الموضوع: اخواتنا في المنتدي: منين اجيب لبس منتقبات في مدينة نصر

المشاركة الأصلية كتبت بواسطة أحمد كمال

r squared - مصطفى النحاس بجوار فودافون

باشا ده موقعه ايه من الأعراب من شارع عباس العقاد او مكرم عبيد؟ يعني انا عارف مصطفي النحاس من عند تقاطع الشارعين دوول

المشاركة الأصلية كتبت بواسطة wael30003

واضح انك من اسكندرية
ممكن اعمل لك خدمة وانزل اسألك عشان تيجى تشترى على طول وتلحق تروح عشان الدنيا هنا زحمةقوى وفى نفس الوقت اخد ثواب لان زوجتى منتقبة فالموضوع هيكون سهل واعتقد ان فيه فى اسكندرية اماكن للبس المنتقبات لان اكيد فى سيدات منتقبات فى اسكندرية بدل ما تدب المشوار لفاية هنا واعتقد ان الاخ اللى قالك فى العزيز بالله فعلا فيه كل حاجة ولو عايز انزل مصر النهارده فى العيد قبل الزحمة او اسال فى اسكندرية اسهل لك وانا فى الخدمة

انا من الأسكندريه بس دلوقتي عايش مؤقتا في القاهره وفي الأسكندريه بيطلع عيني عشان الاقي حاجه عدله ومحترمه ومفيش غير كام محل زي المحجبه والمسلمه بس دوول غاليين فحت يعني اقل حاجه فوق ال 1000 وكده كده دلوقتي مش بروح الأسكندريه خالص فمش هينفع اشتري منها

المشاركة الأصلية كتبت بواسطة m.hosni

فيه كمان بريوني في شارع البطراوي اللي هوه فيه جنينة مول , جنب بيتزا كينج في اول الشارع من ناحية عباس العقاد
2r-squared حلو بس اعاره حلوة قوي :) يعني العبية في حدود 500 - 600

600 !!!
ده انا لو رضيت اشتريها مراتي ممكن تقتلني وتقتل نفسها بعديا وتسيب ال 600 جنيه تربي بيهم العيال
هي العبايا دي بتطير

يا اخوانى الاعزاء اخونا عايز حاجة شيك المحلات كتير ومعروفة المهم الاسعار وفعلا العباية 500 او 600 فعلا غالية جدا انا راى انك تروح العزيز بالله كل المحلات هناك تخص المحجبات والمنتقبات انا رحت هناك بس بصراحة مشتريتش حاجة لانى كنت رايح مش عشان اشترى حاجة بس ان شاء الله لما انوى هاروح هناك ان شاء الله

المشكله اني بقيت احس ان اللبس المحترم الحريمي نادر وغالي قوي مع انه ميستهلش التمن ده لكن لو بصيت علي اللبس الهلس اللي بيقولو عليه محجبات والحجاب بريء منه تلاقيه في كل حته ورخيص

لو العبايه دي مش هلاقيها غير في المكان ده ب 600 جنيه ممكن اجيبها لكن انا واثق انها هتكون نفسي العبايه في مكان تاني باقل من 200 جنيه بس عايز اللي يدور