حد يا جماعة اشتري حاجة عن طريق ارامكس بواسطة خدمة شوب اند شيب
عاوز حد يقولي اجراءاتها وهل هي لجميع دول العالم
وهل عن طريقها اقدر اشتري حاجات من مواقع زي ايباي وامازون مثلا ولا لأ
عرض للطباعة
حد يا جماعة اشتري حاجة عن طريق ارامكس بواسطة خدمة شوب اند شيب
عاوز حد يقولي اجراءاتها وهل هي لجميع دول العالم
وهل عن طريقها اقدر اشتري حاجات من مواقع زي ايباي وامازون مثلا ولا لأ
بص ياباشا عن تجربة صغيرة لي
معظم المواقع دي تقولها مصر تقولك ممنوع او شروط عجيبة ما تفهمش منها حاجة
الاسهل هتروح شركة ارامكس
وتقولهم عايز افتح حساب لي ويكون عنوانه في امريكا تقريبا الرسوم 50ج مرة واحدة مدى الحياة
هيدولك بيانات عنوانك الجديد
كل لما يجيلك عليه حاجة هم هيوصلوها للبيت عندك ولو في اجراءات تخليص جمركي او ما شابه بيكلموك يسالوك هم يعملوها ولا انت هتخلصها بمعرفتك ؟
وتقدر تتابع صندوق بريدك على النت وتشوف حالة الشحنة بتاعتك ايه
مزايا الموضوع ده ان مفيش اي موقع هيرفض يبيعلك اي حاجة لانك في امريكا
دي سابق تجربتي
وكمان ممكن تجرب خدمه ادفعلي
Edfa3ly.com - The ultimate Internet Shopping Solution
بص أنا بستخدمه من زمان .. و نصيحه ما تستخدموش الا لو عاوز تشترى حاجه محتاجها أوى و مش موجوده هنا .. عشان عادة الحاجات بتيغى غاليه عشان:
1. الحاجه اللى بتشتريها بيتحط عليها جمرك و ضريبة مبيعات حسب تصنيفها .. مثلا الالكترونيات 10% جمرك و 10% ضريبة مبيعات .. الملابس 30% جمرك و 10% ضريبة مبيعات .. و هكذا.
2. الشحن حسب الوزن .. النص كيلو ب 60 جنية و الكيلو ب 110 و هكذا.
3. مصاريف تخليص جمركى .. 50 جنية تقريبا .. أو 75 جنية لو السلعة غالية.
احسب تمن سلعتك و ضيف عليها المصاريف دى .. و شوف أوفرلك تجيبها من هنا ولا من بره .. بس عموما هو هيكون مفيد فى الحاجات المستعملة أكتر.
عاملها بقالي اكتر من سنتين وما استخدمتهاش ٣ مرات على بعض .. ميزتها الوحيدة شراء سلع غير موجودة في مصر لكن هيه فعلا مكلفة
بص يا ريس انا ليا كام تجربة معاها واخرها من كام اسبوع .... بص الخلاصة كالتالى:
1- علشان تفتح الحساب بتدفع 250 جنيه وبتاخد 3 حسابات واحد فى امريكا , وبريطانيا , والصين
2-تكلفة الاوزان ... اول نص كيلو ب 65 جنيه وبعدين كل نص كيلو بعد كده ب 45 جنيه
3- الشحنة غالبا بتقعد من 7-10 ايام عمل وغالبا اقل من كده
4-الجمارك بتبقى على حسب السلعة اللى انت جايبها ... اللى انا متأكد منه ان جميع الالكترونيات معفية من الجمارك بس يضاف عليها 10% ضريبة مبيعات ... ولو السلعة غالية ممكن ارامكس تضيف عليها 50 جنيه رسوم تخليص جمركى
عموما انت ادرى بظروفك وبظروف الحاجة اللى هتجيبها .... هقولك نصيحتين انا ... الحاجة اللى من بره فعلا بتبقى تمنها فيها وجودتها احسن من هنا بس ده فى مقابل ان مفيش ضمان غالبا الا لو فيه ضمان دولى سارى فى مصر .... النصيحة التانية علشان تكون الحاجة فيها وفر ... لازم تكون جايبها فى اوفر جامد علشان يعوض فرق الشحن والجمرك والحاجات ده
بالتوفيق ان شاء الله
بعد اذن صاحب الموضوع عايز اسئل على حاجة لو جبت موبايل من اىباى بس bad esn
هل كدة يشتغل عندى عادى بعد الانلوك ؟؟
و هل فعلا الخامات بتاعت برة احسن ؟؟
لصاحب الموضوع , بص انا انشاء الله لو جبت حاجة من برة هجيبها من ادفعلى ليه بقى
عشان اولا بتديهم اللينك بتاع الحاجة وهما يجيبوهالك و هيخلصوا جماركها من نفسهم
ثانيا انهم بيدوك شيك تقريبا بالفلوس اللى دفعتها يعنى يا الحاجة يا فلوسك كاملة
بس برضو سمعت من واحد صاحبى (صاحبى دة بيحب يبالغ شوية ) ان الحاجة بتيجى من اي باى مش سليمة
بس انا بصراحة مش مصدق