صوت الصوصوه الى بيكون فى العربيه وانتا ماشى على طيريق غير ممهد دا حله ازاى عشان خلاص انا اتقرفت ومش عارف اتاقام .. دلوقتى الصوت كمان وانا ماشى على اسفلت باسمعه .. تغسل باز ولا ترش الجلد بزيت برده مفيش فايده حد مكن يقلى اعمل ايه ؟؟؟؟؟
عرض للطباعة
صوت الصوصوه الى بيكون فى العربيه وانتا ماشى على طيريق غير ممهد دا حله ازاى عشان خلاص انا اتقرفت ومش عارف اتاقام .. دلوقتى الصوت كمان وانا ماشى على اسفلت باسمعه .. تغسل باز ولا ترش الجلد بزيت برده مفيش فايده حد مكن يقلى اعمل ايه ؟؟؟؟؟
اشتري علبة شحم و روح لعفشجي يحمل العربية علي كراسي و يريح العفشة الخلفية كلها و يحط شحم و يربط و هتلاقي الصوت اختفي مالايقل عن 10 الاف كيلو ان شاء الله ....
انا بروح لبنزينة على الاوتوستراد بغسل العفشة وبيزيتها بمسدس هوا ..... والحمد لله معنديش صوصوة
غالباً الصوت دة بيكون فى كل عربيات الـ m11 انا كمان عندى نفس الصوت ومش عارف أعمل ايه فى صيانة ال 10000 قولت علية اتعمل لمدة يومين ورجع تانى أحتمال اجرب موضوع الشحم اللى hemaa قال علية
تحياتى
هو السبب ايه موضوع الشحم دا برشامه وابراهيم هو الدبسنى فى العربيه بموضوعيته لكن الظاهر انها فلوس حرام حسبى الهه فى الصينى برضه دى مشكله فى عربيلت زيرو دا قمه السوء فى اى منتج مصرى العيب مش على الصين العيب علينا
عيب ياباشا لما تقول ان في حد دبسك الراجل بيكتب عن عربيته وهو حر في رأيه مش معني كدة ان حضرتك تشتري العربية علي كلامه
الاخوة الاعضاء ملاك الام 11
بخصوص موضوع الصوصوة اللى بتسمعه طول ما انت ماشى ده كان عندى من بعد ما مشيت بالعربية حوالى 1000 كم بس كنت بسمعه باستمرار سواء على طرق غير ممهدة او اسفلت وعلى سرعات بطيئة او عالية فاعتقد هى هى نفس المشكلة
الحمد لله السبب معروف والحل موجود
الصوت ده طالع من جرابات الواير بتاع فرامل اليد فحضراتكم لما تروحوا التوكيل تبلغوا عن موضوع الصوصوة وتحدد السبب اللى انا قولته وهم هيقوموا بتشحيم الجرابات وان شاء الله الصوت هيختفى تماما انا دلوقتى عامل 7000 كم والصوت مرجعش تانى نهائيا
انصح بان اللى عاوز يحل الموضوع ده يحجز ميعاد فى مركز ابو رواش وتحديدا مع المهندس ابو بكر - مشكورا اول ما قولتلو ان فيه صوصوة قاللى السبب كذا كذا وفعلا تم حله ومرجعش تانى
عقبالكم جميعا ان شاء الله واتمنالكم ام 11 بدون اية مشاكل
الله ينور عليك وانا معاك فى حكايه ابو رواش وانا شايف انه افضل مركز خدمه حتى الان وعايز بس الناس يكون بالها طويل شويه وتتعامل مع مركز الخدمه مش معقول اى حد يشتر ى العربيه يطلع فيها اى حاجه بسيطه يبقى العربيه كلها بايظهاقتباس:
المشاركة الأصلية كتبت بواسطة khaled_Saga
:satelite::satelite::satelite:
والله انا شخصيا الحمدلله عامل بيها لحد دلوقت 3500 كيلو ومبسمعش صوت صوصوة خالص رغم انها خدلتها عين اول شهر وخبط فيها موتوسيكل وهيا راكنه ضيعلى الفانوس اليمين الامامى بفانوس الاشارة بالاكصدام وتم تغيرهم على التامين والحمدلله رجعت زى الاول وتقييمى ليها حتى الان انها ماشاء الله ثبات ونعومة وانسيابية عالطريق وفرامل ممتازة وبحمد ربنا على اختيارى ليها
كلام مظبوط وعن تجربهاقتباس:
المشاركة الأصلية كتبت بواسطة khaled_saga
علي فكرة انا موضوع الشحم ده بقوله ببساطة علشان لما كنت بعمل صيانة ال 15 علي 17 الف في اسكندرية لما الشربون خلص ... وقتها كانت بتصوصو و تنونو وكانت هتهوهو خلاص ...
