تغيير تيل التيجو بتيل متوافق

**aboomarahmad** · 14-11-2011 11:03 AM

المشاركة الأصلية كتبت بواسطة firstknight_eg

كنت في التوكيل بعمل صيانة العشرين فا قالولي التيل عاوز يتغير (امامي وخلفي) بكام يا عم ب 225 جنيه تقريبا، قولت له لا يا باش مهندس انا هغيره بره، قالي بس خد بالك التيل ده مش ناقصله كتير.

وكمان مش عاوز افك واركب انا عاوز تيل يقعد 40 او 50 الف كيلو من غير وجع دماغ

المهم ربنا وفقني واقدرت اركب تيل الابيزا موديل من 94 لموديل 2001 وبيقولو انه نفس تيل الجولف 3 موديلات من 92 ل 97 والباسات موديلات من 88 ل 96.

التيل الخلفي ملقتش غير تيل الراف 4 موديل 2003 وبرضه ركب فل والحمدلله.

المهم نجرب التيل الجديد ونقولكوا ايه الاخبار

السلام عليكم:
شكرا يا صديقي على إفادتك لينا
انا داخل على صيانة العشرين بردو واللي معايا اوتوماتيك
ممكن بعد إذنك تقولي الصيانة كلها اتكلفت كام وايه اللي بيتعمل فيها بالظبط؟؟
سؤال تاني:تكلفة التيل امامي وخلفي 225 بالمصنعية؟؟
لأن لو كدة يبقى زي برة 100+90+35مصنعية=225

ومستنيك مع بقية الزملاء تقولنا الأمامي بتاع ايه بالظبط وبكام

شكرا
م.ياسر

**sanhory** · 14-11-2011 11:36 AM

تجربة موفقة انشاء الله

بس على فكرة التيل الحلو مش التيل اللي يعيش كتير بالعكس دا اللي بيعيش كتير دا يبقى اسوأ انواع التيل لانه مش بيتاكل و بياكل هوا في الطنابير

التيل النضيف بيخلص بسرعة و بيمسك عالطمبورة كوبس و بيحافظ عليها يعني لو مثلا سواقتك رياضية طول الوقت ممكن تغير كل 6 شهور مثلا لو سواقة عادية يبقى كل 10 شهور او سنة يعني 20 الف كم

**firstknight_eg** · 14-11-2011 06:17 PM

المشاركة الأصلية كتبت بواسطة aboomarahmad

السلام عليكم:
شكرا يا صديقي على إفادتك لينا
انا داخل على صيانة العشرين بردو واللي معايا اوتوماتيك
ممكن بعد إذنك تقولي الصيانة كلها اتكلفت كام وايه اللي بيتعمل فيها بالظبط؟؟
سؤال تاني:تكلفة التيل امامي وخلفي 225 بالمصنعية؟؟
لأن لو كدة يبقى زي برة 100+90+35مصنعية=225

ومستنيك مع بقية الزملاء تقولنا الأمامي بتاع ايه بالظبط وبكام

شكرا
م.ياسر

صيانة العشرين عاملة سبعماية وشوية "صباح التعوير" عشان بتغير زيت وفلاتر وبوجيهات وطبعا متنساش الإكرامية "في صورتها المتحضرة مصنعيات التركيب"

والله ال 225 للامامي والخلفي ده اللي اتقالي من بتوع التوكيل حضرتك ممكن تتصل بيهم تسأل عن المصنعية وهو تقريبا ما بيفرقش عن بره كتير اللي في نوعية التيل

وإنشاء الله اول ما ارجع هشوف التيل الامامي واقولكوا

**emad12** · 21-11-2011 12:04 AM

معلش انا برضة معايا تيجو وكنت عايز اعرف اولا اية الراف دى وبعدين انت ماقلتش اسعار التيل اللى انت اشتريتة بكام واعتقد انك كدة ممكن تقول رايك فى التيل الجديد برجاء ماتنسنيش فى الرد ولك جزيل الشكر

**firstknight_eg** · 21-11-2011 10:32 PM

الراف 4 ديه العربية اللي التيجو واخده الشكل بتاعها خصوصا الموديل التاني اللي هو بتاع 2003
معلش انا مش في مصر دلوقتي وبإذن الله راجع يوم الاحد، اتاخرت في الرجوع شوية، في عشان كده مش قادر ليه احكم عليه

التيل الخلفي سعره 450 جنيه تقريبا