حد عنده معلومات عن فندق الماسه؟

إمبارح رحت ألعب بلياردو في فندق تابع القوات المسلحه إسمه فندق الماسه اللي هو في الشارع اللي جنب المنصه في الأوتوستراد.

بصراحه أنا ذهلت من نظافة الفندق ومستوى الجماليات الموجوده فيه.

أنا ما تفحصتش الفندق أوي، عشان أنا رحت من الجراج على قاعة البلياردو مع أصدقائي، بس في السكه للقاعه شفت بجد أماكن جميله جداً في الفندق.

أنا لاحظت إن في بولنج وفي قعده على حمام السباحه بس الكلام ده كتن قرب الساعه 12 فكان كله بيقفل.

أنا عاوز أروحه مع الأسره وهايكون معانا أطفال عندهم 12 سنه. يا ترى إيه اللي ممكن يتعمل هناك تاني؟ هل في حاجه غير البلياردو والبولنج؟ وإيه مستوى الكافيتريات ومستوى أسعارهم؟

شكراً

فيه قاعات افراح
مالكش دعوة بيها طالما اتجوزت
فيه حمام سباحة
مطعم اسماك
برجولا
المشروبات كات 75 minimum
حوالى مشروبين
متوسط سعر الغدا لو set menu
من 110 فاعلى
غير الخدمة

دا فندق تابع للقوات المسلحة بس بصراحة هو جميل فعلا..اقدر اقولك كل المعلومات الخاصة (بعيادات) الفندق :d:d

اقتباس:

---

المشاركة الأصلية كتبت بواسطة icehearted girl

دا فندق تابع للقوات المسلحة بس بصراحة هو جميل فعلا..اقدر اقولك كل المعلومات الخاصة (بعيادات) الفندق :d:d

---

ههههههههههه

:36_1_31:
:36_1_40[1]::36_1_40[1]::36_1_40[1]:

بس خلى بالك عشان ممنوع دخول المنقبات عشان لو المدام منقبة

اقتباس:

---

المشاركة الأصلية كتبت بواسطة alaasaid

بس خلى بالك عشان ممنوع دخول المنقبات عشان لو المدام منقبة

---

قبل ولا بعد الثورة الكلام دة؟؟؟
انا لا اخوانى ولا سلفى علشان بس الحرب ما تقومش
بس اعتقد ان دى اقل مبدا للحريه

ألف شكر يا جماعه على الردود، ربنا يكرمكم :)

أنا مش متجوز يا أستاذ A.Saad بلاش تطلع علي إشاعات :)

هو مكان جميل جداً بالفعل بس بالأسعار دية يبقى صعب أوي الصراحه. يعني عشان أروح معايا 5 يبقى هادفع 600 جنيه أكل بس وكمان أنا مش عارف مستوى الأكل.

بالنسبه لموضوع المنتقبات، أنا فعلاً عاوز أعرف الكلام ده إتغير بعد الثوره ولا لأ؟

شكراً

مفيش تغيير جيشنا المحترم لسة ملتزم بمبادئه

اقتباس:

---

المشاركة الأصلية كتبت بواسطة khaled_yassin

قبل ولا بعد الثورة الكلام دة؟؟؟
انا لا اخوانى ولا سلفى علشان بس الحرب ما تقومش
بس اعتقد ان دى اقل مبدا للحريه

---

السلام عليكم

للاسف بعد الثورة و رغم اننا كنا مبلغين عن وجود منقبات فى الفرح و أخدنا موافقة و الغريب انهم أخدوا فلوس زيادة عشان الموضوع دة مش عارف ليه , بس ساعة الفرح رفضوا دخول المنقبات و كانت مشكلة كبيرة جدا
المستفز فى الموضوع انهم وافقوا فى الاول و طلبوا فلوس زيادة و بعد كدة ساعة الفرح بقيت امام الامر الواقع الفرح يبوظ ولا المنقبات يمشوا , لو كانوا قالوا من الاول لا مكنش حصل مشاكل

طب أيه أخبار فندق الماسة مع الملتحين يا شباب؟؟

اقتباس:

---

المشاركة الأصلية كتبت بواسطة أبومعاذ

طب أيه أخبار فندق الماسة مع الملتحين يا شباب؟؟

---

زيهم زي المنتقبات طبعا

من 4 سنين كن بدخله عادي لاني كنت بحب اجيب منه تورت لانها فعلا كانت تحفه و ماكنش حد بيوقلي حاجه و كنت بسيب رخصة العربيه علي البوابه

اخر مره جيت ادخل رفضوا بالرغم ان المحل قريب من البوابه و قالي اركني بره و خلي الحاجه تنزل تدخل , قصده مامتي انها يعني تدخل ماشيه علي رجلها

هو اصلا الكلام دا في كل دور الجيش مش بس الماسة

اقتباس:

---

المشاركة الأصلية كتبت بواسطة amatoallah

زيهم زي المنتقبات طبعا

من 4 سنين كن بدخله عادي لاني كنت بحب اجيب منه تورت لانها فعلا كانت تحفه و ماكنش حد بيوقلي حاجه و كنت بسيب رخصة العربيه علي البوابه

اخر مره جيت ادخل رفضوا بالرغم ان المحل قريب من البوابه و قالي اركني بره و خلي الحاجه تنزل تدخل , قصده مامتي انها يعني تدخل ماشيه علي رجلها

هو اصلا الكلام دا في كل دور الجيش مش بس الماسة

---

شكرا على الرد بس أظن إن الملتحين وضعهم أخف شوية من المنتقبات يعني مثلاً أنا بدخل كتير مركز البولينج من غير أي مشاكل
ربنا يأجرك على اللي بتشوفيه و يرزقنا حاكم صالح يغير الكلام ده