انا عربيتى أفيو سماوى موديل 2011 وعامل بيها 29 الف كيلو. كنت ماشى فى تقاطع وجت عربية تريلا قلاب خبطتنى على سرعة عالية فوق ال 100 كم/ساعه وانا كنت ماشى بالراحة بس الحمد لله طلعت منها سليم.
روحت للتوكيل قالولى هاتتكلف 50000 الف جنيه وانا مش مأمن للأسف طبعا ماقدرتش وسحبتها من التوكيل علما بأن الأضرار الظاهرية هى كالتالى:
- كبود
- رفرف يمين
- قايم يمين امامى
- باب يمين
- رفرف يمين خلفى
- 2 فانوس أمامى
- فانوس يمين خلفى
- شبكة أمامية
- تابلوه
- كاوتش وجنط أمامى شمال

برجاء النصيحة علما بأن فى ناس قالتلى ان ده كله ممكن يتعمل كويس بره التوكيل ومش هايكلف 15000 وفى ناس بتقولى بيعها على انها سيارة حوادث وانا مش عارف الأصلح. برجاء الإفادة.