كل اللي حصل ان وانا في التوكيل اللي في شارع كلية الطب رحت للعفشجي جوه و طبقتله ورقة ب 5 ولا 10 مش فاكر ... قام زعق في الواد الصنايعي المسكين اللي معاه و قدام عيني عمل اللي انا بنقلهولكو ده ...
العربية فضلت من 17 الف لحد بعد ال 25 ولا ليها حس ولا صوت بس مع بدء التربيط العادي في ابو رواش علي 26 و علي 32 الف بدأت تصوصو تاني ...
وطالاما الموضوع مفهوم و مش خطير ولا مؤثر يبقي اولا و اخيرا انت و اعصابك تعرف تطنش ولا لا كل واحد حر في دماغه
الراجل اللي بيقول اني دبسته ... الله يسامحك يا سيدي ....مش هعد اعيد و ازيد في مهاترات مفيش منها فايدة
المشكله يااخ هيما الواحد ممكن يطنش صوت الصوصوه والنونوه بس المشكله لما واحد بيركب معاك بتكون محرجه لما تكون راكب عربيه زيرو وتسمع صوت صوصوه اكانك راكب سرفيس
ياريت ياجماعه الموضوع ده يتقفل بصراحه الحكايه واخده اكتر من حقها عربيه بتصوصو ؟؟؟ ويقول انه واحد دبسه فى العربيه يعنى العربيه زى الفل بس بتصوصو ؟؟؟؟؟
التوكيل سهل جدا يحل المشكله دى وبعدين ممكن تكون العربيه بتمشى فى طريق ترابى جامد او مطبات كتير اوى وبالتالى هتفضل المشكله موجوده .....اعتقد اننا لازم نعرف السبب الاول وده حاجه بسيطه جدا وكفايه كده فى حكايه الصوصوه دى
والله ياجماعه انا بصراحة مبقتش بحب اتكلم عن العربية مع اى حد وبقيت كل مرة ادخل اكره عربيتى رغم انى مشوفتش فيها المشاكل دى وبقيت كل اما اركبها اقول ياترى اية هيبوظ النهاردة دى الناس فى المنتدى قالت وقالت حتى لو سمعت صوت عربية جنبى موتورها عالى او فيها مشكله وعامله صوت بشك انها عندى , ومن كام يوم على احد المنتديات واحد كاتب انقذوا الناس من الm11 كنت هنزل ارميها فى البحر قبل ماتنفجر وكل دة علشان سال واحد فى بنزينه شتم فيها . ياخوانا والله العظيم العربيات فى مصر زى بعض والى ركب سيارات برا ميستحملش السيارات هنا . يعنى مثلا كان مع والدى سيارة تويوتا كورولا موديل 90 تقفيلها احسن من الكروز 2011 الى بتنزل مصر مابالكم بقى العربيات الى بنلعب احنا فيها ونحط بصمتنا .. صدقونى والله اى عربية تقفيل مصرى سواء كورى او يابانى او المانى حتى هتلاقوها فيها العبر فبلاش تتعبوا اعصابكم كتير وتعايشوا معاها .. وفى النهاية ربنا يبعد الشر عن الجميع
ياريت الكثير يقتنعاقتباس:
المشاركة الأصلية كتبت بواسطة katoba
المشكله عند بعض الناس انه يدفع فوق ال 120000 في عربيه ومليانه مشاكل ومقتنع بيها جدا وفرحان
