسكاترا هى هى كرتيرة الزيت ولا ديه حاجة وديه حاجة؟ ومكانها فين بالظبط؟
الكلام ده اكيد انو الفكترا ايه ممكن تتصلح ؟؟
انا عندى الدركسيون تقيل سنه و بتنقط زيت بور و كل يومين كده بزود قيمه غطاء او اتنين و حاليا ابتدت تدب جامد من تحت مع المطبات رحت لبتاع العفشه من غير ميفك و من غير حاجه قال الاسكاترا تتغير
فاى الظروف ممكن تقبل تصليج اشوف حد تانى ولا كلامه صح لانو قال الفكترا مش بتتصلح الاسكاترا بتاعتها ؟؟
لا كارتيره الزيت ماهي الا وعاء لحفظ زيت الموتور وغطسان فيه طرمبه الزيت اللي بتضخ الزيت في الدوره اما الاسكاترا(علبه الدركسيون) هتلاقيها بالعرض عموديه علي قطمه الدركسيون عباره عن تروس بتنقل حركه الدركسيون للعجل عن طريق اتياش الاسكاترا وبيساعد في الحركه ضغط زيت الطرمبه لما بيكون الدركسيون باور
اللي فهمته من كلام حضرتك ان عربيتك فيكترا ايه..لو كده صح ليها طقم اصلاح والاولسيهات تتغير بالمقاس وكمان يركب عليها سكاتره الدايو ,اما العفشجي بيريح دماغه او انه مايعرفش يصلحها لان طبعا اسهل حاجه عليه انه يفك ويركب جديد استني راي طناني في التكلفه والتفاصيل وغير العفشجي
الله ينور يا فادى
و تسلم ايدك
كلامك صح الصح
علبة الفيكترا ايه ليها طقم اصلاح بتاع الدايو اللانوس
انما من تجارب معاه
لو التسريب من الأويل سيل اللى فوق
يبقى يتغير عادى و هو كله على بعضه ب 5 جنيه
انما اللى تحت اللى عند الرجلاش
ده محدشى بيعرف يغيره عدل
و للعلم العلبة كلها استيراد ب 250-300 جنيه
اعرف مكان التسريب و بعدين يحلها الحلال
الحاجة التانية
الدبة اللى عندك ده نتيجة الأفايز الكاوتش اللى ماسكة العلبة فى الصدر
غيرها ببتوع الدايو الواحده ب 25 جنيه جى ام اصلى
اللى انا اعرفه يا فادى ان الاسكترة بتاعت الفكترا عمومآ مش بتتصلح وبالذات تغير الاولسيه بتاع العمود اللى داخل على الصليبة المتصلة بالقطمه لان ده كبس ماكنه انا غيرت اسكترة بسبب الاولسيل ده مكانتش بتجيب زيت ولكن الاولسيل ناشف بيعمل صوت مع لف الدريكسيون وكانت البور جميل جدآ بس فى صوت زى ما قولتلك وهو الالولسيل ده اللى بيجب زيت عند صاحب المداخلة وللأسف مش بينجح تغيره وفعلآ بتاعت الدايو بتركب على الفكترا ايه ام البى لازم بتاعتها ..
فى الأيه الوضع مختلف كتير يا مجدى ياشا
يعنى أنا دلوقتى يا جماعة مفيش حل إلا تغيير الاسكاترة؟؟؟ ولا الأولسيل زى ما زميل قال؟؟؟
وهل تسريب الزيت ده هو اللى مأثر على الثبات ومسبب الحدفة دى زى ما سألت فى الأول؟؟؟؟
في البي ماتنفعش اصلاح..في عندي في دمياط عفشجي دكتوراه في العفشه مع مخده الشرف حاول قبل كده في فيكترا بي مرتين كل مره كانت الاولسيهات بتضرب بعد مده اقصاها 12يوم في عربيه صديق لي..غيرها احسن ..واللي بيعمل الحدفه عندك حاجه اسمها كاوتش الاسكاترا هتلاقيهم متاكلين بيبقوا تحت قفزين حديد مهمتهم تثبيت الاسكترا في جسم السياره ,لما بيبوظوا بتلاقي العربيه بتحدف والدركسيون عدلته مش مظبوطه بعد كل ملف(لوجو الاوبل مش في النص) الاسكاترا تمنها متوسط850ج استيراد والكاوتشتين جداد ب35ج
فى البى متنفعشى
فى الأيه تنفع لو اللى فوق
اقولك
هات فيكترا ايه
و غيرها ب 80 جنيه
متزعلشى يا باشا
كل عربية ليها وضعها
ربنا يخليهالك
و تفرح بعوضها
امين يارب العالمين
أخيراً...أنا غيرت الاسكاترا..
جبتها كاملة من طنطا من واحد اسمه وليد ب 725 جنيه،واتفقنا على ضمان شهر والتركيب فى ورشته مصنعية 110جنيه(تغيير الاسكاترا +2 كاوتش كوبلن من عنده) غير الزيت طبعاً علبتين 24 جنيه حطيت زيت عادى لحد مانجرب وبعد كده نبقى نغيره ولو لا قدر الله فى أى مشكلة، خلال الشهر تتغير على حسابه ومليش علاقة بمصنعية أو زيت....
أنا ركبتها من هنا ورحت ظبطت زوايا ورصصت ،بصراحة لحد دلوقتى أنا مركبها بقالى أسبوع تقريباً حسيت بفرق كبير جدا.
الدريكسيون اتظبط الى حد كبير وثبات العربية بقى أحسن بكتير، ربنا يكملها على خير.
إيه رأيكم ؟؟ شهر كفايه ولا ايه؟؟ والأسعار دى كويسه كده؟؟؟