الموضوع: مشكله غريبه

الاخ المحترم
لو حضرتك متأكد من ضبط الزوايا , يبقى المشكلة في العفشة , و مش معنى ان حضرتك مربط يبقى كل حاجة تمام التربيط ده بيكون دوري علشان الشوارع اللى بنمشي فيها و لان طبيعة تلك العربية كده يعنى لازم تربط و الا تحس ان العربية مفكوكة من بعض بس حضرتك لازم تروح لعفشجى كويس و يفك عفشة العربية من ادام كلها و يكشف على كل البيضات و المقصات و بعد ما يلاقى المشكلة ممكن تكون بيضة او اكتر بيظة او حته تلاقى محتاج كاوتشة عايزة تتغير و ان شاء الله تكون المشكلة بسيطة يغسل لك كل العفشة غسلة محترمة و بعدين حضرتك تبقى تظبط الزوايا عند بنزينة محترمة يفضل ان يكون فيها الجهاز الجديد اللى من غير حبل او سلك و بعد الزوايا حضرتك تربط عفشة عند العفشجى و انصح حضرتك انك تعمل العفشة عند و احد حداد عفشة محترم مش الميكانيكي علشان اللادا كل الناس بيشتغلوا فيها زي ما حضرتك عارف
اتمنى ان اكون قد افدت

استاذى الفاضل
انا كشفت على العفشه وبعدين ربطها وكانت عند عفشجى بتعامل معاه من زمان واستاذ صراحه
وبعدين ظبط زوايا اول مرة يدوى وتانى مرة كمبيوتر بالجهاز الجديد وكان دورى العاشر فى البنزينه وعند واحد استاذ برضو
ما هو اللى محيرنى انى عملت كل حاجه عند احسن ناس ومافيش فايده
ربنا يحلها من عنده

الف شكر يا اخوانى

ممكن تكون الفرامل فى الدشمة اليمن مغلقة على الطمبور اكثر من الشمال دى عن مشكلة قبلتنى من هذا القبيل

المشاركة الأصلية كتبت بواسطة ahmed_gamal777

ممكن تكون الفرامل فى الدشمة اليمن مغلقة على الطمبور اكثر من الشمال دى عن مشكلة قبلتنى من هذا القبيل

الله يفتح عليك برااااااافو
فعلا طلع هو ده السبب والحمد لله تمت على خير وبارك الله فيكم جميعا

المشاركة الأصلية كتبت بواسطة thediesel

يجوز كلام الأستاذ احمد جمال بس ده هتلاقي عربيتك بتصفر تصفير الفرامل في اول السرعة البطيئة و أعتقد العيب ده المفروض يبان بسهولة للعفشجي ... بس انا باميل لموضوع العفشة و الزوايا و ربنا يحللك مشكلتك فالعربية و مش هتخسر حاجة لو روحت لميكانيكي ثاني تخليه يكشفلك على العفشة و تقوله يبص على كل حاجة فيها كويس و اوصفله المشكلة كويس و ان شاء الله خير

فعلا المشكله طلعت فى الفرامل يمين بس ما كانش فيه اى تصفير انا اكتشفت كده لما كنت ماشى فى شارع طالع وبعدين العربيه اللى قدامى وقفت فوقفت واما حبيت اطلع لقيت عربيتى واقفه فى مكانها وما فيش اى ترييحه لورا لحد ما سيبت رجلى من الفرامل خالص وبرضه العربيه ماسكه نفسها
والف شكر على اراء حضرتك وحسن تعاونك