الموضوع: المهتمين ب m 11 ؤلا بعد سنتين من نزول العربيه

المشكله يااخ هيما الواحد ممكن يطنش صوت الصوصوه والنونوه بس المشكله لما واحد بيركب معاك بتكون محرجه لما تكون راكب عربيه زيرو وتسمع صوت صوصوه اكانك راكب سرفيس

ياريت ياجماعه الموضوع ده يتقفل بصراحه الحكايه واخده اكتر من حقها عربيه بتصوصو ؟؟؟ ويقول انه واحد دبسه فى العربيه يعنى العربيه زى الفل بس بتصوصو ؟؟؟؟؟
التوكيل سهل جدا يحل المشكله دى وبعدين ممكن تكون العربيه بتمشى فى طريق ترابى جامد او مطبات كتير اوى وبالتالى هتفضل المشكله موجوده .....اعتقد اننا لازم نعرف السبب الاول وده حاجه بسيطه جدا وكفايه كده فى حكايه الصوصوه دى

والله ياجماعه انا بصراحة مبقتش بحب اتكلم عن العربية مع اى حد وبقيت كل مرة ادخل اكره عربيتى رغم انى مشوفتش فيها المشاكل دى وبقيت كل اما اركبها اقول ياترى اية هيبوظ النهاردة دى الناس فى المنتدى قالت وقالت حتى لو سمعت صوت عربية جنبى موتورها عالى او فيها مشكله وعامله صوت بشك انها عندى , ومن كام يوم على احد المنتديات واحد كاتب انقذوا الناس من الm11 كنت هنزل ارميها فى البحر قبل ماتنفجر وكل دة علشان سال واحد فى بنزينه شتم فيها . ياخوانا والله العظيم العربيات فى مصر زى بعض والى ركب سيارات برا ميستحملش السيارات هنا . يعنى مثلا كان مع والدى سيارة تويوتا كورولا موديل 90 تقفيلها احسن من الكروز 2011 الى بتنزل مصر مابالكم بقى العربيات الى بنلعب احنا فيها ونحط بصمتنا .. صدقونى والله اى عربية تقفيل مصرى سواء كورى او يابانى او المانى حتى هتلاقوها فيها العبر فبلاش تتعبوا اعصابكم كتير وتعايشوا معاها .. وفى النهاية ربنا يبعد الشر عن الجميع

المشاركة الأصلية كتبت بواسطة hugan

ياريت الكثير يقتنع
المشكله عند بعض الناس انه يدفع فوق ال 120000 في عربيه ومليانه مشاكل ومقتنع بيها جدا وفرحان
يقولك اصلها اعتماديه انا مش عارف جابوا الكلمه دي منين
في هنا عضو معانا في المنتدي عربيته الجيتا اللي ثمنها فوق ال 170000
الفتيس بتاعها فيص واتشيع علي 40000 كيلو
اصلها اعتماديه ووسائل الامان فيها عاليه جدا لدرجه ممكن تخيش في مقطوره وعادي العربيه تدورها وتمشي بيها ولا حتي محتاجه توديها لسمكري
اصلها اعتماديه
ولا ممكن تجيب لك عربيه سيفك زي الفل وتغير لها تيل فرامل كل 20000 وتدفع في تيل 700جنيه
وكل ماتنزل علي مطب تنزل الركاب اللي معاك
ولا تجيب حته ميجان ولا فلوانس تبيع اللي وراك واللي قدامك لو حبيت تغير كوبلن ولا دينامو وماتعرفش تغير لها بطاريه الا في التوكيل
اصلها اعتماديه
ولا تجيب عربيه تويوتا كورلا ذات الفتيس السحري ومحتاج كتالوج علشان تعرف تمشي العربيه
ولا تجيب لك حته اوبل محترمه تخليك تلف حوالين نفسك
اصلها اعتماديه
حاجه تفقع
اصلها اعتماديه

ههههههههههههههههه معاك حق حاجة تفقع والله
اللى معاه لانوس حتى فرحان بيها اوى ويقولك اصلها اعتمادية قطع غيارها برخص التراب .. السباك والنجار بيشتغلوا فيها .. لما تيجى تبيعها مش هتخسر كتير سوقها شغال!!
بص بقى على اللانوس تلاقى البدع:

