الباب الشمال الخلفي - سوبر صالون 2012

**walaa_samra** · 09-11-2011 02:12 PM

كل سنة واعضاء المنتدي بخير
انا عندي مشكلة في الباب الخلفي شمال للأسف لم اكتشفها الا بعد ماستلمت العربية و رخصتها
المشكلة في تقفيل الباب مع جسم السيارة ( المسافة بين دوران الباب و دوران الرفرف الخلفي اوسع من الباب الخلفي يمين و بالتالي المسافة بين الحد الأعلي للباب مع السقف اضيق من الناحية اليمين ) المهم رحت للمعرض الي انا شاري منه ( السبع اوتوموتيف المنصورة ) فكان الرد انه مش لازم ان الجانبين يكونوا زي بعض وان الفرق بسيط ويمكن التغاضي عنه و فرجني عربية عنده فيها نفس الموضوع و ان دة مش عيب و قال ان المصنع به مسئولين يبانيين بيرجعوا العربيات ولو كانو ا شايفيين ان دة عيب في العربية مكانوش خرجوها من المصنع
ياتري الكلام دة صحيح ؟؟؟؟؟؟؟؟؟؟؟؟؟
و لو دة مش عيب ياتري اعرف اظبط الباب ؟
ولو دة عيب في العربية ايه الحل؟
لأن اللي يدقق النظر ويقارن بين الجانبين يكتشف الفرق ز
انا عامل 400كلم حتي الأن
يا تري ايه راي اعضاء المنتدي؟

**Sameh_OO7** · 09-11-2011 05:54 PM

يعنى قصد حضرتك ان السقف ماااااايل !!!!!! ازااااى

طب هو البابين بيفتحوا ويقفلوا بدون مشاكل ؟ وهل يوجد تسريب هواء من اى باب منهم؟

لو مافيش اى حاجة من اللى انا قولتها اظن يبئى مفيش مشاكل فى العربية وعالعموم انا هبقى اتأكد من الموضوع ده فى

عربيتى وارد على حضرتك تانى والسلام ختام

**walaa_samra** · 09-11-2011 11:18 PM

البابين بيفتحوا و يقفلوا دون اي مشاكل و معتقيدش ان في تسريب للهواء لأن محديش من اللي ركب ورا معايا علق علي حاجة
انا بأعتقد ان المشكلة في تقفيل الباب مع جسم العربية و في تظبيط المسافات بين الباب و القايم الخلفي و بين دوران الباب و دوران الرفرف الخلفي اعلي العجلة الخلفية
هو الموضوع دة مالويش تأثير علي أداء العربية بس اللي يقارن بين الجانبين اليمين والشمال يقولك ان العربية دي مخبوطة
اخيرا شكرا جزيلا علي اهتمامك وفي انتظار ردك

**fady_anis** · 10-11-2011 12:27 AM

ياريت صورة واضحه حضرتك علشان نقدر ننصحك بشئ وعلى فكرة حضرتك انا من المنصورة نفسها لو فى اى شئ انا تحت امرك لو فى استطاعتى

**walaa_samra** · 10-11-2011 12:37 AM

هحاول اصورها و ارفع الصورة علي المنتدي

**M.Nabeeh** · 10-11-2011 12:40 AM

المشاركة الأصلية كتبت بواسطة walaa_samra

هحاول اصورها و ارفع الصورة علي المنتدي

مش فاهم حضرتك

**FBIAhmed** · 10-11-2011 01:15 AM

اولا اهلا في المنتدى و يا رب نعرف نساعد

انا افهم من كلام حضرتك ان الباب ساقط من اخره من عند الكالون ناحية الرفرف لتحت عن الباب اليمين بص حضرتك روح التوكيل و قولهم يعدلو الباب الشمال و يرفعوه لفوق و هما هايتصرفوا و قولهم يعلوا الباب شويه لفوق و بيتزبط من رجلاش الكالون