يقولك اصلها اعتماديه انا مش عارف جابوا الكلمه دي منين
في هنا عضو معانا في المنتدي عربيته الجيتا اللي ثمنها فوق ال 170000
الفتيس بتاعها فيص واتشيع علي 40000 كيلو
اصلها اعتماديه ووسائل الامان فيها عاليه جدا لدرجه ممكن تخيش في مقطوره وعادي العربيه تدورها وتمشي بيها ولا حتي محتاجه توديها لسمكري
اصلها اعتماديه
ولا ممكن تجيب لك عربيه سيفك زي الفل وتغير لها تيل فرامل كل 20000 وتدفع في تيل 700جنيه
وكل ماتنزل علي مطب تنزل الركاب اللي معاك
ولا تجيب حته ميجان ولا فلوانس تبيع اللي وراك واللي قدامك لو حبيت تغير كوبلن ولا دينامو وماتعرفش تغير لها بطاريه الا في التوكيل
اصلها اعتماديه
ولا تجيب عربيه تويوتا كورلا ذات الفتيس السحري ومحتاج كتالوج علشان تعرف تمشي العربيه
ولا تجيب لك حته اوبل محترمه تخليك تلف حوالين نفسك
اصلها اعتماديه
حاجه تفقع
اصلها اعتماديه
ههههههههههههههههه معاك حق حاجة تفقع واللهاقتباس:
المشاركة الأصلية كتبت بواسطة hugan
اللى معاه لانوس حتى فرحان بيها اوى ويقولك اصلها اعتمادية قطع غيارها برخص التراب .. السباك والنجار بيشتغلوا فيها .. لما تيجى تبيعها مش هتخسر كتير سوقها شغال!!
بص بقى على اللانوس تلاقى البدع:
1. كل يوم والتانى عند ميكانيكى او كهربائى
2. واطية على الارض وتحس انك زاحف فى الشارع
3. لا ثبات ولا امان ولا بتنجان
4. فقيرة الكماليات
ييجى عند الاسبرنزا يقولك انت عبيط ترمى فلوسك فى الصينى! والله ركوبة الام 11 احسن 100 مرة من ركوبة اللانوس .. وان كان على المشاكل فميش عربية سوبر مبتعطلش او مفيهاش مشاكل
بس اصلها اعتمادية:36_6_3[1]:
اقتباس:
المشاركة الأصلية كتبت بواسطة hugan
:Ta_clap[1]::Ta_clap[1]::Ta_clap[1]::Ta_clap[1]:
يا جماعة سوق العربيات في مصر مفهوش اي موضوعية وماشي بالتكهنات والاشاعات، وكانت مع واحد صاحبي وحصل كذا وكذا وقابلت واحد وقالي كذا وكذا. مفيش اي موضوعية، اللي معاه العربية يقول اللي معهوش خلاص يسمع من واحد واتنين وعشرة لغاية لما يكون راي ليه.
لواحب اقول علي سبيل المثال، في كمية مشاكل في الباسات مثلا من تغيير التربو 40 الف كيلو تغيير فتيس بعد اربع شهور وتغيير الفتيس علي 120 الف "وعلي فكرة الفتيس عامل 50 الف جنيه بتقولوا كام يا ولاد خمسين الف جنيه" وواحد تاني علي 45 الف كيلو.
هل في حد مثلا قال انقذوا الناس من الباسات، الموضوع غياب الموضوعية بس.
