البطاقة الفنية الكاملة للرينو لوجان

**El Prince** · 20-05-2008 05:22 PM

المشاركة الأصلية كتبت بواسطة TAG_Turbo0

كالعاده تقيم أكتر من راشع
بس احنا مستنين تجربة القياده الى هتبين ان العربية دى تستاهل 70 ألف ولا لأ

نعم 1000000000000+

**aLashin** · 20-05-2008 06:08 PM

الف شكر يا استاذ سبعاوي علي المعلومات القيمه ..

انا فعلا كنت دورت علي النت و عرفت موضوع الداتشيا ده .. طب خد كمان ديه ..

العربيه ديه بتنزل في الهند باسم ماهيندرا لوجان .. بس عليها البادج بتاع رينو مش زي الداتشيا .. و واخده جوايز و تقييمات عاليه اوي .. هدور عليها و اجيبهالكو هنا ..

بالنسبه للسرعه علي ما اعتقد التابلوه عندي تقريبا 200 او 220 مش 175 ..

عموما هتأكد و ارجعلك تاني ..

**hazem_khidr** · 20-05-2008 07:57 PM

شكرا يا باشمهندس علي التقييم.
رغم شكلها السئ في نظري لكن حاسس انها حتعمل حاجه

**Sharky** · 20-05-2008 08:01 PM

كالعادة متألق يا سبعاوى

وواضح إهتمامك باللوجان

يا ترى ليه ؟؟؟

**ows212** · 20-05-2008 08:29 PM

شكرا سبعاوى باشا ... بس لو رينو بتقول بنزين 80 متهيالى مافيش مشكلة

**bassam nagy** · 20-05-2008 10:02 PM

المشاركة الأصلية كتبت بواسطة fahd_628

شكرا يا سبعاوى باشا

انا حاسس ان العربية حتعمل انتشار

برضوا عندى نفس الاحساس وهاتنجح اوى فى مصر
الف شكر ياباشمهندس وشكلنا هانبارك فريب ههههههههههههه

**KHALED012500** · 20-05-2008 11:47 PM

تقييم رائع جدااااااااااا

بس انا عايز اسئل سؤال واحد بس

لو الموتور مصمم اساسا ان على بنزين 80 لو انا حطيت بنزين 90 مش هيأذى الموتور ؟

انا اسمع مثلا فى العربيات ال 128 يقولك ماتحوطش 90

عشان مايسلخش البساتم

وشكرااااااااااااااااا ليك يابشمهندس سبعاوى

**sab3aawy** · 21-05-2008 12:26 AM

المشاركة الأصلية كتبت بواسطة aLashin

بالنسبه للسرعه علي ما اعتقد التابلوه عندي تقريبا 200 او 220 مش 175 ...

التابلوه حاجة والسرعة القصوىالفعلية حاجة ، دايما التابلوه بيكون اعلى من اقصى سرعة بتجيبها السيارة وده ليس للضحك على الزبون ولكن لان اقصى سرعة للسيارة اللى بتكتب فى الكتالوج بتكون مقاسة بحمولتها الكاملة على ارض مستوية فى هواء ساكن ، وبالتالى لو العربية فاضية وواخدة منزل والهواء فى ضهرها ممكن تجيب اكتر من كدة وبالتالى العداد لازم يكون زيادة شوية عن اقصى سرعة ممكن للسيارة تجيبها، يعنى لو فى افضل الظروف والسيارة فارغة والهواء فى ضهرها وفيها سائقها فقط وعلى منزل هتجيب 190 بدلا من 175 ، يبقى لازم العداد يتعمل 220 علشان لو العداد تعمل 190 بس والمؤشر وصل 190 انت مش هتبقى عارف انت ماشى 190 وللا اكتر، لذلك لازم يتعمل اكتر شوية من اقصى حاجة ممكن السيارة توصل لها تحت اى ظرف

والأمثلة فى ذلك كثيرة، مثلا النسيان صنى اوتوماتيك سرعتها القصوى فى الكتالوج 178 والعداد220 ، اللانوس نفس السرعة القصوى ونفس العداد، الشاهين 1400 سرعتها القصوى 165 والعداد 200 ، وهكذا

**sab3aawy** · 21-05-2008 12:28 AM

المشاركة الأصلية كتبت بواسطة sharky

كالعادة متألق يا سبعاوى

وواضح إهتمامك باللوجان

يا ترى ليه ؟؟؟

صدقنى مش عارف

بس شكلها عاجبنى :)

**sab3aawy** · 21-05-2008 12:30 AM

المشاركة الأصلية كتبت بواسطة KHALED012500

تقييم رائع جدااااااااااا

بس انا عايز اسئل سؤال واحد بس

لو الموتور مصمم اساسا ان على بنزين 80 لو انا حطيت بنزين 90 مش هيأذى الموتور ؟

انا اسمع مثلا فى العربيات ال 128 يقولك ماتحوطش 90

عشان مايسلخش البساتم

وشكرااااااااااااااااا ليك يابشمهندس سبعاوى

لو الموتور مصمم ل 80 حطله 90 بدون ادنى مشاكل ، كل الفكرة انك هتدفع فلوس زيادة بدون فائدة، اصلا كل ما رقم الأوكتان على بيكون الأحتراق اهدأ وتوزيع الضغط منتنظم ولذلك لا مجال لربط تسلخ البساتم بارتفاع رقم اوكتان الوقود

الموضوع: البطاقة الفنية الكاملة للرينو لوجان

LinkBack

أدوات الموضوع

عرض

-

-

-

-

المواضيع المتشابهه

البطاقة الفنية لمحرك الكورولا المباعة حاليا فى مصر

المواصفات الفنية الكاملة للابيزا من 93 الي 99 بجميع محركاتها

بروتون إليجانس و المواصفات الفنية الكاملة لها

المواصفات الفنية الكاملة وتحليل شامل للسيارة الرائعة بروتون لكن موديل القديم

المواصفات الفنية الكاملة للسيارة بروتون واجا

الكلمات الدلالية لهذا الموضوع

المفضلات

المفضلات

ضوابط المشاركة