1. كل يوم والتانى عند ميكانيكى او كهربائى
2. واطية على الارض وتحس انك زاحف فى الشارع
3. لا ثبات ولا امان ولا بتنجان
4. فقيرة الكماليات

ييجى عند الاسبرنزا يقولك انت عبيط ترمى فلوسك فى الصينى! والله ركوبة الام 11 احسن 100 مرة من ركوبة اللانوس .. وان كان على المشاكل فميش عربية سوبر مبتعطلش او مفيهاش مشاكل

بس اصلها اعتمادية

المشاركة الأصلية كتبت بواسطة hugan

ياريت الكثير يقتنع
المشكله عند بعض الناس انه يدفع فوق ال 120000 في عربيه ومليانه مشاكل ومقتنع بيها جدا وفرحان
يقولك اصلها اعتماديه انا مش عارف جابوا الكلمه دي منين
في هنا عضو معانا في المنتدي عربيته الجيتا اللي ثمنها فوق ال 170000
الفتيس بتاعها فيص واتشيع علي 40000 كيلو
اصلها اعتماديه ووسائل الامان فيها عاليه جدا لدرجه ممكن تخيش في مقطوره وعادي العربيه تدورها وتمشي بيها ولا حتي محتاجه توديها لسمكري
اصلها اعتماديه
ولا ممكن تجيب لك عربيه سيفك زي الفل وتغير لها تيل فرامل كل 20000 وتدفع في تيل 700جنيه
وكل ماتنزل علي مطب تنزل الركاب اللي معاك
ولا تجيب حته ميجان ولا فلوانس تبيع اللي وراك واللي قدامك لو حبيت تغير كوبلن ولا دينامو وماتعرفش تغير لها بطاريه الا في التوكيل
اصلها اعتماديه
ولا تجيب عربيه تويوتا كورلا ذات الفتيس السحري ومحتاج كتالوج علشان تعرف تمشي العربيه
ولا تجيب لك حته اوبل محترمه تخليك تلف حوالين نفسك
اصلها اعتماديه
حاجه تفقع


الله ينور عليك ياعم هوجان المشكله ان الناس تسمه حكايه الصينى علطول تقةل لك صينى يععععععع ده وحش اوى تقوله ايه الاسباب يقوللك بقى شويه حاجات عجب اصل القربه اتخرمت اصل باحس كده انى مش مستريح فى العربيه اصل .....وهكذا بدون اى سباب منطقيه بالاضاقه انك تقعد طبعا مع اى حد من بتوع العربيات الاعتماديه دى يكتشف انك عندك فى الصينى كل الكماليات واكتر منه كمان فى عربيته وطبع يقوللك ياعم ده صينى زالله انا ركب معايا واحد صاحبى عنده فيرنا كان هيتجنن وهو راكب الاسبرنزا 516 من كبر حجم وراحه صالون العربيه وثباتها والعزل الجامدوبفى عايز يضرب نفسه

اصلها اعتماديه

يا جماعة سوق العربيات في مصر مفهوش اي موضوعية وماشي بالتكهنات والاشاعات، وكانت مع واحد صاحبي وحصل كذا وكذا وقابلت واحد وقالي كذا وكذا. مفيش اي موضوعية، اللي معاه العربية يقول اللي معهوش خلاص يسمع من واحد واتنين وعشرة لغاية لما يكون راي ليه.

لواحب اقول علي سبيل المثال، في كمية مشاكل في الباسات مثلا من تغيير التربو 40 الف كيلو تغيير فتيس بعد اربع شهور وتغيير الفتيس علي 120 الف "وعلي فكرة الفتيس عامل 50 الف جنيه بتقولوا كام يا ولاد خمسين الف جنيه" وواحد تاني علي 45 الف كيلو.

هل في حد مثلا قال انقذوا الناس من الباسات، الموضوع غياب الموضوعية بس.

الاسبرانزا زي اي عربية في مصر ليها اللي ليها وعليها اللي عليها، ومفيش اي عربية في مصر مفهاش عيوب ولا توكيل في مصر كويس كلهم زي بعض

يبقي نخلينا موضوعين ونقول اللي ليها واللي عليها بأمانة، وبلاش التهويل وواحد قابلته قالي. انا حاسس ان اصحاب العربية بطلوا يدخلوا المنتدي عشان الكلام ده، يكره الواحد في العربية