الاسبرانزا زي اي عربية في مصر ليها اللي ليها وعليها اللي عليها، ومفيش اي عربية في مصر مفهاش عيوب ولا توكيل في مصر كويس كلهم زي بعض
يبقي نخلينا موضوعين ونقول اللي ليها واللي عليها بأمانة، وبلاش التهويل وواحد قابلته قالي. انا حاسس ان اصحاب العربية بطلوا يدخلوا المنتدي عشان الكلام ده، يكره الواحد في العربية
بالظبط مفيش عربيه مفيهاش مشاكلاقتباس:
المشاركة الأصلية كتبت بواسطة firstknight_eg
الطبيعي ان العربيه بتستهلك مكوناتها موتور عفشه كهرباء قطع غيار لابد من تغييرها لصيانه العربيه والمحافظه علي كفائتها هو ده الشيء الطبيعي
الامر المستغرب لدينا ان الكل يتقبل اصلاح وتغيير وصيانه عربيته اي كان نوعها حتي لو عربيه غاليه ولسه زيرو
وتلاقي التعليقات في جميع الاقسام وعلي الاخص السيارات الاوربيه واليابانيه
ياعم ماطبيعي عيب الصناعه وارد
اللي بيعمل العربيه بشر والخطاء وارد
تيجي عند العربيات الكوريه والصيني علي الاخص
ما طبيعي انت منتظر ايه من عربيه صيني
يعني هو حلال لعربياتكم حرام علي العربيات الصيني
موقف حصل في التجمع قبل العيد
عربيه كارينز فرملت فجاءه
انا فرملت وبسرعه ولحقت نفسي
جاي من الخلف عربيه سيتروين اكسارا
مالحقش يفرمل
خبطني من الخلف اندفعت للا مام خبطت في الكارينز
والله علي ماقول شهيد
من الخلف ما حصليش حاجه بتاع السيتروين الردياتير ضاع نزل المياه اللي فيه
اكصدام
والكابوت اطبق الجزء الامامي
انا من الامام الاكصدام اتشرخ شرخ بسيط ولحمته
الشبكه اتكسرت
ولحمت فانوس الشبوره القواعد البلاستيك بتاعت تثبيته في الاكصدام اتكسرت ولحمتها بارنديد لكن الفانوس كله سليم مفيش اكتر من
بتاع الكارينز ما حصلش له حاجه لان خبطتي في الاكصدام الخلفي للكارينز
لو قارنا انا خبطه من الامام
السيتروين خبطه من الامام
ودي عربيه اوربيه
واعتماديه
وامان عالي
يا عم خلينا ساكتين عشان الموضوع باه يتعب الاعصاب، المهم حمدا لله علي سلامتك وابقي خد بالك وانت سايق وسيب مسافة مناسبة بينك وبين اللي قدامك.
وبعدين احنا ما عندناش عربيات في مصر احنا بأمانة كل العربيات مقارنة بمثيلاتها بره مصر بتبقي توكتوك
وبالمناسبة انت عارف النهاردة لقيت ظباط المرور عاملين كمين ومعاهم ردار وبيوقفوا العربيات اللي ماشية علي سرعة اعلي من السرعة المقررة، عارف السرعة المقررة كانت كام 50 كيلو "الكلام ده مش في مصر عشان محدش يقلق" واللي بيلبس المخلفة بيدفع وميفتحش بقه
ههههههههههههههههههههههههاقتباس:
المشاركة الأصلية كتبت بواسطة hugan
كلامك 100 100 ............... معلش مش قادر امسك نفسي من الضحك علي كلمة " اعتمادية"
لان الناس فعلا بيقولو اي هبل فى الجبل والكل " اعتمادية" ..... انت جبت المفيد
ياريت الناس تروح لمواضيع البي ام ويشوفو ان من اولويات اختيارها مستعلمه ..... اختبار العفشه لانها داااائما متهالكه او محتاجه صيانه وتمنها رهيب ..... والجديد ممتاز بس بص لما يحصل مشكلة بسيطه فى الفتيس الالكتروني او بالونات الهوا مابتفتحش ..... وبرضو بيسموها بسيطه
وحصلت مشكلة لواحد صاحبي انه معاه جتا الجديده وعمل حادث مع اتوبيس ودواسة البنزين نزلت لتحت لوحدها ودخل فى الاتوبيس والاير باج مافتحش ...... مشاكل "بسيطه " معلش اصلها "اعتمادية" وممنوع اي حد يتكلم علي الالماني او الياباني لانه ....... حراااام ........... ناس دماغها غريبه
الحمد لله ال620 بتاعتي زي الفل والحمد لله ..... وال516 قبلها كانت كويسه جدا
ربنا يديمها علينا نعمة
قال تعالي " ولئن شكرتم لأزيدنكم..... " الايات
ودمتم سالمين