الموضوع: الى خبراء الأيفون النجدة ربنا ما يرميك في ديقة

المشاركة الأصلية كتبت بواسطة sayed911

بسم الله الرحمن الرحيم

السلام عليكم ورحمة الله وبركاته

اخواني ف يالله انا محتاج مساعدتكم في شئ بسيط انا امبارح جالي تلفون هدية ايفون 4 من برة مصر !! الفكرة انه قصيت السيم كارد وحطيتها ووصلته بالأيتونز لا ده شايف ده ولا ده شايف ده مع انه الموبايل شغال على الوضع بتاع الطوارئ كركبت في النت على الحل لقيته لوكد ومحتاج جيل بريك !! طيب السؤال هنا بقى يطرح نفسه !! اعمله فين وعند مين وبكام ؟!! واعرف منين انه فعلا هوة كده محتاج جيل بريك ؟ يعني اقصد اشخص الحالة المرضية ازاي ؟ واعالجها ازاي ؟ ومحدش يقولي اعمل الجيل بريك بنفسك لأني مليش خالص في حاجة زي كده :d بس حد يدلني اعملها فين

اهلا بيك

اولا مبروك على الايفون 4 وربنا يباركلك فيه

انا معنديش خبرة كبيرة فى الايفوت
بس اللى انا اعرفه انك بتجيب سمارت سيم دى من فودافون مثلا ب 30 جنيه باين او ممكن تكون رخصت
مش متاكد لو انت قصيتها بنفسك هتطلع مظبوطة وتشتغل تمام
دى نقطة

النقطة التانية ان فى حاجة اسمها تفعيل تقرابا من على الاتيون ده
ممكن تدور عليها او توديها لفودافون وتسالهم لو ينفع يعملوها


اما بقى عى الجيل بريك فده ملوش اى علاقة ان التليفون يشتغل خالص
ده مجرد كسر لحماية التليفون من البرامج بتاعت ابيل بحيث تقدر تنزل اى برامج مدعومة او مش مدعومة من ابيل

ارجوا اكون اضفت ليك بعض المعلوات جرب كدة وقوللى ان شاء الله يشتغل
وتلعب بيه كمان هههه

1- هات كارت micro من شركة الموبايل بتاعتك
2- ركب الخط وافتح التليفون ووصلة على الكمبيوتر
3- حتلاقى التليفون راسم على الشاشة كابل وكاتبلك pls connect to itunes
4- افتح الايتيونز من الكمبيوتر واستنى شوية
5- المفروض لو التليفون ده مفتوح unlocked حيكتبلك you phone is activated وحيجيب شبكة وحتلاقية اشتغل
6- لو معملش كده يبقى التليفون locked
7 - حتشترى جيفى سيم ودى فى حدود 200 جنية
8- ركبها على sim وركب السيم والجيفى الاتنين مع بعض فى التليفون
9 اعمل الخطوات اللى فى الفيديو ده
Gevey Sim - tutorial on How to unlock iphone 4 - YouTube